കലിപ്പെടാ...കാലായ്ക്ക തമിഴ് റോക്കേഴ്‌സിന്റെ കട്ടപ്പാര: തിയേറ്ററില്‍ റിലീസ് ചെയ്ത് മണിക്കൂറുകള്‍ക്കം ചിത്രം ഇന്റര്‍നെറ്റില്‍
കാലാ ചിത്രം രജനിക്ക് വന്‍ തിരിച്ചടി. കാവേരി, തൂത്തക്കുടി, വിഷയത്തില്‍ രജനി പുലിവാല്‍ പിടിച്ചതോടെയാണ് കാര്യങ്ങള്‍ കൈവിട്ടുപോയത്. തമിഴകം കാത്തിരിക്കുന്ന സ്‌റ്റൈല്‍ മന്നന്‍ ചിത്രം കാലാ റിലീസ് ചെയ്ത് മണിക്കൂറുകള്‍ക്കം വ്യാജ പതിപ്പ് ഇന്റര്‍നെറ്റില്‍. തമിഴ് റോക്കേഴ്‌സ് വൈബ്‌സൈറ്റിലാണ് ചിത്രം പ്രത്യക്ഷപ്പെട്ടിരിക്കുന്നത്. സിനിമ റിലീസ് ദിവസം തന്നെ ഇന്റര്‍നെറ്റില്‍ പ്രചരിപ്പിക്കുമെന്ന് തമിഴ് റോക്കേഴ്‌സ് നേരത്തെ ഭീഷണി മുഴുക്കിയിരുന്നു. 2016ല്‍ പുറത്തിറങ്ങിയ രജനികാന്തിന്റെ ആക്ഷന്‍ചിത്രം കബാലി മികച്ച വിജയമായിരുന്നു നേടിയിരുന്നത്. സിനിമയുടെ കളക്ഷനെ ഇത് പ്രതികൂലമായി ബാധിക്കുമെന്ന ആശങ്ക അണിയറ പ്രവര്‍ത്തകര്‍ക്കുണ്ട്. ഇന്നലെ രാത്രിയാണ് സിനിമ തമിഴ്‌നാട്ടില്‍ റിലീസ് ചെയ്തത്. ഇന്ന് രാവിലെ ആറു മണിക്ക് സിനിമ കേരളത്തിലും റിലീസും ചെയ്തു. സിനിമകള്‍ റിലീസ് ചെയ്ത് മണിക്കൂറുകള്‍ക്കം ഇന്റര്‍നെറ്റില്‍ നല്‍കുന്നതാണ് തമിഴ് റോക്കേഴ്‌സിന്റെ ശൈലി. തമിഴ്‌നാട്ടില്‍ 650 തിയേറ്ററിലാണ് ചിത്രം റിലീസ് ചെയ്തിരിക്കുന്നത്.
തിരുനെല്‍വേലിയില്‍ നിന്ന് മുംബൈയിലെത്തി ധാരാവിയിലെ അധോലോകത്തിന്റെ നേതാവായി മാറുന്ന ഒരാളുടെ ജീവിതമാണ് കാലായുടെ പ്രമേയം. അതേസമയം രജനിയുടെ രാഷ്ട്രീയ പ്രവേശനത്തിന്റെ പശ്ചാത്തലത്തില്‍ വിലയിരുത്തുമ്പോള്‍ ഏറെ പ്രാധാന്യമുള്ള ചിത്രമാണ് കാല.
ധനുഷ് പ്രൊഡക്ഷന്റെ ബാനറില്‍ എത്തുന്ന ചിത്രം സംവിധാനം ചെയ്യുന്നത് പാ രഞ്ജിത്താണ്. നാനാപട്ടേക്കര്‍, ഈശ്വരി റാവു, സമുദ്രക്കനി, അഞ്ജലി പട്ടേല്‍ എന്നിവരാണ് ചിത്രത്തിലെ മറ്റുതാരങ്ങള്‍. മൂംബൈ തെരുവിലെ കഥയാണ് ചിത്രത്തിന്റെ പശ്ചാത്തലം. പതിവു തെറ്റാതെ ആക്ഷന്‍ ത്രില്ലര്‍ തന്നെയാകും സിനിമ എന്നത് രജനി ആരാധകരിലും പ്രേക്ഷകരിലും ഒരുപോലെ തന്നെ പ്രതീക്ഷ വെക്കുന്നത്. കബാലിക്കു ശേഷം രഞ്ജിത്ത്‌രജനികാന്ത് കൂട്ടുകെട്ടിലെ രണ്ടാമത്തെ ചിത്രമാണ് കാലാ.
https://www.facebook.com/Malayalivartha
