നയന്‍താരയും ഉദയ്‌നിധിയും കാലങ്ങളായി നല്ല ഉറ്റ സുഹൃത്തുക്കളാണ്. നിരവധി തമിഴ് സിനിമകളില്‍ ഇവര്‍ ഒരുമിച്ച് അഭിനയിച്ചു. അതുകൊണ്ടുതന്നെ ഗോസിപ്പിനും കുറവുണ്ടായിരുന്നില്ല. ഉദയ്‌നിധിക്ക് നയന്‍ താരയോട് പ്രണയമാണെന്ന് വരെ ഗോസിപ്പുകള്‍ എത്തി. എന്നാല്‍, നയന്‍സ് ഇത്തരം ഗോസിപ്പുകള്‍ക്ക് മറുപടി നല്‍കാറില്ല. ഉദയ് നിധിയ്ക്ക് നയന്‍താരയോട് ഏത് രീതിയിലുള്ള ബന്ധമാണെന്ന് വരെ അവസാനം മാധ്യമങ്ങളോട് പറയേണ്ടി വന്നു. നയന്‍സിനെ കുറിച്ച് ഉദയ്‌നിധി തുറന്ന് പറയുന്നത് ഇങ്ങനെ.
നയന്‍സ് എന്റെ അടുത്ത സുഹ്യത്താണ്. ബോസ് എങ്കിര ഭാസ്‌കരന്‍ എന്ന ചിത്രത്തിന്റെ ഷൂട്ടിംഗ് സമയത്താണ് ഞങ്ങള്‍ പരിചയപ്പെടുന്നത്. ഇതു കതിരവേലിന്‍ കാതല്‍ എന്ന ചിത്രത്തില്‍ അഭിനയിക്കാന്‍ വേണ്ടി ഞാന്‍ ആദ്യം നയന്‍താരയെ സമീപിച്ചപ്പോള്‍ അവര്‍ എതിര്‍പ്പു പറഞ്ഞിരുന്നു. അഭിനയം നിര്‍ത്തുകയാണെന്നാണു പറഞ്ഞത്. ആര്യ നായകനാകുന്ന രാജറാണി എന്ന ചിത്രത്തിലൂടെ നയന്‍ വീണ്ടും തിരിച്ചു വരുന്നു എന്നു പിന്നീടുകേട്ടു. അങ്ങനെയാണ് വീണ്ടും ഇത് കതിരവേലിന്‍ കാതലിയുടെ കഥയുമായി നയന്‍താരയെ തന്നെ സമീപിച്ചത്. കഥ അവര്‍ക്കിഷ്ടപ്പെടുകയും അഭിനയിക്കാമെന്ന് സമ്മതിക്കുകയുമായിരുന്നു. നല്ല അഭിനേത്രിയാണ് നയന്‍താര. തമിഴ് ഭാഷ നല്ലപോലെ വഴങ്ങുന്ന താരത്തിന് നല്ല സ്‌ക്രീന്‍ പ്രസന്‍സും ഉണ്ടെന്നും ഉദയ്‌നിധി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha