കാലത്തിനൊപ്പം കോലം മാറാന് സിപിഎം; ന്യൂ ജനറേഷനെ ആകര്ഷിക്കാന് ഫ്ളാഷ് മോബ്
കാലത്തിനൊത്ത് കോലം മാറുക എന്ന ലക്ഷ്യവുമായി ഫ്ളാഷ്മോബിനു പിന്നാലെ പോകാന് തീരുമാനിച്ച സി.പി.എമ്മിന് അണികളെ ഫ്ളാഷ്മോബ് പഠിപ്പിക്കാന് കണ്ണൂര് ജില്ലയില് നിന്നുളള വനിതാ സഖാവിനെ നിശ്ചയിക്കാവുന്നതാണെന്ന് അനുയായികള് ആണയിടുന്നു. മുന്മന്ത്രി കൂടിയായ വനിതാ സഖാവ് മുമ്പ് ഒരു പാര്ട്ടി സമ്മേളനത്തില് ഒരടിപൊളി ഗാനത്തിനൊപ്പം ചുവടു വച്ചത് അണികള്ക്ക് മറക്കാനാവില്ല. ഇപ്പോഴും വനിതാ സഖാവിന്റെ വിഷയം ചാനലുകള് ചര്ച്ചചെയ്യുമ്പോള് അവരുടെ പഴയ നൃത്തരംഗം പുന:സംപ്രേണം ചെയ്യാറുണ്ട്. യുവാക്കളെ പാര്ട്ടിയിലേക്ക് ആകര്ഷിക്കുക എന്ന ലക്ഷ്യവുമായിട്ടാണ് സി.പി.എം ഫ്ളാഷ്മോബ് ആസൂത്രണം ചെയ്യുന്നത്.
സാധാരണക്കാരില് നിന്നും അകന്ന സി.പി.എം നിരവധി നൂതന പദ്ധതികളാണ് ആസൂത്രണം ചെയ്യുന്നത്. ഇതില് ആദ്യത്തേത് മാലിന്യസംസ്കരണമാണ്. പാര്ട്ടിയാകട്ടെ മാലിന്യങ്ങളാല് നിറഞ്ഞിരിക്കുന്നു. ഈ പശ്ചാത്തലത്തിലാണ് നാട്ടിലെ മാലിന്യങ്ങള് നീക്കാന് സി.പി.എം. തീരുമാനിച്ചത്.
ഫ്ളാഷ്മോബ് ഒരു പുതിയ ഏര്പ്പാടാണ്. യേശുദാസ് നിരോധിച്ച ജീന്സിട്ട പെണ്കുട്ടികളാണ് ഫ്ളാഷ്മോബില് അണി ചേരാറുളളത്. ടൈറ്റ് ജീന്സും ടീഷര്മിട്ട് പെണ്കുട്ടികള് കടല് തീരത്തിരുന്നു കളിക്കുന്നതു കാണുമ്പോള് സി.പി.എം. നേതാക്കളുടെ മനം കുളിര്ക്കും. പണ്ട് പാവപ്പെട്ടവനൊപ്പം നിന്ന പാര്ട്ടി ഫ്ളാഷ്മോബിലേയ്ക്ക് നീങ്ങുമ്പോള് വയലേലകളില്
പകലന്തിയോളം പണിയെടുക്കുന്നവരുടെ കണ്ണുകള് നിറയുകയാണ്. ഒ.എന്.വി.കുറുപ്പിനെ തന്നെ ഫ്ളാഷ്മോബ് ഗാനത്തിന്റെ രചന ഏല്പ്പിക്കുമോ എന്നും കേരളം ഉറ്റുനോക്കുന്നുണ്ട്. തൊഴിലാളിവര്ഗ്ഗത്തിന്റെ മാത്രം പാര്ട്ടിയായി തങ്ങള്ക്ക് നില നില്ക്കാനാവില്ലെന്ന സി.പി.എമ്മിന്റെ കണ്ടെത്തല് ഏതായാലും ഉജ്ജ്വലമായി. കാരണം സി.പി.എമ്മിന്റെ കാലുകള് ഭൂമിയില് ഉറപ്പിച്ചു നിര്ത്തിയവര് ഇവരാണ്. ഇനി ഉമ്മന്ചാണ്ടിയും പിണറായി വിജയനും തമ്മില് യാതൊരു വ്യത്യാസവുമുണ്ടാകില്ല. വേണമെങ്കില് സോളാര് മോഡല് തട്ടിപ്പുകള് സി.പി.എമ്മിനും നടത്താവുന്നതേയുളളു.
പാര്ട്ടി സോഷ്യല് മീഡിയയില് സജീവമാകുന്നുവെന്നാണ് വാര്ത്ത. തിരുവനന്തപുരം എം.പി. ശശി തരൂരിനെ ഇതിന്റെ ചുമതല ഏല്പ്പിക്കുന്നതാണ് നല്ലത്. അദ്ദേഹത്തിനാണെങ്കില് ഇപ്പോള് പ്രത്യേക ജോലിയൊന്നും ഇല്ലാതിരിക്കുന്ന സമയമാണ്.
ഒപ്പം സാധാരണക്കാരെയും പട്ടിണി പാവങ്ങളെയും മറക്കാന് കൂടി പാര്ട്ടി ശ്രമിക്കണം. അവരെ കാണുമ്പോള് കണ്ടില്ലെന്ന് നടിക്കണം. കഴിയുമെങ്കില് കട്ടന്ചായക്ക് പകരം ആപ്പില് ജ്യൂസും പിസ്തയും ശീലിക്കണം. അങ്ങനെയങ്ങനെ സി.പി.എമ്മിനെ ഒരു വലിയ സംവിധാനമാക്കി മാറ്റണം. ഉമ്മന്ചാണ്ടിയെ അഡ്വൈസറായി നിയമിക്കാമെങ്കില് രക്ഷപ്പെടാനുളള ചില വഴികള് അദ്ദേഹം ഉപദേശിച്ചുതരും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
