രണ്ട് തരം നീതിക്കെതിരെ വേദനയോടെ ഷക്കീല
മുന് പോണ്സ്റ്റാറും ബോളിവുഡ്താരവുമായ സണ്ണി ലിയോണിന്റെ സിനിമയിലേക്കുള്ള ചുവടുവയ്പ്പ് ഷക്കീലയ്ക്ക് ശുഭപ്രതീക്ഷയാണ് നല്കുന്നത്. സണ്ണി പോണ് ചിത്രങ്ങളില് അഭിനയിച്ചിട്ടുപോലും എവിടെയും ആരാധകരാണ്. മലയാളത്തിലെ യുവ നടന്മാര് പോലും സണ്ണിയോടൊപ്പം നിന്ന് ഫോട്ടോയെടുക്കാന് മത്സരമായിരുന്നു. എന്നാല് പോണ് ചിത്രങ്ങളില് അഭിനയിക്കാതെ വെറും ബി ഗ്രേഡ് സിനിമയില് അഭിനയിച്ചെങ്കിലും ഷക്കീലയോട് രണ്ട് തരം സ്വഭാവമാണ് മലയാളികള് കാണിച്ചത്.
സ്വകാര്യമായി ഷക്കീല പടങ്ങള് കാണുകയും ആസ്വദിക്കുകയും ആരാധിക്കുകയും ചെയ്യുമെങ്കിലും എല്ലാവര്ക്കും പുറത്ത് പറയാന് തന്നെ നാണക്കേടാണ്. ഒരു യുവനടനും ഷക്കീലയ്ക്കൊപ്പം സെല്ഫി എടുക്കാനും വരുന്നില്ല. തന്നോട് കാണിക്കുന്ന ഇരട്ടത്താപ്പിനെതിരെയാണ് ഷക്കീല പ്രതികരിക്കുന്നത്.
നല്ല വേഷങ്ങള് തേടിയെത്തുമെന്നും നാളെ താനും ഇതുപോലെ അംഗീകരിക്കപ്പെടുമെന്നും അവര് പ്രത്യാശിക്കുന്നു. പോണ്സ്റ്റാര് എന്ന വിശേഷണത്തില് നിന്ന് ഏവര്ക്കും സ്വീകാര്യയായ നടിയെന്ന നിലയിലേക്ക് സണ്ണി ലിയോണിന് എത്തിച്ചേരാനായത് തനിക്കും ശുഭപ്രതീക്ഷകള് തരുന്നുവെന്ന് ഷക്കീല പറയുന്നു. ദൈവാനുഗ്രഹം കൊണ്ട് സണ്ണി ലിയോണിന് അവസരം ലഭിച്ചു. എന്നാല് തനിക്ക് അങ്ങനെയൊരു അവസരം ലഭിച്ചില്ല.
ഇഷ്ടപ്പെടുന്നതും വെറുക്കുന്നതുമെല്ലാം പ്രേക്ഷകരുടെ താത്പര്യമാണെങ്കിലും സിനിമാരംഗത്തു നിന്ന് പിന്തുണ ലഭിക്കാത്തതില് വളരെ വിഷമമുണ്ട്, ഷക്കീല പറയുന്നു. 15 വര്ഷത്തോളം താന് ദക്ഷിണേന്ത്യന് സിനിമാരംഗത്ത് സജീവമായിരുന്നു. ഇങ്ങനെയൊക്കെ സംഭവിച്ചതില് ആരെയും കുറ്റംപറയാനാകില്ല.
ഒരു പരിചയവുമില്ലാത്ത പുരുഷനൊപ്പം, ധാരാളം വൈകാരികരംഗങ്ങളില് ഞാന് അഭിനയിച്ചിട്ടുണ്ട്. എന്നാല് അതുമാത്രമല്ല, എനിക്ക് കരയാനുമറിയാം, പ്രേക്ഷകരെ ചിരിപ്പിക്കാനറിയാം.
പ്രേക്ഷകര് എന്നും എന്നെ സ്നേഹിച്ചിട്ടുണ്ട്, ചിലര് നല്ലരീതിയിലും ചിലര് മോശമായ രീതിയിലും. എന്നിട്ടും എന്നില് വിശ്വാസം അര്പ്പിക്കാന് സംവിധായകര് തയാറാകുന്നില്ല. അഭിനയപ്രാധാന്യമുള്ള വേഷം ലഭിച്ചാല്, നന്നായി അഭിനയിക്കാമെന്ന ആത്മവിശ്വാസമുണ്ട്. അത് തെളിയിച്ചുകാണിക്കാന് ഒരവസരം ലഭിക്കണമെന്നുമാത്രമാണ് ഇപ്പോഴത്തെ ഏക പ്രാര്ത്ഥനഷക്കീല പറയുന്നു.
https://www.facebook.com/Malayalivartha