മുൻപെങ്ങും കേട്ടുകേൾവിയില്ലാത്ത പല ഗുരുതര രോഗങ്ങളും ഇപ്പോൾ പറഞ്ഞു കേൾക്കുന്നു. അതിലൊന്നാണ് കോംഗോ പനി. തൃശൂരിൽ കോംഗോ പനി ബാധിച്ച ഒരാളെ അഡ്മിറ്റ് ചെയ്തു എന്ന് വാർത്ത വന്നെങ്കിലും അത് ശരിയല്ലെന്നാണ് ഇപ്പോൾ അറിയുന്നത് .

എന്താണ് കോംഗോ പനി?

മൃഗങ്ങളില്‍ നിന്ന് മൃഗങ്ങളിലേക്കും ഈ മൃഗങ്ങളുടെ ശരീരത്തിലുള്ള ചെള്ളുകള്‍ വഴി മനുഷ്യരിലേക്കും പകരുന്ന രോഗമാണ് കോംഗോ പനി. നെയ്റോ വൈറസുകള്‍ വഴിയാണ് രോഗം ഉണ്ടാകുന്നത്. രോഗം ബാധിച്ച ആളുടെ രക്തം, ശരീരസ്രവങ്ങള്‍ എന്നിവ വഴി മനുഷ്യരില്‍ നിന്ന് മനുഷ്യരിലേക്കും രോഗം പകരാം.

ലക്ഷണങ്ങള്‍

പനി, മസിലുകള്‍ക്ക് കടുത്ത വേദന, നടുവേദന, തലവേദന, തൊണ്ടവേദന, വയറുവേദന, കണ്ണുകള്‍ക്കുണ്ടാകുന്ന അസ്വസ്ഥത തുടങ്ങിയവയാണ് പ്രധാന ലക്ഷണങ്ങള്‍ .

40ശതമാനം വരെയാണ് മരണ നിരക്ക്. ക്രിമിയന്‍ കോംഗോ ഹെമറേജിക് ഫിവര്‍ ( സി. സി. എച്ച്. എഫ്) എന്നതാണ് കോംഗോ പനിയുടെ പൂര്‍ണമായ പേര്. സി.സി. എച്ച്. എഫ് എന്നും രോഗകാരണമായ വൈറസ് അറിയപ്പെടുന്നു.

പ്രതിരോധം:
1. ചെള്ള് നാശിനികൾ ഉപയോഗിച്ചു ചെള്ളിനെ നശിപ്പിക്കുക.
2. വസ്‌ത്രങ്ങളിൽ ചെള്ള് ഉണ്ടോ എന്ന് പരിശോധിക്കണം
3 അസുഖം ഉള്ള പ്രദേശങ്ങളിൽ ഉള്ളവർ ദേഹത്ത് ലോഷൻ പുരട്ടണം
4 ഡയറി ഫാമുകളിൽ ശുചിത്വം പാലിക്കണം