ചെറിയൊരു തലവേദന വന്നാല്‍ പോലും ഡോക്ടറോട് ചോദിക്കാതെ പാരസെറ്റാമോള്‍ വാങ്ങിക്കഴിക്കുന്നവരാണ് മലയാളികള്‍. ചിലര്‍ സ്ട്രിപ്പുകണക്കിന് വാങ്ങി ഫസ്റ്റ് എയ്ഡ് ബോക്‌സില്‍ സൂക്ഷിച്ചിട്ടുണ്ടാകും. മുന്നും പിന്നും നോക്കാതെയുള്ള പാരസൈറ്റാമോള്‍ ഉപയോഗം കടുത്ത ആരോഗ്യപ്രശ്‌നങ്ങളുണ്ടാക്കുമെന്നാണ് ഡോക്ടര്‍മാര്‍ മുന്നറിയിപ്പ് നല്‍കുന്നത്.

പാരസെറ്റാമോള്‍ ഉപയോഗം ഉണ്ടാക്കിയേക്കാവുന്ന അഞ്ച് അപകടങ്ങള്‍ ഇങ്ങനെ:

കരളിന് ദോഷം... 

പാരസെറ്റാമോള്‍ ഗുളികകളുടെ കവറില്‍തന്നെ അവ കരളിന് ദോഷകരമാണെന്ന് രേഖപ്പെടുത്താറുണ്ട്. മൂന്ന് ഗ്രാമിലേറെ പാരസെറ്റാമോള്‍ ശരീരത്തിലെത്തിയാല്‍ കരളിന്റെ പ്രവര്‍ത്തനത്തെ ബാധിക്കും. അപകടം ഒഴിവാക്കാന്‍ ഡോക്ടുടെ നിര്‍ദേശപ്രകാരം മാത്രം അതും നിര്‍ദേശിച്ച ഡോസില്‍ മാത്രമേ പാരസെറ്റാമോള്‍ കഴിക്കാവൂ.

ആമാശയ വീക്കം... 

പാരസെറ്റാമോളിറെ അളവുകൂടിയാല്‍ ദഹനക്കുറവിനും വയറുവീര്‍ക്കുന്നതിനും കാരണമായേക്കാം. ഇങ്ങനെ തോന്നുന്നുവെങ്കില്‍ ഉടന്‍ ഡോകടറെ കാണണം.

അലര്‍ജി... 

ശരീരത്തിലെ പലയിടത്തായി ചുവന്നുതുടുത്ത പാടുകളുണ്ടായേക്കാം.

ഉറക്കംതൂങ്ങല്‍... 

കരള്‍ അമിതാധ്വാനം ചെയ്യേണ്ടിവരുന്നതുകൊണ്ടുണ്ടാകുന്ന ക്ഷീണാവസ്ഥ, മറവി, അസ്വസ്ഥത തുടങ്ങിയവ ലക്ഷണങ്ങളും കണ്ടേക്കാം.

കരള്‍രോഗം... 

പാരസെറ്റാമോളിന്റെ അളവുവീണ്ടും കൂടിയാല്‍ കരളിന്റെ പ്രവര്‍ത്തനം പൂര്‍ണമായും നിലക്കുന്ന സ്ഥിതിവരാം. കരള്‍രോഗമുള്ളവര്‍ ഡോക്ടറുടെ നിര്‍ദേശമിലലാതെ ഒരു കാരണവശാലും പാരസെറ്റാമോള്‍ കഴിക്കരുത്. വൃക്കകേളയും തകരാറിലാക്കാന്‍ കൂടിയ അളവിലുള്ള പാരസെറ്റാമോളിന് കഴിയും.