തിരുവനന്തപുരം ജില്ലയിലെ പള്ളിച്ചലില്‍ മുഖ്യമന്ത്രിയ്ക്ക് നേരെ ചെരുപ്പേറുണ്ടായപ്പോള്‍ അദ്ദേഹത്തിന്റെ സുരക്ഷിത്വത്തിന്റെ ചുമതലയുണ്ടായിരുന്നത് പ്രമുഖ സിപിഎം ട്രേഡ് യൂണിയന്‍ നേതാവിന്റെ മകനായ പോലീസുദ്യോഗസ്ഥന്.

തിരുവനന്തപുരം റൂറലിന്റെ ചുമതലയുള്ള ഉദ്യോഗസ്ഥന്‍ മുഖ്യമന്ത്രിയും പരിവാരങ്ങളും പങ്കെടുത്ത ചടങ്ങിനുണ്ടായിരുന്നില്ല എന്നതാണ് രസകരം. വിഎസ് അച്യുതാനന്ദന്‍ മുഖ്യമന്ത്രിയായിരിക്കെ അദ്ദേഹത്തിനെതിരെ പ്രതിഷേധമുണ്ടായപ്പോള്‍ സ്ഥലത്തില്ലാതിരുന്ന അന്നത്തെ കന്റോണ്‍മെന്റ് അസിസ്റ്റന്റ് പോലീസ് കമ്മീഷണറെ അപ്രധാന സ്ഥലത്തേക്ക് സ്ഥലം മാറ്റിയിരുന്നു.
ഇതിനിടെ മുഖ്യമന്ത്രിക്ക് നേരെ ചെറുപ്പേറ് ഉണ്ടായിട്ടില്ലെന്ന് പറഞ്ഞ ആഭ്യന്തര മന്ത്രിക്കെതിരെ കോണ്‍ഗ്രസില്‍ അമര്‍ഷം നീറി പുകയുന്നു. മുഖ്യമന്ത്രിയുടെ സുരക്ഷയ്ക്ക് ചെന്നിത്തലയുടെ പോലീസ് പോരെന്ന് വരെ ഒരു കോണ്‍ഗ്രസ് നേതാവ് മലയാളി വാര്‍ത്തയോട് പറഞ്ഞു.

സംഭവം നടന്നയുടന്‍ സ്ഥലത്തില്ലായിരുന്ന ചെന്നിത്തല ഇന്റലിജന്‍സിനെ അനുകൂലിച്ച് സംസാരിച്ചു. മുഖ്യമന്ത്രിക്കെതിരെ പ്രതിഷേധം ഉണ്ടാകുമെന്ന് ഇന്റലിജന്‍സ് റിപ്പോര്‍ട്ട് ഉണ്ടായിരുന്നിട്ടും പോലീസ് അത് അവഗണിക്കുകയായിരുന്നു.
സിപിഎം നേതാവിന്റെ മകനെ സുപ്രധാന സ്ഥാനത്തേക്ക് നിയോഗിച്ചത് ഒരു പോലീസ് ഉന്നതനാണ്. തന്ത്രപ്രധാന സ്ഥാനങ്ങളില്‍ സിപിഎമ്മുകാരെ പ്രതിഷ്ഠിച്ചാല്‍ ഇതും ഇതിനപ്പുറവും സംഭവിക്കും എന്നാണ് കോണ്‍ഗ്രസ് നേതാക്കള്‍ പറയുന്നത്. ചെന്നിത്തലയ്്ക്ക് വകുപ്പില്‍ വേണ്ടത്ര സ്വാധീനമില്ലെന്നും പറയുന്നു.
പോലീ്‌സ് ഉദ്യോഗസ്ഥര്‍ വേണ്ടത്ര ജാഗ്രത കാണിച്ചില്ലെന്നും ആക്ഷേപമുണ്ട്. സേനയില്‍ മുക്കാലും ഉമ്മന്‍ചാണ്ടി വിരുദ്ധരാണെന്നാണ് കോണ്‍ഗ്രസ് നേതാക്കള്‍ പറയുന്നത്. കുളത്തിന്റെ ഉദ്ഘാടനത്തില്‍ ദേശീയ ഗെയിംസിന്റെ ഉദ്ഘാടനം പോലൊരു പ്രൗഢി ആവശ്യമുണ്ടായിരുന്നില്ല.
മുഖ്യമന്ത്രി തുറന്ന ജീപ്പില്‍ സഞ്ചരിക്കുമ്പോള്‍ കരമന കളിയിക്കാവിള ദേശീയപാതയില്‍ വാഹനങ്ങള്‍ കടത്തി വിടുന്നുണ്ടായിരുന്നു. ഇങ്ങനെയാണ് മുന്നോട്ട് പോകുന്നതെങ്കില്‍ മുഖ്യമന്ത്രിയുടെ സംരക്ഷണത്തിന് സ്വകാര്യ ഡിക്റ്ററ്റീവുകളെ കണ്ടെത്തണമെന്നാണ് കോണ്‍ഗ്രസ് നേതാക്കള്‍ അടക്കം പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha