ദിവസം മുഴുവന്‍ ശരീരത്തെയും മനസിനെയും ഉന്മേഷപ്രദമാക്കാന്‍ അതിരാവിലെ ഒരു ഗ്ലാസ് നാരങ്ങാവെള്ളം കുടിക്കുന്നത് വളരെ നല്ലതാണ്. കൂടാതെ കരളിനെ ഉത്തേജിപ്പിക്കാനും ശുദ്ധീകരിക്കാനും നാരങ്ങാവെള്ളം വളരെ നല്ലതാണ്. നാരങ്ങാനീരിലടങ്ങിയിരിക്കുന്ന ദഹന സഹായികളായ ആസിഡുകള്‍ ദഹന പ്രക്രിയയെ ത്വരിതപ്പെടുത്തുകയും ശാരീരികോന്മേഷം വര്‍ധിപ്പിക്കുകയും ചെയ്യുന്നു.
വിറ്റാമിന്‍ സി യുടെയും അസോര്‍ബിക് ആസിഡിന്റെയും കലവറയാണ് ചെറുനാരങ്ങ. വിറ്റാമിന്‍ സി ശരീരത്തിന് തണുപ്പ് നല്‍കുന്നു. അസോര്‍ബിക് ആസിഡ് ശരീരത്തിനാവശ്യമായ ഇരുമ്പ് സത്ത നിലനിര്‍ത്തുകയും പ്രതിരോധ ശേഷി വര്‍ധിപ്പിക്കുകയും ചെയ്യുന്നു.
ശരീരത്തിലെ പി എച്ച് സന്തുലിതമാക്കാന്‍ നാരങ്ങയുടെ അസിഡിക് സ്വഭാവം സഹായകമാകുന്നു. അമിത ഭക്ഷണമോ മദ്യപാനമോ കാരണമുണ്ടാകാറുള്ള ദഹന പ്രശ്‌നങ്ങളെ നിയന്ത്രിക്കാനുള്ള ശേഷി നാരങ്ങയ്ക്കുണ്ട്.
ശരീരത്തിനാവശ്യമായ ദ്രാവകങ്ങളുടേയും ടോക്‌സിനുകളുടേയും പ്രകൃതിദത്തമായ കലവറയാണ് നാരങ്ങ. നാരങ്ങയിലടങ്ങിയിരിക്കുന്ന സിട്രിക് ആസിഡ് ശരീരത്തിനാവശ്യമായ എന്‍സൈമുകളെ വികസിപ്പിച്ച് കരളിനെ ഉത്തേജിപ്പിക്കാനും സഹായിക്കുന്നു.
ശരീരത്തിനാവശ്യമായ ജലാംശം വര്‍ധിപ്പിക്കാനും രക്തത്തിനെ ഓക്‌സീകരിക്കാനും നാരങ്ങാവെള്ളത്തിന് നാരങ്ങയിലെ വിറ്റാമിന്‍ സി ത്വക്കിനെ ആരോഗ്യമുള്ളതാക്കാന്‍ സഹായിക്കുന്നു. അതുപോലെ നാരങ്ങയിലെ ആന്റി ഓക്‌സിഡന്റുകള്‍ ചര്‍മ്മത്തിന്റെ ഭംഗി വര്‍ധിപ്പിച്ച് പ്രായക്കുറവ് തോന്നിക്കുകയും ചെയ്യുന്നു.