മനുഷ്യചരിത്രത്തിലെ ഏറ്റവും ദാരുണമായ പകർച്ചവ്യാധിയായാണ് എയ്ഡ്സ് . രോഗലക്ഷണങ്ങൾ കണ്ടു തുടങ്ങിയാൽ ഫലപ്രദമായ ചികിത്സ ഇല്ല എന്നത് ഈ രോഗത്തിന്റെ ഭീകരത വർധിപ്പിക്കുന്നു . എന്നാൽ ഏതൊരസുഖത്തിനെയും പോലെ തുടക്കത്തിൽ തന്നെ ചികിൽസിച്ചാൽ എയ്ഡ്സ് വൈറസ്സിനെയും നശിപ്പിക്കാം. കാന്‍സറുപോലെ അറിയാത്ത കാരണങ്ങൾ കൊണ്ടുണ്ടാകുന്നതല്ല. മറിച്ച് ഏതെങ്കിലും സാഹചര്യത്തിൽ നാം വരുത്തികൂട്ടുന്ന അല്ലെങ്കിൽ നേടിയെടുക്കുന്ന രോഗമാണിതെന്ന് എയ്ഡ്സ് അക്വയേഡ് ഇമ്മ്യൂൺ ഡിഫിഷ്യൻസി സിൻഡ്രം എന്ന വാക്കു തന്നെ സൂചിപ്പിക്കുന്നു. എയ്ഡ്സ് വൈറസ് ശരീരത്തിൽ എത്താനുള്ള സാഹചര്യം ഉണ്ടായാൽ 99 ശതമാനം കേസുകളിലും അത് നേരത്തെ അറിയാം എന്നതാണ് ഇവിടെ ഗുണകരമാകുന്നത് .

ഏതെങ്കിലും രീതിയില്‍ എച്ച്.ഐ.വി വൈറസ് ശരീരത്തിലെത്തിയെന്ന സംശയം തോന്നിയാല്‍ ഉടനടി എടുക്കേണ്ടുന്ന ഒരു ചികിത്സയാണ് പി.ഇ.പി കിറ്റ് അഥവാ പോസ്റ്റ് എക്‌സ്‌പോഷര്‍ പ്രൊഫൈലാക്‌സിസ് കിറ്റ്.

എച്ച്.ഐ.വി ശരീരത്തിലെത്തിയെന്ന സംശയം തോന്നി 2-72 മണിക്കൂറിനുള്ളില്‍ ഈ ചികിത്സ ആരംഭിക്കണം. ഈ മരുന്ന് തുടര്‍ച്ചയായി 28 ദിവസം(നാലാഴ്ച) കഴിച്ചാല്‍ ശരീരത്തിലെത്തിയ വൈറസിനെ ഇല്ലാതാക്കാന്‍ സാധിക്കും എന്ന് പറയുന്നു. . ഈ ചികിത്സ 90 ശതമാനത്തോളം ഫലപ്രദമാണെന്ന് തെളിഞ്ഞിട്ടുമുണ്ട്.പി.ഇ.പി കിറ്റ് എല്ലാ മെഡിക്കല്‍ കോളേജിലും ലഭ്യമാണ്.

28 ദിവസം കൃത്യമായി കഴിച്ചാല്‍ മാത്രമേ ഈ ചികിത്സ ഫലം ഉണ്ടാവുകയുള്ളൂ . തുടര്‍ച്ചയായ 28 മണിക്കൂര്‍ മരുന്ന് മുടങ്ങിയാല്‍ ചികിത്സ ഫലപ്രദമാവില്ല. ചെറിയ തോതില്‍ തലവേദന, തളര്‍ച്ച, ക്ഷീണം തുടങ്ങിയവ പി.ഇ.പി ചികിത്സയുടെ പാര്‍ശ്വഫലങ്ങളായി ഉണ്ടായേക്കാം. എച്ച്. ഐ. വി രോഗബാധിതരായവർക്ക് ഈ കിറ്റ് ഫലപ്രദമല്ല.

പൊതുവെ സുരക്ഷിതമല്ലാത്ത ലൈംഗികബന്ധത്തിലൂടെ പകരുന്ന രോഗമാണ് എയ്ഡ്സ് . എന്നാൽ അതിനപ്പുറം മറ്റനേകം കാരണം കൊണ്ടും എയിഡ്സ് പകരാം. രക്തം ദാനം ചെയ്യുമ്പോളും സ്വീകരിക്കുമ്പോളും എയിഡ്സ് പകരാനുള്ള സാധ്യതയുണ്ട്. ഇതൊഴിവാക്കുവാൻ വേണ്ടി രക്തം എടുക്കുന്നതിന് മുമ്പും ശേഷവും പലതരം പരിശോധനകളും നടത്തിവരാറുണ്ട്. ശരീരത്തിലെ മുറിവോ മറ്റോ രോഗബാധിതരുടെ രക്തവുമായി ചേർന്നാൽ അണുബാധയുണ്ടാകാനുള്ള സാധ്യതയുണ്ട്. ഇത്തരം സന്ദർഭങ്ങൾ ഏതെങ്കിലും ഉണ്ടായതായി സംശയം തോന്നിയാൽ 2 മണിക്കൂർ മുതൽ 72 മണിക്കൂർ വരെ ഉള്ള സമയത്തിനുയലിൽ ചികിത്സ ആരംഭിക്കണം. 72 മണിക്കൂർ കഴിഞ്ഞാൽ ഈ കിറ്റ് ഫലപ്രദമല്ല. 

എച്ച്.ഐ.വി.ബാധിതനായ ഒരാള്‍ എയ്ഡ്‌സ് രോഗിയാകാന്‍ എട്ട് മുതല്‍ 15 വര്‍ഷംവരെ എടുക്കും. പലരിലും ഈ കാലയളവ് വ്യത്യാസപ്പെട്ടിരിക്കും.എച്ച്.ഐ.വി വൈറസ് ശരീരത്തില്‍ കയറിക്കഴിഞ്ഞാല്‍ അത് ക്രമേണെ പെറ്റുപെരുകി ശരീരത്തിന്റെ പ്രതിരോധശേഷിയെ നശിപ്പിക്കുന്നു. രോഗപ്രതിരോധശേഷി തീരെ കുറയുന്നതോടെ ചെറിയൊരു ജലദോഷം വന്നാൽ പോലും അത് മാരകമായി തീരുന്ന നിലയിലാകും. എലിസാ ടെസ്റ്റാണ് പ്രാഥമിക പരിശോധ്ക്കുപയോഗിക്കുന്നത്. എങ്കിലും വെസ്റ്റേൺ ബ്ലോട്ട് ടെസ്റ്റ് കൂടി പോസിറ്റീവായാൽ മാത്രമേ ഒരാൾക്ക് എയ്ഡ്സ് ബാധ ഉണ്ടെന്നു പറയാൻ കഴിയൂ.