മമ്മൂട്ടിയുടെയും മോഹന്ലാലിന്റെയും മൗനത്തിനു പിന്നിലെ രഹസ്യം...
കൊച്ചിയില് നടി ആക്രമിച്ച കേസില് താരങ്ങളുടെ സംഘടനയായ അമ്മയിലെ പ്രമുഖ താരങ്ങളെല്ലാം പ്രതികരിച്ചപ്പോഴും തലകുനിച്ച് അമ്മയുടെ വാര്ത്താ സമ്മേളനത്തിലിരുന്ന സൂപ്പര് താരങ്ങളായ മമ്മൂട്ടിയും മോഹന്ലാലും താരങ്ങളായിരിക്കുകയാണ് . ബാക്കിയുള്ള എല്ലാ പ്രമുഖ താരങ്ങളും നടിയ്ക്കെതിരെ പ്രതികരിക്കുകയും ദിലീപിനെ അനുകൂലിച്ച് സംസാരിക്കുകയും ചെയ്തു. അവരെല്ലാം പെട്ടുപോയിരിക്കുകയാണ്.
അതേ സമയം മൗനം വിദ്വാനു ഭൂഷണം എന്ന തരത്തില് ഇരുവരും തലകുനിച്ചിരുന്നു. മമ്മൂട്ടി എല്ലാം കഴിഞ്ഞപ്പോള് അര്ത്ഥഗര്ഭമായ ചിരിയോടെ ചായ കുടിച്ചിട്ടേ പോകാവൂ എന്നു പറഞ്ഞു. മോഹന്ലാലാകട്ടെ സംഭവത്തിന്റെ ഓരോ നിമിഷത്തിലും ഇടയ്ക്കിടെ തലയുയര്ത്തി എല്ലാം വീക്ഷിക്കുന്നുണ്ടായിരുന്നു.
അതേസമയം പ്രതികരിച്ച ഇന്നസെന്റ് മുകേഷ് ഗണേഷ് കുമാര് അജു വര്ഗ്ഗീസ് സലീം കുമാര് തുടങ്ങിയ വമ്പന് താരനിരയാണ് പെട്ടിരിക്കുന്നത്.
നടിയെ ആക്രമിച്ച കേസില് ദിലീപ് അറസ്റ്റിലായ സാഹചര്യത്തിലെങ്കിലും സിനിമയിലെ സൂപ്പര് താരങ്ങള് തെറ്റിനെ തെറ്റെന്നു തുറന്നു പറയാന് തയ്യാറാകണമെന്നാണ് സംവിധായകന് വിനയന് പറയുന്നത്. ഒരു നടിയെ അപകീര്ത്തിപ്പെടുത്താന് നടത്തിയ നീചമായ ശ്രമമാണ് പുറത്തു വന്നിരിക്കുന്നത്. പ്രേക്ഷകരോട് സിനിമാരംഗം ക്ഷമ ചോദിക്കണമെന്നും വിനയന് പ്രതികരിച്ചു. നടന് ദിലീപ് പലരെയും പുറത്താക്കാന് ശ്രമിച്ച നിരവധി കഥകളുണ്ടെന്നും അദ്ദേഹം പറഞ്ഞു.
സിനിമയിലെ ശത്രുക്കളെ ഒഴിവാക്കാന് വേണ്ടി ഏതറ്റം വരെയും പോകാമെന്നാണ് ദിലീപ് ധരിച്ചത്. പക്ഷെ പെട്ടുപോയി. സൂപ്പര് താരങ്ങളുടെ മൗനം ഈ കേസില് അതീവ ശ്രദ്ധേയമാണ്. ദിലീപിന്റെ അറസ്റ്റ് സംബന്ധിച്ച് മുകേഷും കെബി ഗണേഷ് കുമാറും പ്രതികരിക്കാന് പോലും തയ്യാറാകുന്നില്ല. ഇരുവരുടെയും ഫോണില് ബന്ധപ്പെട്ടെങ്കിലും അവര് ഫോണ് അറ്റന്ഡ് ചെയ്യാന് തയ്യാറാകുന്നില്ല. അമ്മയുടെ പത്രസമ്മേളനത്തില് നടന് ദിലീപിനു വേണ്ടി ശക്തമായി വാദിച്ചവരാണ് ഇരുവരും.
അമ്മ എന്ന സംഘടന ഒരുപ്രമേയമെങ്കിലും അവതരിപ്പിക്കാന് തയ്യാറാവാതെ വന്നതും ഉപജാപകവൃന്ദത്തെ ഉപയോഗിച്ച് സൂപ്പര്താരങ്ങളെ പോലും മൗനത്തിലാക്കാന് ദിലീപിനു കഴിഞ്ഞു. എങ്കിലും ഇത്രത്തോളം നീചമായ പ്രവര്ത്തി ഈ നടന് ചെയ്യുമെന്ന് ആരും പ്രതീക്ഷിച്ചില്ല.
https://www.facebook.com/Malayalivartha