തമിഴ് ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ഉലകനായകന്‍ കമല്‍ ഹാസന്‍ അഭിനയിക്കുന്ന ഉത്തമ വില്ലന്‍. എന്നാല്‍ ആരാധകര്‍ക്ക് വീണ്ടും നിരാശ മാത്രം ഫലം. ഉത്തമ വില്ലന്‍ ഏപ്രില്‍ രണ്ടിന് തീയറ്ററുകളിലെത്തുമെന്നാണ് കമല്‍ ഹാസന്‍ ആരാധകര്‍ കരുതിയിരുന്നത്. എന്നാല്‍ പിന്നീടത് ഉത്തമ വില്ലന്റെ റിലീസിങ് ഏപ്രില്‍ പത്തിലോട്ട് മാറ്റിയിരുന്നു.

പക്ഷെ ഏറ്റവും ഒടുവില്‍ ഏപ്രില്‍ പത്താം തീയതി റിലീസ് ചെയ്യുമെന്നാണ് റിപ്പോര്‍ട്ടുകള്‍. അണിയറ പ്രവര്‍ത്തകര്‍ക്ക് അതും ഇപ്പോള്‍ തീര്‍ച്ചയില്ലാത്ത മട്ടിലാണ്. രമേശ് അരവിന്ദന്റെ സംവിധാനത്തിലൊരുങ്ങുന്ന ഉത്തമ വില്ലന്‍ തിയേറ്ററുകളില്‍ തരംഗം സൃഷ്ടിക്കുമെന്നാണ് അണിയറ പ്രവര്‍ത്തകരുടെ വാദം . ചിത്രത്തിന്റെ പ്രമോഷന് വേണ്ടിയാണോ റിലീസിങ് മാറ്റുന്നതെന്നാണ് പലരുടെയും സംശയം.

എന്നാല്‍ ചിത്രത്തിന്റെ സെന്‍സറിങിലുണ്ടായ സാങ്കേതിക തകരാറുകളാണ് റിലീസിങ് വൈകിപ്പിക്കുന്നതെന്നും വാര്‍ത്തകളുണ്ട്. ഉത്തമ വില്ലന്റെ റിലീസിങ്ങുമായി ബന്ധപ്പെട്ട് കമലിന്റെ മറ്റൊരു ബിഗ് ബജറ്റ് ചിത്രമായ വിശ്വരൂപം 2ന്റെ ചിത്രീകരണം താരം താല്‍ക്കാലികമായി നിര്‍ത്തിവച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha