കലാഭവന് മണിയുടെ മരണത്തിലെ നിര്ണായക തെളിവുകള് സിബിഐയ്ക്ക് കിട്ടിയെന്ന് സൂചന; എല്ലാം പുറത്തു വരുമെന്ന് ആര് എല് വി രാമകൃഷ്ണന്
കലാഭവന് മണിയുടെ മരണം നടന്നിട്ട് ഒന്നര വര്ഷം കഴിഞ്ഞിട്ടും കൊലപാതകമാണോയെന്ന് ഉറപ്പിച്ച് പറയാന് അന്വേഷണ സംഘത്തിനായില്ല. അതേസമയം മണിയുടെ മരണത്തില് ദുരൂഹതയുള്ളതായി സിബിഐ കണ്ടെത്തിയെന്നും സൂചനയുണ്ട്. പാടിയില് കലാഭവന് മണിയുമായി ബന്ധപ്പെട്ട് അസ്വാഭാവികമായ പലതും നടന്നിട്ടുണ്ട്. എന്നാല് ആസൂത്രിതമമായ തെളിവ് നശീകരണം നടന്നതു കൊണ്ട് തന്നെ മരണ കാരണം കൊലപാതകമാണെന്ന് ഉറപ്പിക്കാനും കഴിയുന്നില്ല. അതിനിടെ കലാഭവന് മണിയുടെ മരണത്തിന് കാരണം ഡോക്ടര് നല്കിയ സഡേഷനെന്ന് താന് ആരോപിച്ചെന്ന വാര്ത്ത കലാഭവന് മണിയുടെ സഹോദരന് ആര് എല് വി രാമകൃഷ്ണന് നിഷേധിച്ചു.
ഒരു സ്വകാര്യ എന്ന ഓണ്ലൈന് പത്രത്തില് ഞാന് അഭിപ്രായപ്പെട്ടു എന്ന് പറഞ്ഞു കൊണ്ട് വന്ന ഒരു ന്യൂസ് കാണാനിടയായി. ഇത് ശരിയായ വാര്ത്തയല്ല. സിബിഐ അന്വേഷണം ഏറ്റെടുത്ത അന്നു മുതല് യാതൊരു പത്രമാധ്യമങ്ങള്ക്കു മുന്പില് ഇത്തരത്തിലുള്ള പരാമര്ശങ്ങള് നടത്തിയിട്ടില്ല. സോഷ്യല് മീഡിയായിലൂടെയുള്ള ഇത്തരം പരാമര്ശങ്ങളുടെ ഉറവിടം എവിടെ നിന്നാണ് എന്നറിയില്ല. ദയവായി ഇത് ഒരു അറിയിപ്പായി കരുതണം. സിബിഐയുടെ അന്വേഷണ റിപ്പോര്ട്ട് കോടതിയില് എത്തുന്നതു വരെ യാതൊരു അഭിപ്രായ പ്രകടനത്തിന് പ്രസക്തിയില്ലരാമകൃഷ്ണന് പറയുന്നു.
ഡോക്ടറെ കുറ്റപ്പെടുത്തി രാമകൃഷ്ണന് വെളിപ്പെടുത്തല് നടത്തിയെന്നായിരുന്നു പുറത്തുവന്ന സൂചന. കരള് രോഗമുള്ള ഒരാള്ക്ക് ആന്റി ബയോട്ടിക് പോലും നല്കാന് പാടില്ലാത്തതാണ്. അത് ഡോക്ടര് സുമേഷിന് വളരെ വ്യക്തമായി അറിയാമായിരുന്നുവെന്നും എന്നിട്ടും തന്റെ ചേട്ടന് സഡേഷന് നല്കുകയായിരുന്നുവെന്നും രാമകൃഷ്ണന് ആരോപിച്ചെന്നായിരുന്നു പുറത്തു വന്ന വാര്ത്ത. മണിയുടെ മരണത്തില് തെളിവെടുപ്പും മൊഴിയെടുപ്പും സിബിഐ നടത്തുകയാണ്. സിനിമയുമായി ബന്ധപ്പെട്ട പലര്ക്കും മരണത്തില് പങ്കുള്ളതായി നേരത്തെ ആരോപണം ഉയര്ന്നിരുന്നു. ഇതോടെയാണ് രാമകൃഷ്ണന്റേതായി വന്ന വാക്കുകള് ചര്ച്ചയായത്. എന്നാല് ഇത് രാമകൃഷ്ണന് നിഷേധിക്കുകയാണ്. അതിനിടെ കേസില് സിബിഐയ്ക്ക് ചില വ്യക്തമായ സൂചനകള് സിബിഐയ്ക്ക് ലഭിച്ചതായി സൂചനയുണ്ട്.
പാഡിയില് വച്ച് തന്റെ ചേട്ടന് സഡേഷന് കൊടുത്തതും തുടര്ന്ന് ആരോടും പറയാതെ അമൃതയില് എത്തിച്ചതും തന്നോടോ കുടുംബത്തിലെ ആരോടും ചോദിക്കാതെ ചേട്ടന്റെ പോസ്റ്റുമോര്ട്ടം നടത്തിയതും എല്ലാം ഡോ.സുമേഷിന്റെ നേതൃത്വത്തില് ആയിരുന്നു. ഇതെല്ലാം ആസൂത്രിതമായിരുന്നുവെന്ന് സംശയിക്കുന്നുവെന്നും രാമകൃഷ്ണന് ആരോപിച്ചുവെന്നായിരുന്നു തെറ്റായ വാര്ത്ത. പാഡിയില് ഒരു നാലുകെട്ട് പണിയാന് മണിക്ക് പ്ലാന് ഉണ്ടായിരുന്നു. അതിന്റെ പ്രാരംഭ ഘട്ടമെന്ന തരത്തില് കിണര് നിര്മ്മാണം പൂര്ത്തിയായിരുന്നു. ഇതിനിടെ, മുന്പ് കടമായി വാങ്ങിയിരുന്ന പണം മണി തിരിച്ചു ചോദിച്ചതാകാം ചേട്ടന്റെ മരണ കാരണമെന്ന വിലയിരുത്തലാണ് വാര്ത്തയിലുണ്ടായിരുന്നത്.
പ്രതികളെന്ന് സംശയിക്കുന്നവരുടെ പേരുകള് സഹിതം മൂന്ന് ഊമ കത്തുകള് തനിക്ക് ലഭിച്ചതായി രാമകൃഷ്ണന് ലഭിച്ചിരുന്നു. മണി സാമ്പത്തികമായി സഹായിച്ച പലരുമാണ് കൊലയ്ക്ക് പിന്നില് എന്ന സംശയം ബലപ്പെടുന്ന തരത്തിലുള്ളതായിരുന്നു ഈ കത്തുകള്. ഇതേ കുറിച്ച് കേരളാ പൊലീസ് അന്വേഷണം നടത്തിയിരുന്നില്ല. എന്നാല് സിബിഐ ഇവയെ കാര്യമായെടുത്തുവെന്നാണ് സൂചന.
https://www.facebook.com/Malayalivartha