സൂപ്പര്‍ സംവിധായകന്‍ ഷങ്കറിന്റ രജനീകാന്ത് നായകനായി എത്തുന്ന അടുത്ത ചിത്രത്തില്‍ വില്ലനായി കമല്‍ഹാസന്‍. എന്തിരന്റെ രണ്ടാം ഭാഗത്തിലാണ് രജനിക്ക് വില്ലനായി കമല്‍ എത്തുന്നത്. എന്നാല്‍ ഇതിനെക്കുറിച്ച് കൂടുതല്‍ റിപ്പോര്‍ട്ടുകള്‍ പുറത്ത് വന്നിട്ടില്ല. എന്നാല്‍ ഈ ബ്രഹ്മാണ്ഡചിത്രത്തില്‍ നിന്നും ആമിര്‍ ഖാന്‍ പിന്മാറിയതോടെ ഈ വേഷം ആരുചെയ്യുമെന്ന ആകാംക്ഷയിലാണ് കോളിവുഡ് ലോകം. ചിത്രത്തില്‍ വില്ലന്‍ വേഷമാണ് ആമിര്‍ ചെയ്യാനിരുന്നത്. എന്നാല്‍ അമീറിന് പകരം കമല്‍ഹാസന്‍ ഈ വേഷം ചെയ്യാന്‍ തീരുമാനിച്ചതായി തമിഴകത്തു നിന്നും പുതിയ ഗോസിപ്പുകള്‍ വരുന്നു. 

കഴിഞ്ഞ ദിവസം മുംബൈയിലെത്തി ഷങ്കറും രജനീകാന്തും കൂടികാഴ്ച നടത്തിയിരുന്നു. ഇത് എന്തിരന്റെ രണ്ടാം ഭാഗത്തിനായി ആണെന്നും കേള്‍ക്കുന്നു. ആദ്യകാല സിനിമകളില്‍ രജനീകാന്ത് കമല്‍ഹാസന് വില്ലനായി എത്തിയിട്ടുണ്ട്. എന്നാല്‍ കരിയറില്‍ ഇതുവരെയും കമല്‍ഹാസന്‍ അദ്ദേഹത്തിന് വില്ലനായി എത്തിയിട്ടില്ല എന്നതും ശ്രദ്ധേയം. എന്തിരന്‍ എന്ന ചിത്രം കമല്‍ഹാസനെ നായകനാക്കിയാണ് ഷങ്കര്‍ ആദ്യം ചെയ്യാനിരുന്നത്. എന്നാല്‍ ആ പ്രോജക്ട് പിന്നീട് ഉപേക്ഷിക്കുകയുണ്ടായി. ഈ സൂപ്പര്‍താരങ്ങള്‍ ഒന്നിച്ചാല്‍ സിനിമാലോകത്തിന് അതൊരു ഉത്സവം തന്നെ ആയിരിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha