ആശംസകളോടെ ആരാധകര്, തലയ്ക്ക് ഇന്ന് പിറന്നാള്
തമിഴ്കത്തിന്റെ പ്രിയനടന് അജിത്തിന് ഇന്ന് പിറന്നാള്. യുവാക്കള്ക്ക് എന്നും ഹരമാണ് ഈ നടന്. അജിത്തിന് പിറന്നാള് ആണെന്ന് അറിഞ്ഞതോടെ ഫെയ്സ് ബുക്കിലും ട്വിറ്ററിലും ആരാധകരുടെ ആശംസകള് കൊണ്ട് നിറഞ്ഞു. കോളിവുഡില് തലയെ അനുകരിക്കുന്നവരുമുണ്ട്. യുവാക്കളെ ആവേശത്തിലാക്കുന്ന കിടിലന് ഡയലോഗുകള് കൊണ്ട് വ്യത്യസ്തമായ അഭിനയമികവ് കൊണ്ടും എല്ലാവരും തലയെ ഇഷ്ടപ്പെടുന്നു. മോട്ടോര് മെക്കാനിക്കായി അജിത്ത് ജീവിതം ആരംഭിച്ചു. സഹനട വേഷങ്ങളിലൂടെ അഭിനയരംഗത്തെത്തി ഒടുവില് അവിടെ മുടിചൂടാമന്നനായ അജിത് കുമാര്.
ഫോര്മുലാ വണ് മത്സരത്തില് പങ്കെടുത്തിട്ടുള്ള ഒരേയൊരു ഇന്ത്യന് ചലച്ചിത്ര താരം. മലയാളികളുടെ എക്കാലത്തേയും പ്രിയപ്പെട്ട നായികമാരിലൊരാളായ ശാലിനിയുടെ ഭര്ത്താവ്. 1995ല് ആരംഭിച്ച അഭിനയ സപര്യ 55 ചിത്രങ്ങള് പിന്നിട്ട് 56ാമത്തേതില് എത്തി നില്ക്കുമ്പോള് ആരാധകര്ക്ക് \'തല\' വെറും ഒരു താരമല്ല. മറിച്ച് അവരിലൊരാളാണ്. താരജാടകളേതുമില്ലാത്ത താരങ്ങളില് താരം. ഒരു ഫെയ്സ്ബുക്ക് പേജോ, വെബ്സൈറ്റോ പോലുമില്ലെങ്കിലും സോഷ്യല് മീഡിയകളിലും \'തല\' എന്നും കോളിവുഡിന്റെ സ്വന്തം പുത്രന്.
ഈ ഇഷ്ടത്തിനു അങ്ങനെ പ്രത്യേകിച്ച് കാരണങ്ങളില്ല. രജനി ഫാന്സും, വിജയ് ഫാന്സും അങ്ങനെ ആരാധകര് പലവിധമുണ്ടെങ്കിലും ഇവര്ക്കെല്ലാം തലയെ ഇഷ്ടമാണ്. \'തല\'യെ ആരാധകര് നെഞ്ചിലേറ്റി സ്നേഹിക്കുമ്പോള് അത് ഒരു സിനിമാതാരത്തോടുള്ള അന്ധമായ ആരാധനയല്ല. തമിഴിനെ ഏറെ ഇഷ്ടപ്പെടുന്ന തല മലയാളത്തില് നല്ല കഥാപാത്രങ്ങള് ചെയ്യാന് ആഗ്രഹിക്കുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha