ഏഷ്യൻ ഗെയിംസിൽ ഇന്ത്യയ്ക്ക് വെള്ളി മെഡൽ ലഭിച്ചു. വുഷുവിൽ ഇന്ത്യൻ താരം റോഷിബിന ദേവിയാണ് വെള്ളി മെഡൽ നേടിയത്. ഫൈനലിൽ ചൈനയുടെ ഴാങ് സിയൂവിനോട് ഇന്ത്യയുടെ റോഷിബിന പരാജയപ്പെടുകയായിരുന്നു. തുഴച്ചിലിൽ ഇന്ത്യയ്ക്ക് വെങ്കലവും ലഭിച്ചു. വുഷു വനിതാ വിഭാഗം 60 കിലോഗ്രാം വിഭാഗത്തിൽ കടുത്ത പോരാട്ടത്തിനൊടുവിലാണ് രോഷിബിന പരാജയം സമ്മതിച്ചത്.

ഏഷ്യൻ ഗെയിംസിൽ വുഷുവിൽ റോഷിബിനയുടെ ഹാട്രിക് മെഡൽ നേട്ടമാണിത്. 2018 ഏഷ്യൻ ഗെയിംസിൽ വെങ്കലവും, 2022 ൽ വെള്ളിയും നേടിയിരുന്നു. തുഴച്ചിലിൽ ഇന്ത്യയുടെ സൽമാൻ ഖാൻ- സത്‌നം സിങ് സഖ്യമാണ് വെങ്കലം നേടിയത്.

പുരുഷ വിഭാഗം ഡബിൾ സ്‌കൾസിലാണ് ഇന്ത്യൻ ജോഡി മെഡൽ നേടിയത്. തുഴച്ചിൽ മത്സരങ്ങളിൽ ഇന്ത്യയുടെ ആദ്യ മെഡൽ നേട്ടമാണിത്. മെഡൽ വേട്ടയിൽ ചൈനയാണ് ഒന്നാമത്. ഒരു സ്വർണം അടക്കം 13 മെഡലുകളുമായി ഇന്ത്യ 14-ാം സ്ഥാനത്താണുള്ളത്.