വിഭാഗീയതയും വംശീയതയും വേണ്ടുവോളം സഹിക്കുന്നുണ്ടെന്ന് മലയാളി മനസ്സിലിടംനേടിയ പാരീസ് ലക്ഷ്മി
ഫ്രാന്സിലെ പാരിസില് ജനിച്ച പാരീസ് ലക്ഷ്മി തന്റെ അഞ്ചാം വയസ്സ് മുതലാണ് ഇന്ത്യയുമായുള്ള ബന്ധം തുടങ്ങുന്നത്. ഫ്രഞ്ച് നൃത്തകിയും അഭിനേത്രിയുമായ ലക്ഷ്മി ഡാന്സിനോടുള്ള അഭിനിവേശം മൂലമാണ് ഭാരത മണ്ണുമായി കൂടുതല് അടുക്കുന്നത്. ബാംഗ്ലൂര് ഡെയ്സില് നിവിന് പോളിയുടെ നായികയായി മലയാളത്തിന്റെ മനസ്സിലും മെല്ലെ കൂടുകൂട്ടി. പക്ഷേ, ഇപ്പോഴും ഒരു വേദന ഉള്ളില് പേറുന്നുണ്ട് പാരിസ് ലക്ഷ്മി. ഇത്രമാത്രം ഈ മണ്ണിലും അതിന്റെ മനസ്സിലും അലിഞ്ഞുചേര്ന്നിട്ടും മദാമ്മ എന്ന വിളി ബാക്കിയാണ്. വിഭാഗീയതയും വംശീയതയുമെല്ലാം വേണ്ടുവോളം സഹിക്കുന്നു.
'ഇന്ത്യക്കാരിയായി ആളുകള് കാണണം എന്ന ആഗ്രഹം നടക്കുമെന്ന് തോന്നുന്നില്ല. എന്നെ ഒരു വിദേശിയായിതന്നെയേ കാണൂ. തീര്ച്ചയായും വിഭാഗീയത തോന്നിയിട്ടുണ്ട്. എന്റെ സ്കിന് ടോണ് കാണുമ്പോള് തന്നെ വ്യത്യാസം തിരിച്ചറിയും. വ്യത്യാസമുണ്ട്. അത് സത്യമാണ്. അഞ്ചാം വയസ്സ് മുതല് ഞാന് ഇന്ത്യയില് വരാറുണ്ടായിരുന്നു. പക്ഷേ, അന്നുതൊട്ട് ഇന്നുവരെ എല്ലാവര്ക്കും ഞാന് ഒരു ഫോറിനറായിരുന്നു. കുട്ടിക്കാലം തൊട്ടേ അതെനിക്ക് അനുഭവപ്പെട്ടിരുന്നു.
ഇപ്പോഴും മദാമ്മ വിളി കേള്ക്കുന്നുണ്ട്. അത് വളരെ ഇന്സള്ട്ടിങ്ങാണ്. യജമാനന് എന്ന അര്ഥത്തിലാണ് സായിപ്പ്, മദാമ്മ എന്നൊക്കെ വിളിച്ചിരുന്നത്. ആ വാക്കുകള് ഇപ്പോള് വേണ്ട. നിങ്ങള് ഒരു അടിമയാണോ അങ്ങിനെ വിളിക്കാന്. ഒരു കണക്കിന് വംശീയ അധിക്ഷേപം തന്നെയാണ് അത്. ഫ്രാന്സില് ടൂറിസ്റ്റുകള് വന്നാല് ഫോറിനര് എന്നു വിളിക്കാറില്ല. ഒരു ഇന്ത്യന് മറ്റൊരു രാജ്യത്ത് പോയാല് ഫോറിനര് അല്ലേ. അപ്പോള് ഫോറിനര് എന്ന വാക്കും മാറ്റണം.
https://www.facebook.com/Malayalivartha