രാജ്യത്ത് നിശബ്ദരായിരിക്കുന്ന ഭൂരിപക്ഷത്തോടൊപ്പം ചേരാന് ഞാന് ആഗ്രഹിക്കുന്നില്ല: സിദ്ധാര്ഥ്
ഒരു അഭിമുഖത്തിനിടെ നടന് സിദ്ധാര്ഥ് തന്റെ കാഴ്ചപ്പാടുകള് തുറന്നുകാട്ടി. നിശബ്ദനായി ഇരുന്നാലേ തനിക്ക് ജോലി കിട്ടൂ എങ്കില് ആ ജോലി തനിക്ക് വേണ്ടെന്നും താനൊരു 21-കാരനല്ലെന്നും പറഞ്ഞുകൊണ്ടാണ് താരം തുടങ്ങിയത്. അധികം സംസാരിക്കുന്ന ഒരു കുട്ടി എന്ന് ആരെങ്കിലും വിളിക്കുന്നതിനെ താന് ഭയപ്പെടുന്നുമില്ല. ഇപ്പോള് സംസാരിച്ചില്ലെങ്കില് തനിക്ക് കുറ്റബോധം തോന്നുമെന്നും അദ്ദേഹം പറഞ്ഞു.
ഭാഗ്യവശാല് ദൈവവും ഈ രാജ്യവും എനിക്ക് ഒരുപാട് നല്കിയിട്ടുണ്ട്. അത്രയധികം പ്രിവിലേജുകളുള്ള എന്നെപ്പോലെ ഒരാള് സംസാരിച്ചില്ലെങ്കില്, പിന്നെ ഈ രാജ്യത്തിന്റെ അവസ്ഥ എന്താകും. ഒരാളുടെ ജീവിതം എങ്ങനെ ജീവിക്കണം എന്ന് ഞാനാര്ക്കും ക്ലാസെടുത്ത് കൊടുക്കുന്നില്ല. പക്ഷെ എനിക്ക് ഇങ്ങനെയല്ലാതെ ജീവിക്കാനും അറിയില്ല. രാജ്യത്തെ നിശബ്ദരായിരിക്കുന്ന ഭൂരിപക്ഷത്തോടൊപ്പം ചേരാന് ഞാന് ആഗ്രഹിക്കുന്നില്ല, അദ്ദേഹം തുടര്ന്നു.
മിണ്ടാതിരിക്കുന്നത് കൊണ്ടല്ല എനിക്കെന്റെ സിനിമകള് ഇതുവരെ ലഭിച്ചിട്ടുള്ളത്. എന്തെങ്കിലും വിട്ടുവീഴ്ചകള് നടത്തി ജോലി നേടാന് ശ്രമിച്ചിട്ടുണ്ടെങ്കില്, ഞാന് പറഞ്ഞേനെ, 'കാര്യങ്ങള് നന്നായി പോകുന്നു, പിന്നെന്തിനാണ് പ്രശ്നങ്ങള് ഉണ്ടാക്കുന്നത്' എന്ന്, സിദ്ധാര്ഥ് പറഞ്ഞു. ഇത്രയും നാള്, പ്രതികരിക്കുന്നു എന്ന കാരണം കൊണ്ട് എനിക്കെന്റെ തൊഴിലില് യാതൊരു പ്രശ്നവും നേരിടേണ്ടി വന്നിട്ടില്ല. ഇനി അങ്ങനെ സംഭവിക്കും എന്നും ഞാന് കരുതുന്നുമില്ല.
ഓരോ ദിവസവും നമ്മുടെ രക്തം തിളപ്പിക്കുന്ന എന്തെങ്കിലും സംഭവിക്കുകയും നമ്മള് വളര്ന്ന ഇന്ത്യയില് ഇത് സംഭവിക്കുന്നുവെന്ന് വിശ്വസിക്കാന് കഴിയാതിരിക്കുകയും ചെയ്യുന്ന ഒരു ഇരുണ്ട കാലഘട്ടത്തിലാണ് നാം ജീവിക്കുന്നത് എന്നത് നിര്ഭാഗ്യകരമാണെന്നും സിദ്ധാര്ഥ് വ്യക്തമാക്കി. കോളേജില് പഠിക്കുന്ന കാലത്തും താന് ഇങ്ങനെ തന്നെ ആയിരുന്നു എന്നും കഴിഞ്ഞ ഏതാനും മാസങ്ങളില് തനിക്ക് പ്രത്യേകിച്ച് മാറ്റമൊന്നും വന്നിട്ടില്ല എന്നും സിദ്ധാര്ഥ് പറഞ്ഞു.
https://www.facebook.com/Malayalivartha
