ഫ്ളക്സിലുമുണ്ട് കോണ്ഗ്രസ് ഗ്രൂപ്പ്; ചന്ദ്രശേഖരന് രമേശിന്റെ പിന്തുണ
ഫ്ളക്സ് ബോര്ഡ് വിവാദത്തില് ഐ ഗ്രൂപ് മുഖ്യമന്ത്രിക്കെതിരെ തിരിയുന്നു. ഐ.എന്.ടി.യുസിയുടെ ഫ്ളക്സുകള് എടുത്തു മാറ്റിയാല് കാണാമെന്ന് പറഞ്ഞ പ്രസിഡന്റ് ചന്ദ്രശേഖരന് രമേശ് ചെന്നിത്തലയുടെ ആശീര്വാദത്തോടെയാണ് സര്ക്കാരിനെതിരെ രംഗത്തു വന്നത്.
ഒരാളുടെ ഈഗോ സംരക്ഷിക്കാനുള്ള മാര്ഗമാണ് ഫ്ളക്സ് ബോര്ഡ് വിരോധമെന്ന ചന്ദ്രശേഖരന്റെ പ്രഖ്യാപനം ഉമ്മന്ചാണ്ടിയെ ലക്ഷ്യമിട്ടാണ്. കേരളത്തില് കോണ്ഗ്രസിലെ ഐ ഗ്രൂപ്പ് ഫ്ളക്സ് ബോര്ഡ് പ്രദര്ശനത്തില് മേല്കൈ നേടുന്നു എന്ന ധാരണയാണ് ഉമ്മന്ചാണ്ടിയെ കൊണ്ട് ഫ്ളക്സ് നിരോധനപ്രഖ്യാപനം നടത്തിയതെന്നാണ് ചന്ദ്രശേഖരന്റെ പ്രഖ്യാപനം. ഐ.എന്.റ്റി.യു.സി വരും ദിവസങ്ങളില് കൂടുതല് ഫ്ളക്സ് ബോര്ഡുകള് സ്ഥാപിക്കും. ഇത് എടുത്തു മാറ്റാന് പോലീസ് തയ്യാറായാല് ഐ.എന്.റ്റി.യു.സിയും പോലീസും തമ്മില് തെരുവുയുദ്ധം തന്നെ നടക്കും. സിപിഎമ്മിന്റെ പിന്തുണയും ഐ.എന്.റ്റി.യു.സിക്കുണ്ട്.
അഞ്ചുലക്ഷത്തോളം തൊഴിലാളികളുടെയും അവരുടെ കുടുംബാംഗങ്ങളുടെയും വീടു പട്ടിണിയാവുമെന്നാണ് മറ്റൊരു ആരോപണം. ബദല് മാര്ഗ്ഗം നിര്ദ്ദേശിക്കാതെയാണ് സര്ക്കാര് ഫ്ളക്സ് നിരോധിച്ചതെന്ന് അസോസിയേഷനുകള് ആരോപിക്കുന്നു. സര്ക്കാര് ഫ്ളക്സ് നിര്മ്മാണത്തില് ലക്ഷങ്ങള് മുടക്കിയവര് നിരവധിയുണ്ട്. ഇവരുടെ ജീവിതം വഴിമുട്ടിയിരിക്കുന്നു.
ഉമ്മന്ചാണ്ടിയാകട്ടെ തന്റെ തീരുമാനത്തില് നിന്നും പിന്മാറാന് തയ്യാറല്ല. ഫ്ളക്സുകള് നിരോധിക്കുക തന്നെ ചെയ്യുമെന്നാണ് മുഖ്യമന്ത്രി പറയുന്നത്. രമേശ് ഇതു സംബന്ധിച്ച് മുഖ്യമന്ത്രിയുമായി സംസാരിച്ചെങ്കിലും അദ്ദേഹം അയയുന്ന മട്ടില്ല.
ഐ.എന്.റ്റി.യു.സി ചന്ദ്രശേഖരനാകട്ടെ ഒരു ഫ്ളക്സ് ജീവിയാണ്. അദ്ദേഹത്തിന്റെ മുഖവും പേരും മലയാളികള് അറിഞ്ഞത് ഫ്ളക്സ് ഉണ്ടായിരുന്നതു കൊണ്ടു മാത്രമാണ്. ഇന്റര്നാഷണല് ലേബര് ഓര്ഗനൈസേഷന്റെ യോഗത്തില് ചന്ദ്രശേഖരന് പ്രസംഗിക്കാന് പോയതും ഫ്ളക്സായി മാറിയിരുന്നു. ഫ്ളക്സില്ലാത്ത ഒരു കാലത്തെ കുറിച്ച് ചന്ദ്രശേഖരന് ആലോചിക്കാന് പോലും കഴിയുകയില്ല. അതുകൊണ്ടു തന്നെ ചന്ദ്രശേഖന്റെ വീറ് ഫ്ളക്സില് മാത്രമല്ല ജീവിതത്തിലും കാണേണ്ടി വരും.
കൊല്ലം പാര്ലമെന്റ് സീറ്റ് ചന്ദ്രശേഖരന്റെ വലിയ മോഹമായിരുന്നു. അവിടേക്ക് ഉമ്മന്ചാണ്ടിയുടെ ശ്രമഫലമായി എന്.കെ. പ്രേമചന്ദ്രന് വന്നതോടെയാണ് ചന്ദ്രശേഖരനും ഉമ്മന്ചാണ്ടിയും തമ്മില് അസ്വാരസ്യമുണ്ടാകുന്നത്. അതേ അസ്വാരസ്യമാണ് ഫ്ളക്സ് വിവാദത്തിലും പുറത്തു വന്നിരിക്കുന്നത്. ചന്ദ്രശേഖരനാകട്ടെ ഒരു രമേശ് ചെന്നിത്തല ഭക്തന് കൂടിയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
