കണ്ടക ശനി കൊണ്ടേ പോകൂ എന്നാണല്ലോ… തമിഴ്‌നാട് മുന്‍ മുഖ്യമന്ത്രിയും എഐഡിഎംകെ നേതാവുമായ ജയലളിതയും ഇതേ അവസ്ഥയിലാണ്. ജയലളിതയ്ക്ക് ജയില്‍വാസം അനുഭവിയ്‌ക്കേണ്ടി വന്നത് ജാതകദോഷം കൊണ്ടാണ്. 1948 ഫെബ്രുവരി 24നാണ് തലൈവി ജനിച്ചത്. ജാതക വശാല്‍ ജയലളിതയ്ക്കിത് കണ്ടകശനി കാലഘട്ടമാണ്. രണ്ടേമുക്കാല്‍ വര്‍ഷത്തേയ്ക്കു കൂടി ശനിയുടെ അപഹാരം അവരെ പിന്തുടരും. ഈ കാലഘട്ടങ്ങളില്‍ കോടതി, കേസ് എന്നിവ ഒഴിയാതെ കൂടെയുണ്ടാകും. ജാതക പ്രകാരം ഇനി അവര്‍ക്ക് രാഷ്ട്രീയ ഭാവി സുരഭിലമല്ലെന്നു സാരം. 

അപൂര്‍വമായി മാത്രം കണ്ടുവരാറുള്ള ചാമരയോഗമുള്ള ജാതകമാണ് ജയലളിതയുടേത്. എത്ര വലിയ കുറ്റം ചെയ്താലും പൊതുജനങ്ങളുടെ പിന്തുണ ചാമര യോഗക്കാര്‍ക്കുണ്ടാകും. ജയലളിതയുടെ കാര്യത്തില്‍ അതു ശരിയാണെന്നു വ്യക്തം. കൂടാതെ ആഢംബരഭ്രമവും ഇത്തരക്കാര്‍ക്ക് കൂടും. സ്ത്രീകള്‍ക്ക് ഈ യോഗം വളരെ നല്ലതാണ്. 
സാധാരണ ശക്തരായ രാഷ്ട്രീയക്കാരുടെയെല്ലാം ജനനം അമാവാസിയിലാണ്. എന്നാല്‍ ജയലളിത ജനിച്ചത് പൗര്‍ണമി നാളിലാണ്.ഹിറ്റ്‌ലര്‍, സദ്ദാം ഹുസൈന്‍, കരുണാകരന്‍, എ.കെ.ആന്റണി, രമേശ് ചെന്നിത്തല തുടങ്ങി ശക്തരായ നേതാക്കളെല്ലാം കറുത്തവാവ് ദിനത്തില്‍ പിറന്നവരാണ്. കറുത്തവാവു ദിവസം ജനിക്കുന്നവര്‍ ഏതെങ്കിലും തരത്തില്‍ പ്രശസ്തരാകുമെന്നതും സത്യമാണ്. കായംകുളം കൊച്ചുണ്ണിയും വീരപ്പനും കര്‍ക്കിടകമാസത്തെ അമാവാസി നാളിലുള്ളവരാണ്. 
പൗര്‍ണമി നാളില്‍ പിറക്കുന്നവര്‍ കലാകാരന്‍മാരായിരിക്കും. ജയലളിതയുടെ കാര്യത്തില്‍ അതും ശരിയായി. കുംഭ മാസത്തിലെ മകം നക്ഷത്രത്തിലെ ജനനം അവരെ പ്രശസ്തിയിലെത്തിച്ചു.സിനിമയിലായാലും രാഷ്ട്രീയത്തിലായാലും തിളങ്ങാന്‍ അവര്‍ക്കായത് ചാമരയോഗത്തിന്റെ പിന്‍ബലം കൊണ്ടാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha