ശംഭോ സദാശിവോ; ചെന്നിത്തലയും ചാണ്ടിയും ചേര്ന്ന് ഗവര്ണറെ പറ്റിച്ചു- നൈസായി
ഗവര്ണറുമായി നേരിട്ട് ഏറ്റുമുട്ടാന് ഉമ്മന്ചാണ്ടി സര്ക്കാര് തയ്യാറെടുക്കുന്നു. ജസ്റ്റിസ് പി.സദാശിവത്തെ ഒഴിവാക്കി പോലീസ് സര്വകലാശാല രൂപീകരിക്കാനാണ് സര്ക്കാര് ശ്രമം. എന് ആര് മാധവമേനോന് തയ്യാറാക്കിയ റിപ്പോര്ട്ട് കീറി കളഞ്ഞ ശേഷമാണ് ഇത്. സര്വകലാശാലയുടെ ചാന്സലര് മുഖ്യമന്ത്രിയാണ്. സംസ്ഥാനത്തെ മുഴുവന് സര്വകലാശാലകളുടെയും ചാന്സലര് ഗവര്ണറായിരിക്കെ അദ്ദേഹത്തെ ഒഴിവാക്കിയത് രാഷ്ട്രീയ കാരണങ്ങളാലാണെന്ന് സംശയിക്കണം.
ചാന്സലര് പദവിക്ക് പകരം വിസിറ്റര് പദവിക്കാണ് ഗവര്ണ്ണറെ ഒഴിവാക്കുന്നതിനുവേണ്ടി സര്ക്കാര് കണ്ടെത്തിയത്. പോലീസ് സര്വകലാശാലയുടെ വിസിറ്റര് പദവി നല്കിയിരിക്കുന്നത് മുഖ്യമന്ത്രിക്കാണ്. സ്വകാര്യ സര്വകലാശാലകള് ഒഴികെ മറ്റൊന്നിലും ചാന്സലര് പദവി മറ്റാര്ക്കെങ്കിലും നല്കുനന്ന കീഴ്വഴക്കമില്ലെന്ന് ഉദ്യോഗസ്ഥര് ചൂണ്ടികാണിച്ചെങ്കിലും ഗവര്ണറെ ഒഴിവാക്കാന് തന്നെയാണ് സര്ക്കാര് ആഭ്യന്തരവകുപ്പിനു നല്കിയിരിക്കുന്ന നിര്ദ്ദേശം.
കേരള ഗവര്ണറും കേരള സര്ക്കാരും തമ്മില് ഇപ്പോള് പ്രശ്നങ്ങള് ഒന്നും തന്നെയില്ല. എന്നാലും ഏതു സമയവും പ്രശ്നങ്ങള് ഉണ്ടാകാവുന്നതേയുള്ളൂ. കണ്ണുമടച്ച് ഉമ്മന്ചാണ്ടി സര്ക്കാര് നല്കുന്ന കടലാസുകള് ഗവര്ണര് ഒപ്പിടുന്നില്ലെന്നെതാണ് കാരണം. ചീഫ് ജസ്റ്റിസായിരുന്ന ഗവര്ണര് സൂക്ഷിച്ചു മാത്രം കടലാസുകള് അംഗീകരിക്കുന്ന വ്യക്തിയാണ്. ഇതാണ് ഉമ്മന്ചാണ്ടിയെ അലട്ടുന്നത്.
നരേന്ദ്രമോഡിയുടെ മൗത്ത് പീസായാണ് ഗവര്ണറെ ഉമ്മന്ചാണ്ടി കാണുന്നത്. മാത്രവുമല്ല തമിഴ്നാട് സ്വദേശിയാണെന്ന വേര്തിരിവും ഉമ്മന്ചാണ്ടി സര്ക്കാര് കേരള ഗവര്ണറോട് കാണിക്കുന്നുണ്ട്. ഗവര്ണറുടെ ഭാഗത്ത് നിന്നുമുണ്ടായ ചില നീക്കങ്ങള് ഇത്തരം സംശയങ്ങളെ ബലപ്പെടുത്തുകയും ചെയ്തു. നവരാത്രി വിഗ്രഹങ്ങള് തമിഴ്നാട്ടില് നിന്നും കേരള അതിര്ത്തിയിലെത്തിയപ്പോള് വിഗ്രഹങ്ങള് സ്വീകരിക്കാന് ഗവര്ണര് കേരള അതിര്ത്തിയായ കളിയിക്കാവിളയിലെത്തിയിരുന്നു. മുമ്പൊരു ഗവര്ണറും ഇപ്രകാരം പ്രവര്ത്തിച്ചിട്ടില്ല. ഭരണകക്ഷിയിലെ പ്രമുഖര് തന്നെ ഗവര്ണറുടെ തമിഴ്പക്ഷപാതിത്വത്തെകുറിച്ച് നേരത്തെ ആരോപണം ഉന്നയിച്ചിരുന്നു.
നാഷണല് യൂണിവേഴ്സിറ്റി ഫോര് പോലീസ് സയന്സസ് ആന്റ് സെക്യൂരിറ്റി സ്റ്റഡീസ് എന്നാണ് പുതിയ സര്വകലാശാലക്കിട്ടിരിക്കുന്ന പേര്.
ഇനിയാണ് ക്ലൈമാക്സ്. സര്വകലാശാല രൂപീകരിക്കണമെങ്കില് ഓര്ഡിനന്സ് ഇറക്കണം. ഓര്ഡിനന്സ് ഇറക്കണമെങ്കില് ഗവര്ണര് ഒപ്പിടണം. താന് ചാന്സലറല്ലാത്ത സര്വകലാശാലയുടെ ഫയല് ഗവര്ണര് വെറുതെ ഒപ്പിടുമോ എന്ന് കണ്ടറിയണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
