തിരുവനന്തപുരം വിമാനത്താവളം അദാനിക്ക് തന്നെ; സര്ക്കാരിന്റെ ഹര്ജി തള്ളി; സര്ക്കാരിനും പ്രതിപക്ഷത്തിനും തിരിച്ചടി; പൊതു താല്പര്യം മുന് നിര്ത്തിയാണ് വിമാനത്താവളങ്ങള് പാട്ടത്തിനു നല്കിയതെന്ന് കേന്ദ്ര സര്ക്കാര്
തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് തന്നെ. കേന്ദ്ര സര്ക്കാരിന്റെ നിലപാട് ചോദ്യം ചെയ്ത് സര്ക്കാര് നല്കിയ ഹര്ജി ഹൈക്കോടതി തള്ളി. ജസ്റ്റിസ് വിനോദ് ചന്ദ്രന് ജസ്റ്റിസ് സിഎസ് ഡയസ് എന്നിവര് ഉള്പ്പെട്ട ഡിവിഷന് ബെഞ്ചിന്റേതാണ് ഉത്തരവ്. സംസ്ഥാന സര്ക്കാരിനെ മറികടന്നു അദാനി ഗ്രൂപ്പിന് കരാര് നല്കിയതില് ക്രമക്കേട് ഉണ്ടെന്നായിരുന്നു സര്ക്കാര് വാദം. ലേല നടപടികള് സുതാര്യമല്ലെന്നും സര്ക്കാര് ആരോപിച്ചു.
എന്നാല് കേരളത്തിന്റെ ആരോപണങ്ങളില് കഴമ്പില്ലെന്നായിരുന്നു കോടതിയില് കേന്ദ്ര സര്ക്കാര് സ്വീകരിച്ച നിലപാട്. നേരത്തെ ലേലത്തില് പങ്കെടുക്കാന് പ്രത്യേക ഇളവുകളോടെ കേരളത്തിന് അനുമതി നല്കിയിരുന്നു. എന്നാല് ലേലത്തില് പരാജയപ്പെട്ട ശേഷം ഇത്തരം ഒരു ഹര്ജിയുമായി കോടതിയെ സമീപിക്കാന് കേരളത്തിന് അര്ഹത ഇല്ലെന്നും വിശാലമായ പൊതു താല്പര്യം മുന് നിര്ത്തിയാണ് വിമാനത്താവളങ്ങള് പാട്ടത്തിനു നല്കുന്നതെന്നും കേന്ദ്ര സര്ക്കാര് കോടതിയെ അറിയിച്ചു. അദാനി ഗ്രൂപ്പ് വിമാനത്താവളം ഏറ്റെടുക്കുന്നതിനെതിരെ നിയമസഭയില് സര്ക്കാരും പ്രതിപക്ഷവും ചേര്ന്നാണ് പ്രമേയം പാസാക്കിയത്. അതുകൊണ്ടു തന്നെ കോടതി വിധി പ്രതിപക്ഷത്തിനും സര്ക്കാരിനും തിരിച്ചടിയാണ്.
രാഷ്ട്രീയമായും നിയമപരമായും സംസ്ഥാന സര്ക്കാര് ഉയര്ത്തിയ കടുത്ത എതിര്പ്പുകളെ മറികടന്നാണ് തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് നല്കാന് തീരുമാനമായത്. രണ്ട് വര്ഷം മുന്പാണ് വിമാനത്താവള സ്വകാര്യവല്ക്കരണത്തിന് നീക്കം തുടങ്ങുന്നത്. അദാനിയെ ഏപിക്കുന്നതിനെതിരെ ശക്തമായ നിലപാടെടുത്ത മുഖ്യമന്ത്രി പ്രധാനമന്ത്രിയെ നേരിട്ട് കണ്ട് തീരുമാനത്തില് നിന്ന് പിന്വാങ്ങണമെന്നടക്കം ആവശ്യമുന്നയിച്ചിരുന്നു. വിമാനത്താവളസ്വകാര്യവല്ക്കരണത്തില് കോണ്ഗ്രസിനുള്ളിലും രണ്ട് അഭിപ്രായമുയര്ന്നിരുന്നു.
ഇതിനിടെ വിമാനത്താവള നടത്തിപ്പിനും തുടര് വികസനത്തിനും സര്ക്കാരിന്റെ പിന്തുണകത്ത് അഥവാ സ്റ്റേറ്റ് സപ്പോര്ട്ട് എഗ്രിമെന്റ് അനിവാര്യമാണ്. സ്വകാര്യവത്ക്കരണത്തെ ശക്തമായി എതിര്ക്കുന്ന സംസ്ഥാന സര്ക്കാര് പിന്തുണകത്ത് എന്ന ആയുദ്ധമാണ് അദാനിക്കെതിരെ പുറത്തെടുക്കാന് പോകുന്നത്. കോടതി ഉത്തരവ് എതിരായ സ്ഥിതിക്ക് ഈ ആയുധം എത്രയും വേഗം സംസ്ഥാന സര്ക്കാര് ഉപയോഗപ്പെടുത്തും. സര്ക്കാര് നിയമപോരാട്ടം തുടര്ന്നാലും ടെന്ഡര് റദ്ദാക്കാന് സാദ്ധ്യതയില്ലെന്നാണ് നിയമവിദഗ്ദ്ധര് പറയുന്നത്.
നേരത്തെ സര്ക്കാരിന് എതിരായിരുന്നു ഹൈക്കോടതി വിധി. കേരളത്തിന് പരിഗണന വേണമെന്ന വാദം അംഗീകരിക്കാന് സാദ്ധ്യമല്ലെന്ന് കോടതി നിരീക്ഷിച്ചു. ടെന്ഡര് നടപടിയുമായി സഹകരിച്ചശേഷം പിന്നീട് തെറ്റാണെന്ന് പറയുന്നത് ന്യായീകരിക്കാന് ആകില്ലെന്ന് കോടതി വ്യക്തമാക്കി. സംസ്ഥാന സര്ക്കാരിനെ മറികടന്ന് അദാനി ഗ്രൂപ്പിന് കരാര് നല്കിയതില് ക്രമക്കേട് ഉണ്ടെന്നായിരുന്നു സര്ക്കാര് വാദം. ലേല നടപടികള് സുതാര്യമല്ലെന്നും സര്ക്കാര് ആരോപിച്ചു. എന്നാല് കേരളത്തിന്റെ ആരോപണങ്ങളില് കഴമ്പില്ലെന്നായിരുന്നു കോടതിയില് കേന്ദ്ര സര്ക്കാര് സ്വീകരിച്ച നിലപാട്. നേരത്തെ ലേലത്തില് പങ്കെടുക്കാന് പ്രത്യേക ഇളവുകളോടെ കേരളത്തിന് അനുമതി നല്കിയിരുന്നു. എന്നാല് ലേലത്തില് പരാജയപ്പെട്ട ശേഷം ഇത്തരം ഒരു ഹര്ജിയുമായി കോടതിയെ സമീപിക്കാന് കേരളത്തിന് അര്ഹത ഇല്ലെന്നും വിശാലമായ പൊതു താത്പര്യം മുന് നിര്ത്തിയാണ് വിമാനത്താവളങ്ങള് പാട്ടത്തിനു നല്കുന്നതെന്നും കേന്ദ്ര സര്ക്കാര് കോടതിയെ അറിയിച്ചു. സംസ്ഥാന സര്ക്കാര് ഉയര്ത്തിയ എതിര്പ്പുകളെ മറികടന്നാണ് തിരുവനന്തപുരം വിമാനത്താവള നടത്തിപ്പ് അദാനി ഗ്രൂപ്പിന് നല്കാന് തീരുമാനമായത്. 2019 ഫെബ്രുവരിയില് നടത്തിയ ടെന്ഡറില് അദാനിയാണ് മുന്നിലെത്തിയത്. സര്ക്കാരിന് വേണ്ടി പങ്കെടുത്ത കെ.എസ്.ഐ.ഡിസി രണ്ടാമതായി.
https://www.facebook.com/Malayalivartha
