നിയമങ്ങള് ലംഘിക്കാതെ പിഴയടയ്ക്കേണ്ട സന്ദർഭം വന്നാൽ ഇനി പേടിക്കേണ്ട; പരാതിപ്പെടാൻ പുത്തൻ സംവിധാനവുമായി സൗദി
ട്രാഫിക് നിയമങ്ങള് ലംഘിക്കാതെ തന്നെ പലര്ക്കും പിഴയടയ്ക്കേണ്ട സന്ദർഭങ്ങൾ ഒട്ടനവധി ഉണ്ടായിട്ടുണ്ട്. എന്നാൽ ഇത്തരത്തിൽ പിഴയടക്കാന് മൊബൈലില് ട്രാഫിക് വിഭാഗത്തിന്റെ സന്ദേശം വന്നാല് അത് ഒഴിവാക്കാനാകും എന്നാണ് ബന്ധപ്പെട്ട അധികൃതർ അറിയിക്കുന്നത്
ഇത്തരത്തില് നമ്പർ തെറ്റിയോ മറ്റോ വരുന്ന പിഴ ഒഴിവാക്കുന്നതിന് പരാതി നല്കാം. അല്ലാത്ത പക്ഷം നിങ്ങള് ലംഘിക്കാത്ത ഗതാഗത നിയമത്തിന്റെ പേരില് നിങ്ങളുടെ റസിഡന്ഷ്യല് ഐഡി (ഇഖാമ) നമ്ബറില് പിഴ രേഖപ്പെടുത്തും. തുടര്ന്ന് ഈ പണം അടക്കാതെ നിങ്ങള്ക്ക് റീ എന്ട്രി വിസയോ മറ്റ് സേവനകളോ ലഭ്യമാകില്ല.
ചെറിയ തുകയാകുമ്പോൾ പലരും പണമടച്ചു തടിയൂരുകയാണ് പതിവ്. എന്നാല് ഈ പ്രശ്നത്തിന് നിയമാനുസൃത പരിഹാരമുണ്ട്. ട്രാഫിക് നിയമം ലംഘിക്കാതെയാണ് നിങ്ങള്ക്ക് പിഴയടക്കാന് നിര്ദേശം വന്നതെങ്കില് ഉടന് ഇത്തരം കേസുകള് കൈകാര്യം ചെയ്യുന്ന ട്രാഫിക് വിഭാഗം ഓഫീസില് പരാതിപ്പെടാം. വിദേശികള്ക്ക് അവരുടെ പരാതിയുമായി നേരിട്ട് ഹാജരാകുന്നതില് വിലക്കുകളൊന്നുമില്ല. ചെയ്യാത്ത തെറ്റിനാണ് പിഴയെന്ന് അധികൃതരെ ബോധ്യപ്പെടുത്തി പരാതി നല്കിയാല് അവര് ട്രാഫിക് ലംഘന കണ്ട്രോള് സംവിധാനങ്ങള് ഉപയോഗിച്ച് നിജസ്ഥിതി മനസ്സിലാക്കി വാഹന ഉടമയെ ബോധിപ്പിക്കും.
https://www.facebook.com/Malayalivartha
