മനം പോലെ മാംഗല്യം എന്നപോലെ തന്നെയാണ് ലൈംഗികതയും. ഇവിടെയും ആദ്യം അറിയേണ്ടത് മനസ്സാണ്.മനം നിറഞ്ഞ സെക്സ് എങ്കിൽ ദാമ്പത്യവും നീണ്ടു നിൽക്കും. ഒരു നോട്ടംകൊണ്ട് പോലും പങ്കാളിയുടെ മനസ്സ് തൊട്ടറിയാൻ കഴിഞ്ഞാൽ ദാമ്പത്യത്തിലും ജീവിതത്തിലും വിജയം ഉറപ്പ്. ശരീരവും മനസ്സും ചേര്‍ന്ന ഒരനുഭവലോകം തീർച്ചയായും സെക്സിൽ ഉണ്ടെന്ന സത്യം നിങ്ങൾ കണ്ടെത്തും.
മൈൻഡ് ഫുൾ സെക്സ് എന്ന് വിശേഷിപ്പിക്കപ്പെടുന്ന ആ അനുഭവത്തില്‍ നാം സ്വയം തിരിച്ചറിയുന്നു. ശരീര-വൈകാരിക സ്ഥിതികളെപ്പറ്റിയുള്ള അറിവാണത്. ഈ സ്വയം ബോധം നമ്മുടെ ലൈംഗികതയെ കൂടുതൽ ആസ്വാദ്യകരമാക്കാന്‍ സഹായിക്കുമെന്ന് ഗവേഷണങ്ങൾ ചൂണ്ടിക്കാണിക്കുന്നു. നമ്മുടെ ഉത്ക്കണ്ഠകളെ അകറ്റാനും മൂഡില്ലായ്മയെ മാച്ചുകളയാനും തെറ്റായ ധാരണകളെ ഇല്ലായ്മചെയ്യാനും ഈ സെൽഫ് അവേർനെസ്സ് സഹായിക്കുന്നു.

നമ്മുടെ സ്വന്തം വികാരനില അറിയുകയും അത് ശാരീരികമായി ഇണയിലേക്ക് പകരുകയും ചെയ്യുമ്പോൾ , ഇണയുടെ വികാര-ശാരീരിക നിലകളുമായി ഒരു ആത്മബന്ധം അനുഭവപ്പെടും. നമ്മുടെ ഉള്ളില്‍ നിന്നുള്ള ഒരു കമ്മ്യൂണിക്കേഷനായി ലൈഗികത മാറണം. കാമസൂത്രത്തിലും ബൌദ്ധ, താവോയിസ്റ്റ് സെക്സ് മാനുവലുകളിൽ ഇതിനെ വിശദീകരിക്കുന്നുണ്ട്.
ശരീരത്തില്‍ നിന്ന് മനസ്സിലേക്കുള്ള ഈ മാറ്റം, ലൈംഗികാനുഭൂതിയുടെ സജീവ സാന്നിധ്യത്തെ, തൊട്ടറിഞ്ഞ് കൊണ്ടുള്ളതാകണമെന്ന് അവ ആവർത്തിച്ചുപറയുന്നു.

സ്വാഭാവികമായി ഈ ഉന്നത തലത്തിലേക്കെത്തുകയെന്നത് കേവലം ശാരീരികതയിൽ മാത്രം മുങ്ങിയ ഒരവസ്ഥയിൽ വളരെ ദുഷ്കരമാണ്. ‘അറിവുകൾ കൊണ്ടും അജ്ഞതകൾ കൊണ്ടും’ നിറഞ്ഞതാണ് നമ്മുടെ കാഴ്ച്ചപ്പാടുകൾ. വികസിതമാകേണ്ട ലൈംഗിക ഭാവനകൾ മിക്കപ്പോഴും
പോർണോഗ്രഫി പോലുള്ള തലങ്ങളിൽ കുടുങ്ങിക്കിടക്കുന്നു. ലൈംഗികതയെ കൂടുതൽ മാനസിക സംഘർഷത്തിലേക്കും അമിതോത്ക്കണ്ഠയിലേക്കും വഴിതെറ്റിക്കുന്നത് ഇത്തരം കാര്യങ്ങളാണ്

മനസ്സിനെ അറിയുന്നത് ലൈംഗികതയുടെ വ്യാപ്തി വർദ്ധിപ്പിക്കുന്നു. ഉത്ക്കണ്ഠകളിൽ നിന്നും ഭയങ്ങളിൽ നിന്നും തെറ്റായ മാനസിക വിക്ഷേപങ്ങളിൽ നിന്നും അകന്ന് നില്‍ക്കല്‍ എന്തുകൊണ്ടും ലൈംഗികതയിലും സുപ്രധാനമാണ്.

വികാരങ്ങളെ ശത്രുക്കളായി കണ്ടുകൊണ്ടല്ല ലൈംഗികത പ്രവർത്തിക്കേണ്ടത്. എല്ലാ വികാരങ്ങളും നമ്മളില്‍ ഉള്ളവ തന്നെയാണ്. എന്നാൽ ഇവയിൽ നിന്ന് സ്നേഹം, ആനന്ദം തുടങ്ങിയ ഘടകങ്ങളെ മുന്നിലേക്ക് കൊണ്ടുവരിക. കോപം, വിഷാദം, മടുപ്പ് തുടങ്ങിയ നെഗറ്റീവ് പ്രവണതകളാണ് ലൈംഗികതക്ക് വിലങ്ങുതടിയാകുന്നത്. അവയെ ആട്ടിപ്പായിക്കുകയും ഇണകൾ തമ്മിൽ എല്ലാം പകരാൻ തയ്യാറാവുകയും ചെയ്യുക. ഉടലിന്‍റെയെന്നപോലെ മനസ്സിന്‍റെ ഈ ഒട്ടിച്ചേരലാണ് നാം സൃഷ്ടിക്കേണ്ടത്.

ഒരിക്കലും ഏകാന്തമായൊരു യാത്രയല്ല ലൈംഗികത. പരസ്പരം ഒഴുകിച്ചേരുന്ന ഈ അനുഭവതലം കിട്ടിയാൽ നിങ്ങൾ വിജയിച്ചു.

ചിട്ടയോടെയുള്ള ഒരു സെൽഫ് അച്ചടക്കമാണ് നിങ്ങളെ ഉദാത്തമായ സെക്സിലേക്ക് നയിക്കുന്നത്. ക്രമേണ ഈ പ്രക്രിയകൾ സ്വമേധയാ നിങ്ങളുടെ കൂടെ വരും. നിങ്ങളുടെ പൂർണ മനസ്സ് രതിസന്നദ്ധമാകും. ഒരു ലവ് മേക്കിംഗ് മെഡിറ്റേഷൻ എന്നൊക്കെ വിശേഷിപ്പിക്കാവുന്ന രീതിയിൽ കേവല സുഖത്തിൽ നിന്ന് ലൈഗിക സുഖത്തിലേക്കുള്ള ഒരു യാത്ര അവിടെ സംഭവിക്കുന്നു. ഇരുവരുടേയും വികാരങ്ങൾ പരസ്പരം കമ്മ്യൂണിക്കേറ്റ് ചെയ്തുകൊണ്ടിരിക്കുന്നു. മസ്തിഷ് കത്തിലെ സെൽഫ് അവേർനെസ്സിന്റെ കേന്ദ്രമായ’ ഇൻസുല’( insula) കൂടുതൽ ആക്റ്റിവേറ്റഡ് ആകുന്നു. കൂടുതൽ അടുക്കാന്‍ വേണ്ടി മനസ്സും ബോധവും തുടിച്ച് തുടങ്ങുന്നു. ഇണകളിൽ ഫീഡ് ബാക്കുകൾ കൂടുതൽ സജീവമാകുന്നു. ഒരു തെറാപ്പിയിൽ എന്ന പോലെ ഇണകൾ കൂടുതൽ ഉണർന്ന് പ്രവർത്തിക്കുന്നു. ബാഹ്യലീലകളുടെയും സൂക്ഷ്മസ്പർശങ്ങളുടേയും പുത്തൻ മേഖലകളിലേക്ക് ഉടൽ പ്രവേശിക്കുന്നത് സെക്സിനെ ഒരു പുതിയ അനുഭവമാക്കിത്തീർക്കുന്നു. സ്പർശങ്ങളുടെ മാർദവവും ഊഷ്മളതയും ഇരട്ടിക്കുന്നു. ഇണയുടെ ഉടലും മനസ്സും എങ്ങനെ ഉത്തേജിതമായിക്കൊണ്ടിരിക്കുന്നുവെന്ന് ഓരോ നിമിഷവും നിങ്ങൾക്ക് അറിവുലഭിക്കുന്നു. സ്നേഹനിർഭരമായ ‘ ഐ കോണ്ടാക്റ്റുകൾ‘ ഈ ബോധനിലയെ പരസ്പരം പങ്കുവെക്കാൻ അത്യന്താപേക്ഷിതമാണ്. എന്നാൽ ഇതെല്ലാം ഒരു സ്വാഭാവികപ്രക്രിയയുടെ ഭാഗമാവുകയെന്നതാണ് സുപ്രധാനം.

മനസ്സിന്‍റെ ഭാവനാ തലങ്ങളെയും അനുഭൂതി മേഖലകളെയും കൂടുതൽ പങ്കെടിപ്പിച്ചുകൊണ്ടുള്ള ലൈംഗികത ഒരനുഭവമാക്കി മാറ്റാം.