ഗൗതമിയെ കുറിച്ചും കമലാഹാസന്റെ മക്കളെയും കുറിച്ച് വിവാദ വാര്‍ത്തകള്‍ ഒരുപാടാണ്. ഗൗതമിയും കമല്‍ഹാസനും പിരിയാന്‍ കാരണം ശ്രുതിഹാസനാണെന്നും മറ്റും വാര്‍ത്തകള്‍ പ്രചരിച്ചു. എന്നാല്‍ തനിക്ക് പങ്കില്ലെന്ന് ശ്രുതി വ്യക്തമാക്കിയിരുന്നു. അടുത്തിടെ ഒരു തമിഴ് ചാനലില്‍ കമല്‍ഹാസന്റെ ഇളയമകള്‍ അക്ഷര ഹാസന്‍ എത്തിയിരുന്നു. സിനിമാ വിശേഷങ്ങളും അച്ഛനെയും കുറിച്ച് ചോദിക്കുന്നതിനിടയ്ക്ക് ഗൗതമിയെക്കുറിച്ചും ചോദ്യം വന്നു.

'വളരെ ബുദ്ധിയുള്ള സ്ത്രീയാണ് ഗൗതമി. അവരെ പോരാളിയെന്നാണ് വിളിക്കേണ്ടതെന്ന് അക്ഷര പറഞ്ഞു. നല്ല വായനയുണ്ട്. നല്ല വിവരവും. നമുക്ക് എല്ലാവര്‍ക്കും അറിയാം. കാന്‍സറിനെ പൊരുതി തോല്‍പ്പിച്ച് ജീവിതം തിരിച്ചുപിടിച്ച ഒരു വ്യക്തിയാണ്. അന്ന് അവരുടെ മകള്‍ സുബ്ബലക്ഷ്മിക്ക് വെറും മൂന്ന് വയസ്സ് മാത്രമേ പ്രായമുണ്ടായിരുന്നുള്ളൂ. മറ്റാരും അവര്‍ക്കൊപ്പം ഉണ്ടായിരുന്നില്ല. മകളെ ചേര്‍ത്ത് വച്ച് കാന്‍സറിനെതിരെ അവര്‍ നടത്തിയ പോരാട്ടത്തിന് ബിഗ് സല്യൂട്ട്. ഞാനും അവരും തമ്മിലുള്ള ബന്ധം മോശമല്ലായിരുന്നു' അഭിമുഖത്തില്‍ അക്ഷര പറഞ്ഞു.