പുരുഷന്മാരുടെ ശബ്ദം കേള്ക്കാന് ആവില്ല; റിവേഴ്സ് സ്ലോപ് ഹിയറിംഗ് എന്ന രോഗാവസ്ഥയാണിത്!
ചൈനയിലെ ക്സിയാമെന് നഗരത്തിലെ ചെന് എന്ന യുവതി കൂട്ടുകാരനോട് കലപിലെ സംസാരിച്ചും അവന് പറഞ്ഞ കാര്യങ്ങള് മുഴുവനും സന്തോഷത്തോടെ കേട്ടതിനു ശേഷമാണ് ഉറങ്ങാന് കിടന്നത്. രാത്രിയില് എപ്പോഴോ ചെവിക്ക് ലേശം അസ്വസ്ഥത തോന്നിയെങ്കിലും അതു കാര്യമാക്കാതെ അവള് ഉറക്കം തുടര്ന്നു.
രാവിലെ ഉണര്ന്നതു മുതല് കൂട്ടുകാരനെ കാണുന്നതുവരെ എല്ലാം ശുഭമായിരുന്നു. പക്ഷേ അവന് പറയുന്നതൊന്നും കേള്ക്കാനാകാതെ വന്നതോടെ അവള്ക്കെന്തോ പന്തികേടു തോന്നി. സ്ത്രീകള് പറയുന്നതെല്ലാം വളരെ വ്യക്തമായി കേള്ക്കാന് സാധിക്കുമായിരുന്നതുകൊണ്ട് തന്റെ കേള്വിക്കെന്തെങ്കിലും തകരാറ് പറ്റിയതായി യുവതിക്ക് തോന്നിയിരുന്നില്ല. കൂട്ടുകാരന് പറയുന്നതൊന്നും കേള്ക്കാനാകാതെ വന്നതോടെയാണ് അവള് പരിഭ്രാന്തയായി ഡോക്ടറെ സമീപിച്ചത്.
പുരുഷന്മാരുടെ ശബ്ദവും സ്ത്രീകള് ഉച്ചരിക്കുന്ന ചില്ലക്ഷരങ്ങളുടെ ശബ്ദവും യുവതിക്ക് കേള്ക്കാന് കഴിയില്ലെന്നായിരുന്നു ഡോക്ടര്മാരുടെ കണ്ടെത്തല്. റിവേഴ്സ് സ്ലോപ് ഹിയറിങ് എന്ന അവസ്ഥയാണ് യുവതിക്കെന്നും. ഈ അവസ്ഥയിലുള്ള ആളുകള്ക്ക് ഹൈ ഫ്രീക്വന്സിയിലുള്ള ശബ്ദം മാത്രമേ കേള്ക്കാന് കഴിയുകയുള്ളൂവെന്നുമായിരുന്നു ഡോക്ടര്മാരുടെ വിശദീകരണം. ഇതുകൊണ്ടാണ് ലോ ഫ്രീക്വന്സിയിലുള്ള പുരുഷന്മാരുടെ ശബ്ദം യുവതിക്ക് കേള്ക്കാന് സാധിക്കാത്തതെന്നും അവര് പറയുന്നു.
അടുത്തിടെയായി ഒരുപാടു ദിവസം ഉറക്കമൊഴിച്ചു താന് ജോലി ചെയ്തിരുന്നെന്നും തന്റെ ശരീരത്തിന് ഒരുപാട് സമ്മര്ദ്ദം നല്കിയിരുന്നെന്നും ചെന് പറയുന്നു. ജനിതകപരമായ കാരണങ്ങള് കൊണ്ടോ, ചെവിക്കുണ്ടാകുന്ന അണുബാധ കൊണ്ടോ ഇത്തരം പ്രശ്നങ്ങളുണ്ടാകാമെന്നും 13000 പേരില് ഒരാള്ക്ക് വീതം ഇത്തരം അവസ്ഥ ഉണ്ടായേക്കാമെന്നും ഡോക്ടര്മാര് പറയുന്നു.
റിവേഴ്സ്സ്ലോപ്പ് ഹിയറിംഗ് നഷ്ടം ഗൗരവത്തോടെ കൈകാര്യം ചെയ്യേണ്ടത് ആവശ്യമാണ്. പ്രധാന കാരണം സുരക്ഷിതത്വസംബന്ധിയാണ്. ആര്എസ്എച്ച്-ല് നിങ്ങള്ക്ക് നഷ്ടപ്പെടുന്നത് മിക്കതും പരിസ്ഥിതി ശബ്ദമാണ്. ഒരു കാര് വന്നാല് നിങ്ങള്ക്ക് കേള്ക്കാന് കഴിയുന്നില്ലെങ്കില്, നിങ്ങള്ക്കത് ഒഴിവാക്കാന് കഴിയില്ല. നിങ്ങളില് നിന്ന് ദൂരെ നില്ക്കുന്ന ഒരാള് നിങ്ങള്ക്ക് എന്തിനെയെങ്കിലും കുറിച്ച് മുന്നറിയിപ്പ് തരാന് ശ്രമിക്കുകയാണെങ്കില്, അത് നിങ്ങള് കേള്ക്കാനിടയില്ല, കാരണം വോളിയം, ലോവര് ആവൃത്തികളുടെ ഒരു ഗുണനഫലമാണ്.
മറ്റൊരു കാരണം വിനോദമാണ്. നിങ്ങള്ക്ക് ആര്എസ്എച്ച് ഉണ്ടെങ്കില് നിങ്ങള്ക്ക് നഷ്ടപ്പെടാനിടയുള്ളത് സംഗീതത്തിലുള്ള നിരവധി സൂക്ഷ്മഭേദങ്ങളാണ്. കാരണം നിങ്ങള്ക്ക് ലോഫ്രീക്വന്സി ശബ്ദങ്ങള് നഷ്ടപ്പെട്ടിരിക്കുകയാണ്.
ആര്എസ്എച്ച് ഉള്ളവര് ഒരു ഓഡിയോ വിദഗ്ധന്റെ സഹായം തേടേണ്ടതുണ്ട്. അദ്ദേഹത്തിന്റെ ഉപദേശത്തിന് അനുസരിച്ച് ഓരോ വ്യക്തിയുടേയും രോഗാവസ്ഥയ്ക്ക് ഇണങ്ങുന്ന, ശബ്ദം കേള്ക്കാന് സഹായിക്കുന്ന ഹിയറിംഗ് എയ്ഡുകള് ധരിക്കുകയാണ് പോംവഴി. ഓഡിയോഗ്രാം മുതലായ കമ്പ്യൂട്ടര് സജ്ജീകരണങ്ങളെ അടിസ്ഥാനമാക്കിയാണ് ഹിയറിംഗ് എയ്ഡ്സ്, പ്രോഗ്രാം ചെയ്യുന്നത്.
യുഎസ്, കാനഡ എന്നിവിടങ്ങളില് 3,000 പേര്ക്ക് മാത്രമേ ആര്എസ്എച്ച് ഉള്ളൂ; ലക്ഷക്കണക്കിന് ആളുകള്ക്ക് ഉയര്ന്ന ആവൃത്തിയിലുള്ളശബ്ദം നഷ്ടപ്പെടുന്നുണ്ട്.
തങ്ങളുടെ കുടുംബത്തിലെ ഒരാള്ക്കെങ്കിലും ഈ അവസ്ഥ ഉണ്ടായിക്കഴിഞ്ഞു മാത്രമേ പലര്ക്കും ഇത് വിശ്വസിക്കുവാനാവൂ. വോള്ഫാം സിന്ഡ്രോം, മോണ്ടിസി ഡിസ്പ്ലാസിയ, വിശേഷ ലക്ഷണമുള്ള ഒരു ജീന് എന്നിവ വഴിയെല്ലാം ആര്എസ്എച്ച് ഉണ്ടാകാം.
ആന്തരകര്ണ്ണത്തില് നിന്നും തലച്ചോറിലേക്ക് ശബ്ദസംബന്ധിയായ വിവരങ്ങള് കൈമാറ്റം ചെയ്യുന്ന രോമകോശങ്ങളെ ബാധിക്കുന്ന ചില രോഗങ്ങള്, റിവേഴ്സ് സ്ലോപ് ഹിയറിംഗിന് ഇടയാക്കാറുണ്ട്. മെനിയേഴ്സ് രോഗം, വൈറല് അണുബാധ എന്നിവയൊക്കെ ഇതിന് ഉദാഹരണങ്ങളാണ്.
ആന്തരകര്ണ്ണത്തിലെ ദ്രാവകമായ എന്ഡോലിംഫിന് മര്ദ്ദവ്യതിയാനങ്ങള് വരുത്തുന്നവയെല്ലാം ആര്എസ്എച്ച് ഉളവാക്കുന്നു. സുഷുമ്നല് അല്ലെങ്കില് ജനറല് അനസ്തീഷ്യ നല്കുമ്പോള് എന്ഡോലിംഫിന് മര്ദ്ദവ്യതിയാനങ്ങള് വരാം. ഇന്ട്രാ ക്രേനിയല് ഹൈപ്പര്ടെന്ഷന്, പെരി ലിംഫാറ്റിക് ഫിസ്റ്റുല എന്നീ രോഗങ്ങള് മുഖേനെയും മര്ദ്ദവ്യതിയാനം സംഭവിക്കാം.
https://www.facebook.com/Malayalivartha
