അമിതവണ്ണമുള്ളവര്‍ ദിവസവും 10 ഗ്രാം മാമ്പഴം വീതം കഴിക്കുന്നത് പ്രമേഹം നിയന്ത്രിക്കാന്‍ സഹായിക്കുമെന്ന് പുതിയ പഠനം. ദിവസവും മാമ്പഴം കഴിക്കുന്നത് പ്രമേഹം തടയുക മാത്രമല്ല, ശരീരഭാരം വര്‍ദ്ധിക്കാതിരിക്കാന്‍ സഹായിക്കുമെന്നും പഠനത്തില്‍ കണ്ടെത്തിയിട്ടുണ്ട്.
മാമ്പഴത്തില്‍ അടങ്ങിയിരിക്കുന്ന മാങ്കിഫെറിനും ബയോആക്ടീവ് കോംപൗണ്ട്‌സുമാണ് പ്രമേഹത്തെ തടയുന്നത്. മാമ്പഴത്തില്‍ അടങ്ങിയിരിക്കുന്ന ഫൈബര്‍, രക്തത്തിലെ ഗ്ലൂക്കോസിന്റെ അളവ് കുറയ്ക്കുകയും ചെയ്യുന്നു.
20നും 50നും ഇടയ്ക്ക് പ്രായമുള്ള 20 പേരില്‍ രണ്ടാഴ്ച കൊണ്ട് നടത്തിയ പരീക്ഷണത്തിലാണ് ഇക്കാര്യം വ്യക്തമായത്. കൃത്യമായ അളവില്‍ ഫ്രീസ് ഡ്രൈഡ് (Freez dried) മാമ്പഴം കഴിച്ച പുരുഷന്മാരിലും സ്ത്രീകളിലും ഗ്ലൂക്കോസിന്റെ അളവ് കുറഞ്ഞതായി ശ്രദ്ധയില്‍പ്പെട്ടു. അതേസമയം, ഇവരുടെ ശരീരഭാരത്തില്‍ യാതൊരു മാറ്റവും സംഭിവിച്ചിരുന്നില്ലെന്നും പഠനത്തില്‍ പറയുന്നു.