തൈറോയ്‌ഡിന്‌ പരിഹാരം
തൈറോയ്‌ഡ്‌ ഗ്രന്ഥിയുടെ പ്രവര്‍ത്തനത്തിലെ തകരാറാണു തൈറോയ്‌ഡ്‌ രോഗങ്ങള്‍ക്കു കാരണം. ചൂട്‌ താങ്ങാനാവാതെ വരിക, ശരീരം മെലിയുക, മുടികൊഴിച്ചില്‍ തുടങ്ങിയവ ഹൈപ്പര്‍ തൈറോയ്‌ഡിസത്തിന്റെ ലക്ഷണമാണ്‌. ക്ഷീണം, അമിതവണ്ണം, തുടങ്ങിയവയാണു ഹൈപ്പോ തൈറോയ്‌ഡിസത്തിന്റെ ലക്ഷണങ്ങള്‍.
കഴിക്കേണ്ടവ-അയല, മത്തി, ഫ്‌ളാക്‌സ്‌ സീഡ്‌ തുടങ്ങിയവ ധാരാളം കഴിക്കണം. ബാര്‍ലി, ഓട്‌സ്‌, ഗോതമ്പ്‌, സോയാബീന്‍സ്‌ എന്നിവ മിതമായി ഉപയോഗിക്കുന്നതാണു നല്ലത്‌. അയഡിന്റെ അഭാവമാണു തൈറോയ്‌ഡ്‌ വിഭാഗത്തില്‍പ്പെടുന്ന ഗോയിറ്ററിനു കാരണം. ഭക്ഷണത്തില്‍ അയഡിന്‍ ചേര്‍ത്ത ഉപ്പ്‌ ഉപയോഗിക്കുന്നത്‌ ഈ കുറവ്‌ പരിഹരിക്കാന്‍ സഹായിക്കും.
ഒഴിവാക്കേണ്ടവ- ബ്രോക്കോളി, കാബേജ്‌, കോളിഫ്‌ളവര്‍, റാഡിഷ്‌, സ്വീറ്റ്‌ പൊട്ടറ്റോ എന്നിവ അയഡിന്റെ ആഗീരണത്തെ തടയുമെന്നാണു കരുതപ്പെടുന്നത്‌. തൈറോയ്‌ഡ്‌ രോഗമുള്ളവര്‍ പ്രത്യേകിച്ചും തൈറോയ്‌ഡ്‌ ശസ്‌ത്രക്രിയ ചെയ്‌തവര്‍ ഈ പച്ചക്കറികളുടെ ഉപയോഗം പരമാവധി കുറയ്‌ക്കുന്നതാണ്‌ ഉത്തമം. കപ്പയില്‍ അടങ്ങിയ തയോസൈമേറ്റ്‌ അയഡിന്റെ ആഗിരണം തടയും. കപ്പ കൂടുതല്‍ നേരം വെള്ളത്തിലിട്ട്‌ വേവിച്ച്‌ വെള്ളം ഊറ്റിയെടുത്ത ശേഷം കഴിക്കുക
https://www.facebook.com/Malayalivartha
