ഇൻസ്റ്റാഗ്രാമിലെ ഈ താരം ചോദിക്കുന്നു, പ്രസവശേഷം തടികൂടുമെന്ന് ആര് പറഞ്ഞു? സംഗതി ശരിയാണ്. സിംഗപ്പൂരിലെ ഈ ഇരട്ടക്കുട്ടികളുടെ അമ്മ പ്രസവശേഷം വയർ കുറച്ച് അതിസുന്ദരിയായിരിക്കുകയാണ്. അത് വെറും മൂന്ന് ആഴ്ച കൊണ്ട്. സോണിയ ഡെവിസൺ സാഞ്ചെസ് എന്ന സുന്ദരിയാണ് പ്രസവിക്കുന്നതിന് മുൻപുള്ള ചിത്രവും അതിന് ശേഷം തന്റെ ഇരട്ടക്കുട്ടികളുമായി നിൽക്കുന്ന ചിത്രവും ഇൻസറ്റാഗ്രാമിൽ പോസ്റ്റ് ചെയ്തത്. ഇരും ചിത്രങ്ങളിലും സോണിയ ഒരേ ബിക്കിനി തന്നെയാണ് അണിഞ്ഞിരിക്കുന്നത്. സിംഗപ്പൂരിലെ ടെലിവിഷൻ അവതാരകയായ സോണിയ ഒരു വർഷം മുമ്പുള്ള തന്റെ ചിത്രങ്ങളും ഇപ്പോഴുള്ള ചിത്രങ്ങളും ഇൻസ്റ്റാഗ്രാമിൽ പോസ്റ്റ് ചെയ്ത് താരമായിരിക്കുകയാണ്. വയർ കുറച്ചു എന്ന് മാത്രമല്ല മസിലുകൾ റീഗെയ്ൻ ചെയ്ത് സൂപ്പർ മോഡലായിരിക്കുകയാണ് സോണിയ.

എങ്ങനെയാണ് ഇത്തരത്തിൽ താൻ പ്രസവശേഷം വണ്ണം വയ്ക്കാതിരുന്നതെന്നും മസിലുകൾ പൂർവാവസ്ഥയിലെത്തിയതെന്നും തന്റെ ആരാധകരോട് പങ്കുവച്ചിട്ടുമുണ്ട് സോണിയ. ഗർഭിണി ആകും മുമ്പ് തന്നെ തീവ്രമായ ഫിറ്റ്നസ് വ്യായാമ മുറകൾ സോണിയ പരിശീലിച്ചിരുന്നു. ഹൈ ഇന്റെൻസിറ്റി ഇന്റർവൽ ട്രെയ്നിങ് (എച്ച്ഐഐടി) ആണ് സോണിയ ഗർഭിണിയാകുന്നതിന് തൊട്ടുമുമ്പ് പിന്തുടർന്നിരുന്നത്. മാത്രമല്ല ഗർഭിണിയാകുമ്പോൾ ‘രണ്ട് പേർക്കുള്ളത് കഴിക്കണം’ എന്നുള്ള ഉപദേശങ്ങളൊന്നു താൻ ചെവിക്കൊണ്ടില്ല എന്നും സോണിയ പറയുന്നു.

പ്രസവശേഷം മൂന്ന് മാസം മുതൽ വീണ്ടും ചെറിയ രീതിയിൽ എച്ച്ഐഐടി ട്രെയ്നിങ് എടുത്തു തുടങ്ങി അങ്ങനെയാണ് തന്റെ മസിലുകളെല്ലാം പഴയത് പോലെയായതെന്ന് ഇവർ പറയുന്നു. വയർ കുറച്ചാലും സ്ട്രെച്ച് മാർക്കുകൾ അങ്ങനെ തന്നെ നിലനിർത്തിയിരിക്കുകയാണ് ഈ അമ്മ. തന്റെ പൊന്നോമനകളായ ട്രിസ്റ്റനും റെയ്ഡനും വേണ്ടി താൻ ഏറ്റ സഹനമാണതെന്നും അമ്മയെന്ന നിലയിൽ താൻ അഭിമാനിക്കുന്നുവെന്നും സോണിയ പറയുന്നു.