പ്രമേഹബാധിതർ വണ്ണം കൂടിയാലും കുറഞ്ഞാലും അപകടം ....ഈ കാര്യങ്ങൾ ശ്രദ്ധിക്കൂ
പ്രമേഹബാധിതരായ വണ്ണമുളളവർ വണ്ണം കുറയ്ക്കണം. വണ്ണം കുറയുമ്പോൾ തന്നെ ഇൻസുലിന്റെ അളവും മരുന്നിന്റെ ഡോസേജും കുറയ്ക്കാനാകും. വണ്ണം കുറവുളളവർ അതു കൂട്ടേണ്ടതുണ്ട്. നോർമൽ വണ്ണം ഉളളവർ അതു നിലനിർത്തണം. ചിലതരം പ്രമേഹമുളളവർ തീരെ മെലിഞ്ഞുപോകും. അവർ വണ്ണംകൂട്ടി നോർമൽ ശരീരഭാരത്തിലേക്ക് എത്തേണ്ടതുണ്ട്.
പ്രമേഹം ഉണ്ടെന്നു കണ്ടെത്തിയാൽ ഭക്ഷണരീതികളിൽ കാര്യമായ മാറ്റം വേണ്ടിവരില്ല. കഴിക്കുന്ന അളവിലാണ് കാര്യം. പ്രമേഹം വന്നുകഴിഞ്ഞാൽ ഭക്ഷണപദാർഥങ്ങളുെട അനുപാതം മാത്രമെ മാറ്റേണ്ടതുള്ളൂ. ഉദാഹരണത്തിനു വീട്ടിൽ ചോറും അവിയലും ഉണ്ടെങ്കിൽ ചോറിന്റെ അളവു പോലെ അവിയലും അവിയൽ എടുക്കുന്ന അളവിൽ ചോറും എടുക്കുക . കുറച്ചു ചോറും അതിനേക്കാൾ കൂടുതൽ പച്ചക്കറികളും കഴിക്കാൻ ശ്രദ്ധിക്കച്ചാൽ പ്രമേഹത്തെ വരുതിയിൽ നിർത്താവുന്നതേ ഉള്ളൂ
പ്രമേഹമുണ്ടെന്നുകരുതി ആഘോഷങ്ങൾക്കും കുറവ് വരുത്തേണ്ടതില്ല. ഒരു മോഹത്തിന് ഇത്തിരി പായസം കഴിച്ചെന്നുകരുതി ഷുഗർ ലെവൽ അധികമാകില്ല. രാവിലത്തെ ഭക്ഷണവും രാത്രിയിലെ ഭക്ഷണവും നിയന്ത്രിച്ചാൽ മതി. ഉച്ചക്ക് പായസം കഴിച്ചെങ്കിലും രാത്രി ഭക്ഷണം സൂപ്പിൽ ഒതുക്കുന്നത് നല്ലതാണ്
അത് പോലെ തന്നെ ഇൻസുലിൻ എടുക്കുന്നവരാണെങ്കിൽ ശേഷം ആഹാരം കഴിക്കണം.. ചപ്പാത്തി 2- 3 എണ്ണം കഴിക്കാം. വണ്ണം കൂടുതലുളള പ്രമേഹബാധിതർക്ക് ഇഡ്ഡലി രണ്ടെണ്ണവും വണ്ണം കുറവുളള പ്രമേഹബാധിതർക്കു മൂന്നെണ്ണവും കഴിക്കാം. ഇൻസുലിൻ എടുക്കുന്ന രോഗിയാണെങ്കിൽ അതിന്റെ ഡോസേജ് അനുസരിച്ചു ഭക്ഷണം കഴിക്കണം. ഇൻസുലിൻ എടുത്തശേഷം ഭക്ഷണം കഴിച്ചില്ലെങ്കിൽ തലചുറ്റൽ അനുഭവപ്പെടാനിടയുണ്ട്. കണ്സൾട്ടിംഗ് ഡോക്ടറുടെ നിർദേശമനുസരിച്ച് ആഹാരക്രമം സ്വീകരിക്കാവുന്നതാണ്.
പ്രമേഹചികിത്സ എന്നാല് ഗുളികകളും ഇന്സുലിന് ഇന്ജക്ഷനും ഉപയോഗിച്ചുള്ള ചികിത്സ മാത്രമല്ല. പ്രമേഹചികിത്സയ്ക്ക് പ്രധാനമായും ഇനി പറയുന്ന ലക്ഷ്യങ്ങളാണുള്ളത് .
1. അമിതഭാരം ഉണ്ടെങ്കില് കുറയ്ക്കണം. 2. രക്തത്തിലെ പഞ്ചസാര കൂടുതലാണെങ്കില് അത് നിയന്ത്രണവിധേയമാക്കണം. 3. രക്തത്തിലെ കൊഴുപ്പ് കൂടുതലാണെങ്കില് അത് നിയന്ത്രണവിധേയമാക്കണം. 4. രക്തസമ്മര്ദം അല്പമെങ്കിലും കൂടുതലുണ്ട് എങ്കില് അതും നിയന്ത്രണവിധേയമാക്കണം.......
പ്രമേഹത്തിന്റെ പ്രാരംഭ ഘട്ടങ്ങളില് ഏറ്റവും ഫലപ്രദമായ ചികിത്സ നിത്യേന 30 മിനിറ്റ് വ്യായാമമാണ്. അതോടൊപ്പം ഭക്ഷണത്തിലെ മധുരവും കൊഴുപ്പും നന്നേ ഒഴിവാക്കണം ..പ്രമേഹ പ്രാരംഭാവസ്ഥയിലുള്ള പല രോഗികള്ക്കും രക്തത്തിലെ പഞ്ചസാരയ്ക്കു പലപ്പോഴും മരുന്ന് വേണ്ടിവരുന്നില്ല.....പ്രമേഹ ചികിത്സ തുടങ്ങുമ്പോള് മരുന്നുകള് എന്താകണം എന്നു തീരുമാനിക്കേണ്ടത് പ്രമേഹം ചികിത്സിക്കുന്ന ഡോക്ടറും ഡയറ്റീഷ്യനും ആണ് . കൃത്യമായി മരുന്ന് കഴിക്കുകയും ആഹാരത്തിൽ നിയന്ത്രണവും വ്യായാമവും ഉണ്ടെങ്കിൽ പ്രമേഹത്തെ പേടിക്കേണ്ടതില്ല
https://www.facebook.com/Malayalivartha