തമിഴ്കത്തിന്റെ പ്രിയനടിയായി തിരക്കേറിയിരിക്കുകയാണ്  ശ്രുതി ഹാസന് ഇപ്പോള്‍. അഭിനയിക്കാനും പാടാനുമുള്ള കഴിവ് തന്നെയാണ് ശ്രുതിയെ വേറിട്ടതാക്കിയത്. അത് കൂടാതെ ശ്രുതിയുടെ അച്ഛനും നടനുമായ കമല്‍ ഹാസന്റെ പൂര്‍ണ പിന്തുണയും ശ്രുതിയെ പ്രശസ്തിയില്‍ എത്തിക്കാന്‍ സഹായിച്ചിട്ടുണ്ട്.

വ്യത്യസ്തമായ നിരവധി കഥാപാത്രങ്ങള്‍ ശ്രുതി ചെയ്തു കഴിഞ്ഞു. തമിഴിലും ഹിന്ദിയിലും തെലുങ്കിലുമൊക്കെ മികച്ച സിനിമകളുടെ ഭാഗമാകാന്‍ സാധിച്ചതു കൂടാതെ നല്ല പാട്ടുകള്‍ പാടുകയും സംഗീത സംവിധാനം ചെയ്യുകയും ചെയ്ത ഈ താരസുന്ദരി ഇപ്പോള്‍ പ്രശസ്തിയുടെ കൊടുമുടിയിലാണ്.

കമല്‍ ഹാസന് ശ്രുതിയെ കുറിച്ച് പറയാന്‍ ആയിരം നാവാണ്. ശ്രുതി തന്റെ മകളായതില്‍ അഭിമാനിക്കുന്നുവെന്ന് അടുത്തിടെ ഒരു പരിപാടിക്കിടെ കമല്‍ പറഞ്ഞു. ശ്രുതിയെ കുറിച്ച് ഒരുപാട് സന്തോഷിച്ച് വാതോരാതെ പറയുന്നുണ്ടെങ്കിലും കമലിന് ശ്രുതിയോട് ഒരു കാര്യത്തില്‍ ദേഷ്യമുണ്ട്.

തന്റെ പുതിയ ചിത്രമായ ഗബ്ബാര്‍ ഈസ് ബാക്ക് എന്ന ചിത്രത്തിന്റെ പ്രമോഷന്‍ പരിപാടിയിലാണ് കമലിന് തന്നില്‍ ഇഷ്ടമല്ലാത്ത ഒരു കാര്യത്തെ കുറിച്ച് ശ്രുതി പറഞ്ഞത്. മറ്റൊന്നുമല്ല, ശ്രുതിയുടെ ഹൈ ഹീല്‍ ചെരുപ്പ് തന്നെ. അല്ലെങ്കില്‍ തന്നെ ശ്രുതി അഞ്ചടി 7.5 ഇഞ്ച് ഉയരമുണ്ട്. ഇതിനോടൊപ്പം ഹൈ ഹീല്‍ ചെരുപ്പും!

എനിക്കൊപ്പം നടക്കുമ്പോള്‍ അപ്പയ്ക്ക് എപ്പോഴും എന്റെ ഉയരം ബുദ്ധിമുട്ടാണ്. എന്നോട് അല്പം മുമ്പേ നടക്കാനും അദ്ദേഹം പറയും, ശ്രുതി ഹസന്‍ പറയുന്നു. ഹൈ ഹീല്‍ ചെരിപ്പ് ഒഴിവാക്കാനാണ് അപ്പ പറയുന്നതെന്നും ശ്രുതി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha