പ്രേമം ആദ്യം വിടരേണ്ടത് കണ്ണിലാണ്. അതിന്റെ പൂർണതയാകണം സെക്സ്.
സെക്സിനിടയില്‍ കണ്ണുകളില്‍ നോക്കാതിരിക്കുന്നത് അടുപ്പം തോന്നാനുള്ള ഒരവസരം ഇല്ലാതാക്കുകയാണ്. പങ്കാളിയുടെ കണ്ണിൽ നോക്കാത്തതിനർത്ഥം താൽപര്യക്കുറവോ പ്രണയമില്ലായ്മയോ ആയി തോന്നാൻ ഇടയുണ്ട്. എന്നാൽ കണ്ണിലേക്കു നോക്കിയാൽ മിഴികൾ പറയും നിങ്ങൾക്ക് പങ്കാളിയോടുള്ള പ്രേമം. നിങ്ങളുടെ വിശ്വാസവും സ്നേഹവും പ്രതിഫലിക്കുന്ന ഒരു നോട്ടം മതി സെക്സ് ആസ്വാദ്യകരമാകാൻ.

പരസ്പരം വികാരങ്ങള്‍ മനസിലാക്കാനുള്ള, ആഗ്രഹങ്ങളും സ്‌നേഹവുമെല്ലാം പ്രകടിപ്പിയ്ക്കാനുള്ള ഒരു വഴി കൂടിയാണ് ഇത്.പുരുഷന്മാർ പൊതുവെ പങ്കാളിയെ നോക്കാറുണ്ട്. എന്നാൽ അവളുടെ കണ്ണിലേക്കു നോക്കി അവളോടുള്ള സ്നേഹം പ്രകടിപ്പിക്കാൻ കഴിയണമെങ്കിൽ അവൾ അവനു അത്രമേൽ പ്രിയപ്പെട്ടവളാകണം. അപ്പോൾ അവളിൽ പ്രണയം നിറക്കാൻ ഇനി അവളുടെ കണ്ണിലേക്ക് നോക്കൂ..അവളിൽ സെക്‌സ് വികാരങ്ങള്‍ മൂര്‍ദ്ധന്യത്തിലെത്തുന്നത് അനുഭവിച്ചറിയാം.

പങ്കാളികള്‍ക്കു പരസ്പരം മനസു വായിക്കാന്‍ കണ്ണിൽ നോക്കുന്നതിലൂടെ കഴിയും.മാനസിക അടുപ്പം വര്‍ദ്ധിപ്പിക്കാനും സെക്സ് സമയത്ത് കണ്ണിൽ നോക്കുന്നതിലൂടെ സാധിക്കും.

പക്ഷെ എല്ലാവർക്കും ഇത് സാധിക്കണമെന്നില്ല. സാധാരണ പുരുഷന്മാരാണ് കണ്ണിൽ നോക്കുന്നതിൽ പുറകോട്ട് .അവനിലുള്ള ഹോർമോൺ പ്രവർത്തനങ്ങളാണ് ഇതിനു പിന്നിൽ. അതുകൊണ്ടു തന്നെ സെക്സ് സമയത്ത് കണ്ണിൽ നോക്കാതിരിക്കാനാണ് പല പുരുഷന്മാരും ഇഷ്ടപ്പെടുന്നത്. എന്നാൽ സ്ത്രീകൾ നേരെ തിരിച്ചതാണ്. സെക്സ് സമയത്തു തന്റെ പുരുഷന്റെ കണ്ണിലെ പ്രണയം തിരയാത്ത സ്ത്രീകൾ ഉണ്ടാകില്ല. കണ്ണിൽ കണ്ണിൽ നോക്കുമ്പോൾ സ്ത്രീ അവനിൽ സുരക്ഷിതത്വം കാണുന്നുണ്ട്.

ചില കാര്യങ്ങൾ ശ്രദ്ധിച്ചാൽ പുരുഷന്മാർക്കും ഇത് സ്വായത്തമാക്കാവുന്നതേ ഉള്ളൂ . അവൾക്ക് നിങ്ങളോടുള്ള താൽപ്പര്യം, നിങ്ങളുടെ ഓരോ കുഞ്ഞു കാര്യങ്ങളിലും അവൾ കാണിക്കുന്ന ശ്രദ്ധ, മുതിർന്നവരോടും നിങ്ങളുടെ ബന്ധുക്കളോടും അവൾ കാണിക്കുന്ന അടുപ്പം ,എന്നിവയെല്ലാം സെക്സ് സമയത്തു ഓർത്ത് നോക്കി അവളുടെ കണ്ണിലേക്കൊന്നു നോക്കൂ. അവൾ എത്ര സുന്ദരിയാണെന്നും നിങ്ങൾക്ക് അവളെ എന്തിഷ്ടമാണെന്നും പറയാതിരിക്കാൻ നിങ്ങൾക്കാവില്ല ..ഇത് അവളെ നിങ്ങളിലേക്ക് കൂടുതൽ അടുപ്പിക്കും.

ഓഫീസിലും ചുറ്റുപാടും ധാരാളം സുന്ദരിയായ സ്ത്രീകളെ കാണുന്നവരായിരിക്കാം നിങ്ങൾ .എന്നാൽ നിങ്ങളുടെ പങ്കാളിയിലുള്ള സൗന്ദര്യം കാണാൻ ശ്രമിക്കൂ.അതവളുടെ കണ്ണിൽ നോക്കി പറയൂ ..
ഓരോ സെക്സിലും വ്യത്യസ്തത കൊണ്ടുവരാൻ ശ്രമിക്കുന്നതും സെക്സ് കൂടുതൽ ആസ്വാദ്യകരമാക്കും.