അന്ന് തിലകന് പറഞ്ഞ വാക്കുകള് ഇപ്പോള് സത്യമാകുന്നു...
നടിയെ ആക്രമിച്ച സംഭവത്തില് ദിലീപ് അറസ്റ്റിലയതിന് പിന്നാലെ പല അഭ്യൂഹങ്ങളുമാണ് ഉയരുന്നത്. ഇപ്പോള് സോഷ്യല് മീഡിയയില് ചര്ച്ചയാകുന്നത് ദിലീപിനെ കുറിച്ച് മരിക്കും മുമ്പ് തിലകന് പറഞ്ഞ വാക്കുകളാണ്. ദിലീപ് വിഷമാണെന്ന് തന്റെ അനുഭവത്തില് നിന്നും പറയുകയാണെന്ന് തിലകന് പറഞ്ഞിരുന്നു. മരണത്തിന് കീഴടങ്ങും മുമ്പ് തിലകന് ഒരു മാധ്യമത്തിന് നല്കിയ അഭിമുഖത്തിലാണ് ഇക്കാര്യം വ്യക്തമാക്കിയത്.
ദിലീപിന്റെ അഭിനയം മിമിക്രി പോലെയാണെന്നും മോഹന്ലാലിനെ പോലെയൊന്നും ദിലീപിന് അഭിനയിക്കാന് ഒരിക്കലും സാധിക്കില്ലെന്നും മലയാള സിനിമയില് പാരവെയ്പ്പും പരദൂഷണവും മാത്രമാണ് ഇപ്പോള് ഉള്ളതെന്നും തിലകന് തുറന്നടിച്ചിട്ടുണ്ട്. അഭിനയം പോലെ സ്വതസിദ്ധമായി കിട്ടിയ ഒന്നാണ് സത്യത്തിന് നേരെ കണ്ണടയ്ക്കുന്നത്. തനിക്കതിന് പ്രയാസമാണെന്നും താന് പ്രതികരിക്കുമെന്നും സൂര്യഗോളത്തെ ഒരിക്കലും മേഘം മറയ്ക്കില്ലെന്നും നമ്മുടെ കണ്ണുകളെയാണ് അവ മറയ്ക്കുന്നതെന്നും തിലകന് പറഞ്ഞിരുന്നു.
ഇപ്പോള് മലയാള സിനിമയും താരസംഘടനയും കടന്നുപോകുന്ന പ്രതിസന്ധികള്ക്ക് സമാനമായ സാഹചര്യങ്ങള് ഇതിന് മുമ്ബും ഇറങ്ങിയിട്ടുണ്ടെന്നും 2010 മുതല് 2012 വരെയുള്ള കാലം അമ്മയെന്ന സംഘടനയ്ക്ക് പ്രതിസന്ധി കാലമായിരുന്നെന്നും അമ്മയിലെ മാഫിയ ബന്ധങ്ങളെ കുറിച്ചും പകപോക്കലിനെ കുറിച്ചും തിലകന് തുറന്നു പറഞ്ഞിരുന്നു.
തനിക്ക് ജീവിതത്തില് അഭിനയിക്കാന് അറിയില്ലെന്നും വൃത്തികേട് കാണിച്ചാല് തുറന്നു പറയുമെന്നും തിലകന് പറഞ്ഞിരുന്നു. തന്നെ വിലക്കാന് കൂട്ടുനില്ക്കുന്നത് മലയാളത്തിലെ ഇപ്പോഴത്തെ സൂപ്പര്താരവും താരങ്ങള്ക്ക് ചുറ്റുമുള്ള ഉപഗ്രഹങ്ങളുമാണെന്ന് ആവര്ത്തിച്ചാവര് അദ്ദേഹം പറഞ്ഞിരുന്നു. അമ്മയുടെ ജനറല് ബോഡി മീറ്റിംഗില് പങ്കെടുക്കാന് പൊലിസ് സംരക്ഷണം പോലും തേടേണ്ട സാഹചര്യം തനിക്കുണ്ടായിട്ടുണ്ടെന്നും സംഘടന മാഫിയയാണെന്നും അദ്ദേഹം തുറന്നടിച്ചിട്ടുണ്ട്.
https://www.facebook.com/Malayalivartha