ലൈംഗിക രോഗങ്ങളില് ഒന്നായ ഗോണോറിയ പകരുന്നത് ചുംബനത്തിലൂടെ...ഞെട്ടിപ്പിക്കുന്ന പഠന റിപ്പോർട്ട്
ലോകത്തെ ലൈംഗിക രോഗങ്ങളില് രണ്ടാം സ്ഥാനത്താണ് ഗൊണോറിയ. ഒരു ഘട്ടംകഴിഞ്ഞാല് ഈ രോഗം ചികിത്സിച്ച് മാറ്റാനും സാധിക്കില്ല എന്നതും രോഗത്തെക്കുറിച്ചുള്ള ഭീതി വർധിപ്പിക്കുന്നു. അതുകൊണ്ട് തന്നെ
ഫ്രഞ്ച് കിസിലൂടെ ഗോണോറിയ പകരാനുള്ള സാധ്യത ഏറെയാണെന്ന പഠന റിപ്പോർട്ട് ആശങ്കക്ക് വഴിവെക്കുന്നു . മെല്ബണ് സെക്ഷ്വല് ഹെല്ത്ത് സെന്റര് നടത്തിയ പഠനമാണ് ഇതേ കുറിച്ച് കൂടുതൽ വിവരങ്ങൾ നൽകുന്നത്
തൊണ്ടയെ ബാധിക്കുന്ന ഓറോഫൈറഗെല് ഗോണോറിയ ആണ് ഇങ്ങനെ പകരാറുള്ളതെന്നാണ് പഠനം മുന്നറിയിപ്പ് നല്കുന്നു. രഹസ്യഭാഗങ്ങള്, തൊണ്ട, കണ്ണ് എന്നീ അവയവങ്ങളെയാണ് ഗോണോറിയ ബാധിക്കുക. ഒരു ഘട്ടംകഴിഞ്ഞാല് ഈ രോഗം ചികിത്സിച്ച് മാറ്റാനും സാധിക്കില്ല. കോണ്ടം പോലെയുള്ള സുരക്ഷാമാര്ഗങ്ങള് ഉപയോഗിച്ചാല് ഗോണോറിയ തടയാന് സാധിക്കുമെന്ന് പറയുന്നുണ്ടെങ്കിലും ചുംബനത്തിലൂടെയും പകരാമെന്നിരിക്കെ രോഗസാധ്യത ഏറെ ആണെന്നാണ് മെല്ബണിലെ ഒരു സംഘം ഗവേഷകര് പറയുന്നത്.
ഫ്രഞ്ച് കിസ്സ് മൂലം ഗോണോറിയ ഉണ്ടാകുമോ എന്നറിയാന് 3,091 പുരുഷന്മാരില് ഒരു വര്ഷത്തോളം പഠനം നടത്തി. ഇവരില് മിക്കവരും സ്വവര്ഗരതിക്കാരും ബൈസെക്ഷ്വലുമായിരുന്നു. കാരണം ഇവര്ക്കിടയിലായിരുന്നു ഗോണോറിയ ഏറ്റവും കൂടുതല് കാണപ്പെട്ടത്. ഇവരില് നല്ലൊരു ശതമാനത്തിനും തൊണ്ടയെ ബാധിക്കുന്ന ഗോണോറിയ ഉണ്ടായതായി കണ്ടെത്തി.
ഇവരെല്ലാം പങ്കാളിയെ ഫ്രഞ്ച് കിസ്സ് ചെയ്യുന്നവരോ നാക്കു കൊണ്ട് ചുംബിക്കുന്നവരോ ആണെന്നതും ഗവേഷകര് വ്യക്തമാക്കുന്നു. മാത്രമല്ല ഇവരില് പലര്ക്കും ഒന്നില് കൂടുതല് ലൈംഗികപങ്കാളികള് ഉണ്ട്. മൂന്നു മാസത്തോളം ഇവര് പലരുമായും ബന്ധം സ്ഥാപിച്ചവരാണ്.
തൊണ്ടയെ ബാധിക്കുന്ന ഗോണോറിയ ഫ്രഞ്ച് കിസ്സ് കൊണ്ട് പിടിപെടാമെന്നു കണ്ടെത്തിയത് ഇങ്ങനെയാണ്. ആന്റിസെപ്റ്റിക് അടങ്ങിയ വായ കഴുകുന്ന അണുനാശിനികള് ഉപയോഗിക്കുന്നത് രോഗാണുക്കള് പടരാനുള്ള സാധ്യത കുറയ്ക്കാന് സഹായകമാണ് എന്നും പറയുന്നുണ്ട്. ഇതുസംബന്ധിച്ച് കൂടുതല് പഠനങ്ങള് നടന്നുവരികയാണ്.
https://www.facebook.com/Malayalivartha
