പ്രമേഹവ്രണത്തിന് പപ്പായ
പ്രമേഹമുള്ളവരില് വ്രണങ്ങള് ഉണ്ടാകുമ്പോള് നിരവധി പ്രശ്നങ്ങളാണ് ഉണ്ടാകുന്നത്. 25 ശതമാനം രോഗികള് ക്കും കാലിന്റെ ഉപ്പൂറ്റി ഭാഗത്തില് വ്രണങ്ങള് ഉണ്ടാകാനുള്ള സാധ്യത ഏറെയാണ്. ഇത്തരത്തിലുള്ള വൃണങ്ങള് പലപ്പോഴും ഉണങ്ങാന് സമയമെടുക്കുകയും ചെയ്യും. വ്യായാമം പാടെ അവഗണിക്കുന്നവരില് രക്തചംക്രമണം തടസപ്പെടുന്നു. തന്മൂലം പലപ്പോഴും രോഗം വന്ന കല്പാത്തി മുറിച്ചു മാറ്റേണ്ട അവസ്ഥയില് ചെന്നെത്തുന്നു .
പപ്പായ അധികം പഴുക്കാതെ പ്രമേഹത്തില് ഉപയോഗിക്കാന് സാധിക്കുന്ന പഴങ്ങളില് ഒന്നാണ്. നാരുകളുടെ ആധിക്യവും ശരീരത്തിലെ പഞ്ചസാര നിയന്ത്രണവും മനുഷ്യ ശരീരത്തിലെ കൃമികളെ നീക്കം ചെയ്യാനുമുള്ള പപ്പായയുടെ കഴിവ് പണ്ടേ ശാസ്ത്ര ഗവേഷണങ്ങള് തെളിയിച്ചതാണ് .
ജപ്പാനിലെ ഒസടോ ഗവേഷണ കേന്ദ്രത്തില് എലികളില് കൃത്രിമമായി സൃഷ്ടിച്ച വ്രണങ്ങളില് പുളിപ്പിച്ച പപ്പായ സത്ത് ഉപയോഗിച്ചപ്പോള് അത്ഭുതകരമായ രീതിയില് വൃണങ്ങള് ഉണങ്ങുന്നതായി കണ്ടെത്തി. എറിക് കോല്ലര്ഡും സാശ്വതി റോയിയും ആണ് ഗവേഷണത്തിന് ചുക്കാന് പിടിച്ചത് .
ഗവേഷകര് പപ്പായയുടെ മുറിവുണക്കാനുള്ള ശേഷിയുടെ പിന്നിലെ ശാസ്ത്രിയ വശം വിശദീകരിക്കുന്നു. പ്രമേഹ ബാധിതരില് വ്രണം വന്നാല് നൈട്രിക്ക് ഓക്സൈഡിന്റെ അഭാവം കാണപ്പെടുന്നു. നൈട്രിക്ക് ഓക്സൈഡ് ശരിരത്തില് രക്ത ചംക്രമണം പുഷ്ടിപ്പെടുത്തുകയും രക്തത്തിലെ ചത്ത കോശങ്ങളെയും പുറത്തുനിന്നും വന്ന അന്യ കൃമികീടങ്ങളെയും കാര്ന്നു തിന്നുന്നു. എന്നാല് പപ്പായ പേസ്റ്റ് ഉപയോഗിച്ചപ്പോള് നൈട്രിക്ക് ഓക്സൈഡിന്റെ അഭാവം പരിഹരിക്കപ്പെടുകയും ചെയ്തു.
https://www.facebook.com/Malayalivartha
