ചാനലിന് പങ്കൊന്നുമില്ല; കഴിച്ചത് തന്റെ ഇഷ്ടഭക്ഷണം:സുരഭി ലക്ഷ്മി
ഓണത്തിനായാലും ഓണപരിപാടിയിലായാലും താന് കഴിക്കുന്നത് തന്റെ ഇഷ്ടഭക്ഷണമാണെന്ന് ദേശീയചലചിത്രപുരസ്ക്കാര ജേതാവായ സുരഭി ലക്ഷ്മി. അതില് ചാനലിന് ഒരു പങ്കുമില്ലെന്നും സുരഭി വിവാദത്തിന് മറുപടിയായി വ്യക്തമാക്കി. മീഡിയവണ് ചാനലിന്റെ ഓണപരിപാടിക്കിടെ സുരഭി ലക്ഷ്മി പൊറോട്ടയും ബീഫും കഴിച്ച സംഭവത്തില് സംഘപരിവാറുകാര് നടത്തുന്ന സൈബര് ആക്രമത്തെ കുറിച്ച് പ്രതികരിക്കുകയായിരുന്നു സുരഭി.
ചാനല് പരിപാടി ഓണത്തിന് മൂന്നാഴ്ച മുന്നേ ഷൂട്ട് ചെയ്തതാണെന്ന് സുരഭി പറഞ്ഞു. കോഴിക്കോട്ടെ ബ്രദേഴ്സ് എന്ന ഹോട്ടല് പശ്ചാത്തലമാക്കിയായിരുന്നു പരിപാടി. ഹോട്ടലില് ഇരുന്ന് തന്റെ വിശേഷങ്ങള് പങ്കുവെയ്ച്ച് ഭക്ഷണം കഴിക്കുന്നതാണ് ചിത്രീകരിച്ചതും. ഹോട്ടലില്നിന്നും ഇഷ്ട വിഭവമായ പൊറോട്ടയും ബീഫും കഴിക്കകുയായിരുന്നു. ഇതാണ് സംഘപരിവാറിനെ പ്രകോപിപ്പിച്ചത്.
ഓണത്തിന് മാസം കഴിച്ചു ഹിന്ദുക്കളെ അപമാനിച്ചുവെന്നായിരുന്ന കാവിപടയടക്കമുള്ള സംഘപരിവാര് സൈബര് ഗ്രുപ്പുകളുടെ പ്രചാരണം.
അതേസമയം ഓണത്തിന് കോഴികറികൂട്ടി ഓണസദ്യയുണ്ണുന്നതിന്റെ ഫോട്ടോ താന് എഫ്.ബിയില് പോസ്റ്റ് ചെയ്തിരുന്നതും സുരഭി പറഞ്ഞു. കോഴികഷ്ണം കൂട്ടി കോഴിക്കോടന് ഓണസദ്യ എന്ന അടികുറിപ്പോടെയായിരുന്നു ഫോട്ടോ പോസ്റ്റ് ചെയ്തിരുവന്നത്.
ഓണപ്പരിപാടിക്ക് ബീഫ് കഴിക്കുന്നതിലൂടെ സുരഭി ഹിന്ദുക്കളെ അപമാനിച്ചു എന്നാണ് സംഘപരിവാര് അനുകൂലികളുടെ പക്ഷം. ഹിന്ദുക്കള് ഓണത്തിന് മാംസം കഴിക്കാറില്ലെന്നും പിന്നെന്തിനാണ് സുരഭി മാംസം കഴിക്കുന്നതെന്നും ചോദിച്ചാണ് പല ഗ്രൂപ്പുകളും പോസ്റ്റുകള് ഇട്ടിട്ടുള്ളത്. മുസ്ലീം ചാനലില്പോയി സുരഭി ഹിന്ദുക്കളെ അപമാനിക്കുകയാണെന്നും പ്രചാരണമുണ്ടായിരുന്നു.
https://www.facebook.com/Malayalivartha