കൈ നിറയെ നല്ല കഥാപാത്രങ്ങള്‍ കിട്ടിയതിന്റെ സന്തോഷത്തിലാണ് തെന്നിന്ത്യന്‍ നടി കാജല്‍ അഗര്‍വാള്‍ ഇപ്പോള്‍. തമിഴകത്തിന്റെ പ്രിയ നടന്മാരായ വിക്രം, ധനുഷ്, വിശാല്‍ എന്നിവരോടൊപ്പം അഭിനയിക്കുന്നതിന്റെ ത്രില്ലുമുണ്ട് കാജലിന് ഇപ്പോള്‍. തമിഴില്‍ മാത്രമല്ല ഹിന്ദിയിലും നിരവധി കഥാപാത്രങ്ങളാണ് കാജലിനെ തേടി എത്തിയിരിക്കുന്നത്. ഞാന്‍ വളരെയധികം സന്തോഷത്തിലാണ്. നല്ല കഥാപാത്രങ്ങളാണ് എന്നെ തേടി എത്തുന്നത്. ഏത് കഥാപാത്രം ചെയ്യുമെന്നുള്ളതാണ് എന്റെ ഇപ്പോഴത്തെ സംശയമെന്നും കാജല്‍ തുറന്ന് പറയുന്നു.
ബാലാജി മോഹന്‍ സംവിധാനം ചെയ്യുന്ന മാരി എന്ന ചിത്രത്തിലൂടെ ആദ്യമായി ദേശീയ അവാര്‍ഡ് ജേതാവ് ധനുഷിനൊപ്പം ജോഡി ചേരുന്ന സന്തോഷമാണ് പ്രധാനമായി കാജലിന് ഇപ്പോള്‍. ഐ എന്ന ഹിറ്റ് ചിത്രത്തിലൂടെ പ്രേക്ഷക മനസിനെ കീഴടക്കിയ വിക്രമിനൊടൊപ്പം അഭിനയിക്കുന്നതിന്റെ സന്തോഷത്തിലും കൂടിയാണ് കാജല്‍. അരിമ നമ്പി എന്ന ചിത്രത്തിലൂടെ ശ്രദ്ധേയനായ ആനന്ദ് ശങ്കര്‍ സംവിധാനം ചെയ്യുന്ന ചിത്രത്തില്‍ കാജലിനൊപ്പം പ്രിയ ആനന്ദും ഒരു മുഖ്യവേഷം ചെയ്യുന്നുണ്ട്.   വിശാലിനൊപ്പമുള്ള സിനിമയാണ് മൂന്നാമത്തേത്. സുശീന്ദ്രന്‍ സംവിധാനം ചെയ്യുന്ന ചിത്രത്തിലാണ് വിശാലിനൊപ്പം ജോഡി ചേരുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha