പുരുഷനും സ്ത്രീയും ജനിതക പരമായി വ്യത്യസ്തതകൾ ഉള്ളവരാണ്. സെക്സിന്റെ കാര്യത്തിലും അങ്ങിനെതന്നെ. സെക്സ് അവൾക്ക് ജീവിതത്തിന്റെ ഒരു ഭാഗമാണ്. പക്ഷെ യാന്ത്രികമായി അത് ആസ്വദിക്കാൻ അവൾക്കാവില്ല.

സ്ത്രീ സെക്സിനെ ജീവിതത്തിലെ മറ്റെല്ലാ കാര്യങ്ങളെയും പോലെതന്നെ പരിഗണിക്കുന്നു. പുരുഷന്‍ അങ്ങനെയല്ല. മറ്റു തലവേദനകളില്‍ നിന്ന് മാറിനിൽക്കുമ്പോൾ ആനന്ദിക്കാന്‍ വേണ്ടിയാണ് അവന്‍ സെക്സില്‍ മുഴുകുന്നത്. അതിനാല്‍ തന്നെ പുരുഷന് പകല്‍ എന്തുതരം പ്രശ്നങ്ങളെ നേരിടേണ്ടിവന്നാലും രാത്രി രതിയില്‍ ഏര്‍പ്പെടാനാവും. പക്ഷേ, സ്ത്രീക്ക് അങ്ങനെയല്ല. പകല്‍ അവള്‍ നേരിട്ട പ്രശ്നങ്ങളും കേട്ട ചീത്തവാക്കുകളും വഴക്കുമെല്ലാം അവളുടെ മനസ്സില്‍ കിടന്നുകളിക്കും. പകല്‍ നല്ല പ്രശാന്തമായ മനസ്സുമായി ഇരുന്ന സ്ത്രീയ്ക്കുമാത്രമേ നല്ല രതിയിലും ഏര്‍പ്പെടാനാകൂ. കുറ്റപ്പെടുത്തുന്ന രീതിയില്‍ പങ്കാളി നടത്തുന്ന ഒരു നോട്ടംപോലും അവളെ ഏറെ നേരം അലോസരപ്പെടുത്തും.

പുരുഷന്മാരിലെ ഉദ്ധാരണക്കുറവ്,ശീഘ്രസ്ഖലനം ,എന്നിവയും കിടപ്പറയിലെ വില്ലന്മാരാണ്. വേദനയോടെയുള്ള ലൈംഗികതയും തങ്ങളുടെ താല്‍പര്യങ്ങള്‍ തീരെ കണക്കിലെടുക്കാതെ മുന്നേറുന്ന പുരുഷന്മാരിലും സ്ത്രീകള്‍ അസംതൃപ്തരായിരിയ്ക്കും

സ്ത്രീകള്‍ക്ക് പൊതുവെ ഓര്‍ഗാസമുണ്ടാകാന്‍ എളുപ്പമല്ല. എന്നാല്‍ തുടര്‍ച്ചയായി ഇതു സംഭവിയ്ക്കുമ്പോള്‍, തന്റെ സുഖത്തില്‍ പുരുഷന്‍ സെക്‌സ് അവസാനിപ്പിയ്ക്കുമ്പോള്‍, പല സ്ത്രീകളും കിടക്കയില്‍ പൂര്‍ണമായും അസംതൃപ്തരാകും.

ഫോര്‍പ്ലേ സെക്‌സില്‍ പ്രധാനം. പ്രത്യേകിച്ചു സ്ത്രീകള്‍ക്ക്. ഫോര്‍പ്ലേ മാത്രമല്ല, സെക്‌സിനു ശേഷവും ലാളന കൊതിയ്ക്കുന്ന പ്രകൃതമാണ്, സ്ത്രീകളുടേത്. ഇതില്‍ ശ്രദ്ധിയ്ക്കാത്ത പുരുഷനും കിടക്കയില്‍ സ്ത്രീയെ തൃപ്തരാക്കുന്ന ഗണത്തില്‍ പെടില്ല.

ഭാര്യയെ സ്നേഹിക്കുന്ന ഭര്‍ത്താവിന് മാത്രമേ അവള്‍ക്ക് ജീവിതത്തിലും രതിയിലും ആനന്ദം നല്‍കാനാവൂ. അത്തരം ക്ളൈമാക്സുകള്‍ എല്ലായ്പോഴും സംഭവിച്ചില്ലെങ്കിലും സ്ത്രീ പരിഭവം പറയില്ല, നിങ്ങള്‍ സ്നേഹത്തോടെയാണ് അവളോട് പെരുമാറുന്നതെങ്കില്‍.

സെക്സല്ല, മറിച്ച്‌ റൊമാന്‍സാണ് പെണ്ണുങ്ങള്‍ ഏറെ ഇഷ്ടപ്പെടുന്നതെന്ന് അറിയുക. റൊമാന്‍സാണ് അവളെ രതിയിലേക്ക് നയിക്കുന്നത്. തൊടുന്നതും തലോടുന്നതും ഉമ്മകൊടുക്കുന്നതും ഇക്കിളികൂട്ടുന്നതുമെല്ലാമാണ് സ്ത്രീ സെക്സിനേക്കാളും ഇഷ്ടപ്പെടുന്നത്. പക്ഷേ, ഇതൊന്നുമില്ലാതെ നേരിട്ട് സെക്സ് എന്ന കര്‍ത്തവ്യത്തിലേക്ക് കടക്കുന്നവരാണ് ഭൂരിഭാഗം പുരുഷന്മാരും. ഇതാണ് പലപ്പോഴും സ്ത്രീകളില്‍ ലൈംഗിക മരവിപ്പിന് വരെ കാരണമാകുന്നതെന്നും മനഃശ്ശാസ്ത്രജ്ഞര്‍ വിലയിരുത്തുന്നു.

രതിപൂര്‍വ കേളികള്‍പോലെ തന്നെ പ്രധാനമാണ് സംയോഗത്തിന് ശേഷമുള്ള സംഭാഷണങ്ങളും സ്പര്‍ശനങ്ങളുമെല്ലാം. രതിക്കു ശേഷവും അവള്‍ ആഗ്രഹിക്കുന്ന സ്പര്‍ശനങ്ങളും മധുരവാക്കുകളും പറഞ്ഞാൽ മാത്രമേ ഭാര്യയെ തൃപ്തിപ്പെടുത്താനും സന്തുഷ്ട ദാമ്പത്യം നയിക്കാനും കഴിയൂ എന്നാണ് സെക്സോളജിസ്റ്റുകള്‍ വിലയിരുത്തുന്നത്.