മോഹന്ലാലിനെ സാക്ഷിയാക്കി യായിരുന്നു മഞ്ജുവിന്റെ പ്രഖ്യാപനം... താന് മോഹന്ലാലിന്റെ കടുത്ത ആരാധികയാണെന്നും ആരാധനയുടെ സര്വ സീമളും ഏപ്രില് 14 ന് റിലീസ് ചെയ്യുന്ന ചിത്രത്തില് കാണാമെന്നും മഞ്ജു വാര്യര്
താന് മോഹന്ലാലിന്റെ കടുത്ത ആരാധികയാണെന്നും ആരാധനയുടെ സര്വ സീമളും ഏപ്രില് 14 ന് റിലീസ് ചെയ്യുന്ന മോഹന്ലാല് എന്ന ചിത്രത്തില് കാണാമെന്നും മഞ്ജു വാര്യര്. തിരുവനന്തപുരത്ത് ശനിയാഴ്ച്ച രാത്രി നടന്ന ഫ്ലവേഴ്സ് ചാനല് ചലച്ചിത്ര അവാര്ഡ് വേദിയില് മോഹന്ലാലിനെ സാക്ഷിയാക്കി യായിരുന്നു മഞ്ജുവിന്റെ പ്രഖ്യാപനം. തല കുനിച്ച് മോഹന്ലാല് ലേഡി സൂപ്പര് സ്റ്റാറിന് നന്ദി പറഞ്ഞു.
മോഹന്ലാല് ചിത്രത്തിലെ മീശ പിരിച്ച് ലാലേട്ടന് എന്നു തുടങ്ങുന്ന ഗാനത്തോടെയാണ് പ്രേക്ഷകര് സ്വീകരിച്ചത്. രാത്രി വൈകി അവാര്ഡ് ചടങ്ങിനെത്തിയ മോഹന്ലാലിന് ലഭിച്ചത് ഒരിക്കലും തിരുവനന്തപുരം കണ്ടിട്ടില്ലാത്ത ഹര്ഷാരവമാണ്. മോഹന്ലാലെത്തിയ ശേഷം ചടങ്ങിനെത്തിയ മഞ്ജു തന്റെ അനുഭവം പങ്കുവയ്ക്കുമ്പോള് മോഹന്ലാല് നിശബ്ദനായി കേട്ടിരുന്നു.
ഇന്നും ഇന്നലെയും തുടങ്ങിയതല്ല തന്റെ മോഹന്ലാല് ആരാധന. മോഹന്ലാലിനെ കാണുന്നത് പോലും സന്തോഷകരമായ കാര്യമാണ്. മോഹന്ലാലിന്റെ ആരാധികയായി അഭിനയിക്കാന് ലഭിച്ച അവസരം പാഴാക്കാത്തതു അതുകൊണ്ടാണ്. മോഹന്ലാലിനൊപ്പം നില്ക്കുമ്പോള് അദ്ദേഹത്തിലെ ദൈവികത്വം നമ്മളിലേക്ക് പടരും. മോഹന്ലാല് കേരളത്തിന് ആവേശമാണ്. അത്തരം ആവേശങ്ങള് ഒരിക്കലും അവസാനിക്കുകയില്ല.
ഒടിയനില് തനിക്ക് അഭിനയിക്കാന് ലഭിച്ച അവസരം ദൈവ ദാനമാണ്. മോഹന്ലാലിന്റെ അഭിനയം അടുത്തു നിന്നു കാണാന് അവസരം ലഭിച്ചു. ഒടിയന് ഒരു വലിയ അനുഭവമായിരിക്കും. അത് തികച്ചും വ്യത്യസ്തമായ വഴിയിലൂടെ സഞ്ചരിക്കുന്ന സിനിമയാണ്. ഒടിയന് ഒരു വലിയ പ്രോജക്റ്റാണ്. മലയാള സിനിമ ഇന്നേവരെ കണ്ടിട്ടില്ലാത്ത പ്രോജക്റ്റാണെന്ന് താരം പറഞ്ഞു.
മോഹന്ലാല് സിനിമയെക്കുറിച്ച് കൂടുതല് വെളിപ്പെടുത്താന് മഞ്ജു തയ്യാറായില്ല. എല്ലാം സിനിമയില് കാണാം എന്നാണ് മഞ്ജു പറഞ്ഞത്. ചിത്രത്തെ കുറിച്ച് എന്തെല്ലാം പറഞ്ഞാലും കണ്ടാല് മാത്രമേ അത് മനസിലാവുകയുള്ളുവെന്ന് മഞ്ജു പറഞ്ഞു.
മഞ്ജുവിന്റെ വാക്കുകള് മോഹന്ലാല് സാകൂതം കേട്ടിരുന്നു. ചില സമയങ്ങളില് തനിക്ക് നേരേ വരുന്ന സത്യസന്ധമായ പ്രശംസാ വചനങ്ങള് കേട്ട് ലാല് തല കുനിച്ചിരുന്നു. മോഹന്ലാലും മഞ്ജുവും അടുത്ത സുഹൃത്തുക്കളാണ്. മോഹന്ലാലുമായുള്ള സൗഹൃദത്തിന്റെ പേരില് മഞ്ജു ധാരാളം ആരോപണങ്ങളും കേട്ടിരുന്നു.
https://www.facebook.com/Malayalivartha
