ഹൃദയത്തിന്റെ പ്രശ്നങ്ങൾ നേരത്തെ തിരിച്ചറിയാൻ പുതിയ സോഫ്റ്റ് വെയർ - ഇലക്ട്രോ മാപ്പ്- വരുന്നു
ഹൃദയത്തിന്റെ പ്രശ്നങ്ങൾ നേരത്തെ തിരിച്ചറിയാൻ പുതിയ സോഫ്റ്റ് വെയർ വരുന്നു
ഹൃദയത്തിനുള്ള ബുദ്ധിമുട്ടുകൾ ഇനി സ്വയം തിരിച്ചറിയാം. ഇതിനായി പുതിയ സോഫ്റ്റ് വെയർ ഗവേഷകർ കണ്ടെത്തിയിരിക്കുന്നു. .. ഇലക്ട്രോ മാപ്പ് എന്നാണ് സോഫ്റ്റ് വെയറിന്റെ പേര്. ഹൃദയത്തിലെ വൈദ്യുത പ്രവർത്തനങ്ങളെ അളക്കുന്നതാണ് ഈ ഉപകരണം.
ഹൃദയ പ്രശ്നങ്ങളെ തിരിച്ചറിഞ്ഞ് മുൻകരുതലുകൾ എടുക്കാനും വേണ്ട ചികിത്സ നടത്താനും സഹായിക്കുന്ന സോഫ്റ്റ് വെയറാണ് വികസിപ്പിച്ചിരിക്കുന്നത് . ഈ സോഫ്റ്റ് വെയറിന്റെ സഹായത്താൽ ഹൃദയത്തിന്റെ പ്രവർത്തനത്തിൽ വരുന്ന ചെറിയ മാറ്റങ്ങൾ പോലും കണ്ടെത്താനാകുമെന്നു പ്രതീക്ഷിക്കുന്നു.
ഹൃദയാഘാതം മൂലമുണ്ടാകുന്ന മരണം ചെറുപ്പക്കാരില്‍ കൂടാന്‍ കാരണം ഇതിന്റെ പ്രാരംഭ ലക്ഷണങ്ങൾ തിരിച്ചറിയാതെ പോകുന്നതാണ് . പലപ്പോഴും നമ്മുടെ ശ്രദ്ധയില്ലായ്മയാണ് ഹൃദയാഘാതത്തെ ഗുരുതരമാക്കുന്നത്. ഹൃദയം നല്‍കുന്ന സൂചനകളെ നമുക്ക് എത്ര നേരത്തെ മനസ്സിലാക്കാന്‍ കഴിയുന്നുവോ അത്രയും വേഗം മതിയായ ചികിത്സ ആരംഭിക്കാൻ കഴിയും .
ഹൃദയത്തിന്റെ പ്രധാന ധര്‍മ്മം ശരീരത്തിന്റെ എല്ലാ ഭാഗങ്ങളിലേക്കും രക്തം ശുദ്ധീകരിച്ച് പമ്പു ചെയ്യുകയാണ്. പുരുഷന്മാര്‍ക്ക് 70-72 തവണയും സ്ത്രീകള്‍ക്ക് 78-82 തവണയും, ഹൃദയം വിശ്രമാവസ്ഥയില്‍ സ്പന്ദിക്കുന്നു. കുഞ്ഞുങ്ങളിലാകട്ടെ ഹൃദയം ഏകദേശം 130 പ്രാവശ്യം സ്പന്ദിക്കുന്നു. ഒരു മിനിട്ടില്‍ 5 ലിറ്റര്‍ രക്തം പമ്പു ചെയ്യുന്ന ശരീരം. ശരാശരി 9800 ലിറ്റര്‍ മുതല്‍ 12600 ലിറ്റര്‍ വരെ രക്തം ഓരോ ദിവസവും പമ്പു ചെയ്യുന്നു
നെഞ്ചുവേദന ഹൃദ്രോഗം മൂലമാണോ എന്നറിയണമെങ്കില്‍ വിദഗ്ധ പരിശോധന ആവശ്യമാണ്. രക്ത പരിശോധന, നെഞ്ചിന്റെ എക്‌സ്-റേ, ഇ.സി.ജി എന്നിവയാണ് സാധാരണ രോഗ നിർണയത്തിന് ഉപയോഗിക്കാറുള്ളത്
ഹൃദ്രോഗങ്ങളിൽ സവിശേഷമായ വൈദ്യുതപ്രവാഹ വ്യത്യാസങ്ങൾ ഉണ്ടാകുന്നുണ്ട് ..ഹൃദയത്തിലെ വൈദ്യുത പ്രവാഹത്തിലുണ്ടാകുന്ന വ്യത്യാസങ്ങൾ അളക്കുവാൻ കഴിവുള്ള ഉപകരണമാണ് ഇ.സി.ജി .. ഹൃദയത്തിലെ വൈദ്യുത പ്രവർത്തനങ്ങളെ അളക്കുന്നതാണ് ഇലക്ട്രോ മാപ്പ് എന്ന ഉപകരണം. സങ്കീർണമായ കാർഡിയാക് ഡേറ്റകളുടെ വിശകലനം, മാപ്പിംഗ്, പ്രോസസിംഗ് എന്നിവയ്ക്കായുള്ള പുതിയ ഓപ്പൺ സോഴ്സ് സോഫ്റ്റ് വെയറാണ് ഇത്.
ഹൃദയത്തിന്റെ പമ്പ് ചെയ്യാനുള്ള കഴിവ് നിയന്ത്രിക്കപ്പെടുന്നുവെന്നത് ഇലക്ട്രിക്കൽ പ്രവർത്തനങ്ങളിലൂടെ ആണെന്ന് പഠനങ്ങൾ പറയുന്നു. ഹൃദയ പേശികളിലെ കോശങ്ങളെ ചുരുങ്ങാനും വിശ്രമിക്കാനുംസഹായിക്കുന്നത് ഇലക്ട്രിക്കൽ ആക്ടിവിറ്റിയാണ്. ഹൃദയമിടിപ്പ് വല്ലാതെ കൂടുകയോ വല്ലാതെ കുറയുകയോ ചെയ്യുന്ന അർറിതമിയ പോലുള്ള ഹൃദയ പ്രശ്നങ്ങൾ ഹൃദയത്തിന്റെ ഇലക്ട്രിക്കൽ ആക്ടിറ്റിവിറ്റിയെയാണ് ബാധിക്കുന്നത്.
ഇലക്ട്രോ മാപ്പ് നൂതനമായ കാർഡിയാക് ഗവേഷണരംഗത്തു തീർച്ചയായും മുതൽക്കൂട്ടാകും. ഹൃദയ തലത്തിൽ വരുന്ന ചെറിയ മാറ്റങ്ങൾപോലും സൂക്ഷമമായി പിടിച്ചെ ടുക്കാൻ ഇലക്ട്രോ മാപ്പിന് കഴിയും.
ഹൃദയ രോഗങ്ങളുടെ പ്രതിരോധത്തിന്റെ പ്രാധാന്യം വർഷം തോറും വർധിച്ചു വരികയാണ്. പ്രതിരോധവും ചികിത്സയും മെച്ചപ്പെടുത്തുന്നതിന് ഹൃദയത്തിന്റെ ഇലക്ട്രിക്കൽ സ്വഭാവത്തെ കുറിച്ച് മനസിലാക്കേണ്ടതായിട്ടുണ്ട്- ആരോഗ്യപരമായി വളരെ സാധുതയുള്ള ഓപ്പൺ സോഴ്സ് ഫ്ലെക്സിബിൾ ടൂളാണിത്. ഞങ്ങള്‍ വികസിപ്പിച്ചെടുത്ത ഡേറ്റ അനാലിസിസ് പ്രക്രിയയിലൂടെ ഹൃദയ രോഗങ്ങളെ കുറിച്ച് വ്യക്തമായ സൂചനകൾ നൽകും - . പഠനം വ്യക്തമാക്കുന്നു. സയിന്റിഫിക് റിപ്പോര്‍ട്ട്സ് എന്ന ജേണലിൽ ആണ് ഇക്കാര്യങ്ങൾ പറഞ്ഞിട്ടുള്ളത്
സ്ത്രീകള്‍ക്ക് ഹൃദയാഘാതമുണ്ടാകില്ലെന്ന തെറ്റായ ഒരു ധാരണയുണ്ട്. പുരുഷന്മാരെ മാത്രം അടിസ്ഥാനമാക്കി ഹൃദയസംബന്ധമായ പഠനങ്ങള്‍ നടത്തിയതുകൊണ്ടാണ് ഇത്തരമൊരു അബദ്ധധാരണ ജനങ്ങളില്‍ ഉടലെടുത്തത്. ഏറെ ശ്രദ്ധേയമായൊരു കാര്യം സ്ത്രീകളുടെ ഹൃദ്രോഗം പുരുഷന്മാര്‍ക്കുണ്ടാവുന്നതിനേക്കാള്‍ വളരെയേറെ മാരകമാവാറുണ്ടെന്നതാണ്.
സ്ത്രീകളില്‍ എപ്പോഴും ഹൃദയാഘാതത്തിന്റെ പ്രധാന ലക്ഷണമായ നെഞ്ചുവേദന അനുഭവപ്പെട്ടെന്നു വരില്ല. നെഞ്ചുവേദനക്കുപകരം നെഞ്ചെരിച്ചില്‍, ശ്വാസതടസം, ഗ്യാസ്ട്രബിള്‍, തലകറക്കം, ഏമ്പക്കം, മനം പുരട്ടല്‍ തുടങ്ങി മറ്റു ചില ലക്ഷണങ്ങളാണ് സ്ത്രീകളില്‍ കാണുക.
ഇവയെല്ലാം ഹൃദ്രോഗവുമായി ബന്ധപ്പെട്ടതല്ലെന്നു കരുതി സാധാരണ വൈദ്യസഹായം തേടാറില്ല. നെഞ്ചുവേദന ഉണ്ടായാല്‍ പോലും സ്ത്രീകളാണെങ്കില്‍ അതിനെ സാരമാക്കാറില്ല. സ്ത്രീകള്‍ മറ്റൊരു കാര്യത്തില്‍ കൂടി നിര്‍ഭാഗ്യവതികളാണ്. ഹൃദ്രോഗനിര്‍ണയത്തിനുപയോഗിക്കുന്ന പല പരിശോധനാ മാര്‍ഗങ്ങളും അവരുടെ കാര്യത്തില്‍ വേണ്ടത്ര ഫലപ്രദമാകുന്നില്ല എന്നതാണത്. ഇ.സി.ജി ടെസ്റ്റിന്റെ ഫലം സ്ത്രീകളിൽ പലപ്പോഴും കൃത്യമായി നിർണയിക്കാൻ പറ്റാറില്ല എന്നതും മറ്റൊരു ന്യുനതയാണ് . എന്നാൽ ഇലക്ട്രോ മാപ്പ് സംവിധാനം വഴി ഹൃദയത്തിന്റെ തലത്തിലുണ്ടാകുന്ന ചെറിയ മാറ്റം പോലും രേഖപ്പെടുത്താം എന്നത് പ്രതീക്ഷക്ക് വഴി നൽകുന്നു
https://www.facebook.com/Malayalivartha
