വിളര്ച്ച തടയുന്നതിനുള്ള പരിഹാരങ്ങള്
നവജാതശിശുക്കളിലുള്പ്പെടെ ഏതു പ്രായത്തിലുള്ളവര്ക്കും വിളര്ച്ചയുണ്ടാകാം. ക്ഷീണമോ തളര്ച്ചയോ തലചുറ്റലോ കൈകാല്മുട്ട് വേദനയോ ഉണ്ടായാല് അത് വിളര്ച്ചയുടെ ലക്ഷണമാകാം.
വിളര്ച്ച എങ്ങനെ പരിഹരിക്കാമെന്നു നോക്കാം.
ഇരുമ്പ് അടങ്ങിയ ഭക്ഷണം കൂടുതലായി കഴിക്കുകയെന്നതാണു വിളര്ച്ച തടയുന്നതിനുള്ള പരിഹാരം. എല്ലാ പരിപ്പ്, പയര് വര്ഗങ്ങളിലും ധാരാളം ഇരുമ്പ് അടങ്ങിയിട്ടുണ്ട്. കൂവരക്, റാഗി തുടങ്ങിയവ ഇരുമ്പിനാല് സമൃദ്ധമാണ്. കറിവേപ്പില, മല്ലിയില എന്നിവ ഉള്പ്പെടെ പച്ച നിറത്തിലുള്ള ഇലക്കറികള് വിളര്ച്ചയ്ക്ക് ഉത്തമമാണ്. ചീര, കാബേജ് തുടങ്ങിയവയും ഇരുമ്പിന്റെ ഉറവിടമാണ്. പച്ചക്കറികളില് നിന്നു മുപ്പതു ശതമാനം ഇരുമ്പ് മാത്രമേ ശരീരം ആഗിരണം ചെയ്യുന്നുള്ളൂ.
ഇറച്ചി, മുട്ട തുടങ്ങിയവയില് നിന്നാണു കൂടുതല് ഇരുമ്പ് ലഭിക്കുക. എല്ല് പൊടിച്ച് ചേര്ത്ത ആട്ടിന് സൂപ്പ്, ഇറച്ചി എന്നിവയില് നിന്നു ധാരാളം ഇരുമ്പ് ലഭിക്കും. എള്ള്, നിലക്കടല, ഈന്തപ്പഴം നെല്ലിക്ക തുടങ്ങിയവ ഉത്തമമാണ്. ഇരുമ്പ് അടങ്ങിയ ഭക്ഷണം കഴിച്ചാല് മാത്രം അവ ആഗിരണം ചെയ്യപ്പെടണമെന്നില്ല. സാലഡ് ഉണ്ടാക്കുമ്പോള് നാരങ്ങാനീര് ഒഴിക്കുന്നത് ഇരുമ്പ് ആഗിരണം ചെയ്യാന് സഹായിക്കും. നാരങ്ങാവെള്ളം ഇടയ്ക്കിടെ കുടിക്കുന്നത് ഉത്തമമാണ്.
ഒഴിവാക്കേണ്ടവ- കാപ്പി, ചായ തുടങ്ങിയവ പലഹാരങ്ങളോടൊപ്പം കഴിക്കുന്നത് ഇരുമ്പിന്റെ ആഗിരണത്തെ തടസപ്പെടുത്തും.
https://www.facebook.com/Malayalivartha
