വെസ്റ്റ് നൈൽ പനി മരണകാരണമാകുമോ? എങ്ങിനെ പ്രതിരോധിക്കാം..ചികിത്സ എത്രമാത്രം ഫലപ്രദം തുടങ്ങി അറിയേണ്ടതെല്ലാം
കേരളത്തിന് ഏറെ പരിചയമില്ലാത്ത വെസ്റ്റ് നൈൽ പനിയാണ് ഇപ്പോൾ നമ്മുടെ ഉറക്കം കെടുത്തിയിരിക്കുന്നത്. ഇതിനു പ്രതിരോധ മരുന്ന് ഇല്ല എന്നതും ഭീതിയുടെ തോത് വർധിപ്പിക്കുന്നു.
ഫ്ലാവി വൈറസ് വിഭാഗത്തിൽപ്പെടുന്ന വെസ്റ്റ് നൈൽ വൈറസുകളാണ് രോഗം പകർത്തുന്നത് . സാധാരണ ഈ വൈറസുകൾകാണപ്പെടുന്നത് പക്ഷികളിലും കൊതുകുകളിലുമാണ്. ഇവയിൽ നിന്ന് ഈ വൈറസുകൾ മനുഷ്യരിലേക്കെത്തുമ്പോൾ വെസ്റ്റ് നൈൽ പനിക്കു കാരണമാകുന്നു
വൈറസ് ബാധയുള്ള കൊതുകു കടിയേറ്റാൽ 3 ദിവസം മുതൽ 2 ആഴ്ച്ചയ്ക്കുള്ളിൽ സാധാരണഗതിയിൽ മനുഷ്യരിൽ രോഗം വരും. അണുബാധയേൽക്കുന്നവരിൽ 80 ശതമാനം ആളുകൾക്കും രോഗലക്ഷണം ഉണ്ടാകാറില്ല എന്നതും രോഗം മൂർദ്ധന്യത്തിലെത്താൻ കാരണമാകുന്നു. . 20 ശതമാനം ആളുകൾ വെസ്റ്റ് നൈൽ ബാധ പനി, തലവേദന, ക്ഷീണം, ശരീരവേദന, ഛർദ്ദി, ചിലരിൽ ശരീരത്തിലെ പാടുകൾ, ഓർമക്കുറവ് എന്നീ രോഗലക്ഷണങ്ങൾ കാണിക്കാറുണ്ട് . എന്നാൽ ചിലർക്ക് ഇതു നാഡി വ്യൂഹത്തെ ബാധിക്കുകയും വെസ്റ്റ് നൈൽ എൻസെഫലൈറ്റിസ് ആവുകയും ചെയ്യുമ്പോഴാണ് മരണം സംഭവിക്കുന്നത്
വൈറസ് ബാധ തടയുന്നതിനുള്ള പ്രതിരോധ വാക്സിന് നിലവില് ലഭ്യമല്ല. ലക്ഷണങ്ങള്ക്കുള്ള സപ്പോര്ട്ടീവ് ചികിത്സയാണ് ഇപ്പോള് നടക്കുന്നത്. ചികിത്സ ഫലപ്രദമാണെങ്കിൽ രണ്ടാഴ്ചയോടെ രോഗം മാറാം, എന്നാൽ ക്ഷീണവും അനുബന്ധ പ്രശ്നങ്ങളും മാറാൻ ചിലപ്പോൾ മാസങ്ങളെടുത്തേക്കാം
പക്ഷികളിൽ നിന്നാണ് ഈ രോഗം പകരുന്നത്.രാത്രി കാണപ്പെടുന്ന കൊതുകുകൾ വൈറസ് വാഹകരായ പക്ഷികളുടെ രക്തം കുടിക്കച്ചാൽ അവയിലേക്ക് വൈറസ് എത്തിച്ചേരും. ഈ കൊതുക് മനുഷ്യരുൾപ്പടെയുള്ള മറ്റു സസ്തനികളുടെ രക്തം കുടിക്കുമ്പോൾ അവയിലേക്ക് പകരുകയും ചെയ്യുന്നു .
ഇന്ത്യയിൽ ക്യൂലക്സ് വിഷ്ണുവൈ, ക്യൂലക്സ് പൈപിയൻസ് എന്നിവരാണ് പ്രാധാനപ്പെട്ട രോഗവാഹകർ. 14 തരം കൊതുകുകളാണു പ്രധാനമായും അസുഖം പരത്തുന്നത് . മനുഷ്യരില് നിന്നും മനുഷ്യരിലേക്ക് നേരിട്ട് വൈറസ് പകരുന്നതായി ഇതുവരെ റിപ്പോര്ട്ട് ചെയ്തിട്ടില്ല. എന്നാല് രക്തദാനത്തിലൂടെയും അവയാവദാനത്തിലൂടെയും ഗർഭിണിയായ അമ്മയിൽ നിന്നും കുഞ്ഞിലേക്കും വൈറസ് പകരാന് സാധ്യത കൂടുതലാണ്.......
ഈ അസുഖത്തിന് പ്രതിരോധ മരുന്നോ, വെസ്റ്റ് നൈൽ വൈറസിനെതിരായ മരുന്നോ ഇല്ലാത്തതിനാൽ രോഗ പ്രതിരോധമാണ് അസുഖം വരാതിരിക്കാൻ സ്വീകരിക്കാവുന്ന ഏക പോംവഴി
ഇതിനായി ഇനി പറയുന്ന പ്രതിരോധമാർഗ്ഗങ്ങൾ സ്വീകരിക്കാം
1. രാത്രി കൊതുകു വലയ്ക്കുള്ളിൽ ഉറങ്ങുക
2. ക്യൂലക്സ് കൊതുകുകളെ നശിപ്പിക്കുക
3. പരിസരം വൃത്തിയായി സൂക്ഷിക്കുക
4. ശരീരം മുഴുവൻ മറക്കുന്ന അയഞ്ഞ വസ്ത്രങ്ങൾ ഉപയോഗിക്കുക
5. രോഗലക്ഷണങ്ങൾ കണ്ടാലുടൻ ചികിൽസ തേടുക
6. സ്വയം ചികിത്സ ഒഴിവാക്കുക
https://www.facebook.com/Malayalivartha