ജയിലിലുള്ള മകനുവേണ്ടി മയക്കുമരുന്ന് കടത്താൻ നിയോഗിച്ചത് പത്തു വയസ്സുകാരി മകളെ; ജയിൽ ജീവനക്കാരിയുടെ അതിബുദ്ധിയ്ക്ക് കിട്ടിയത് മുട്ടൻ പണി
കുവൈത്തിൽ തടവിൽ കഴിയുന്ന മകനുവേണ്ടി മയക്കുമരുന്ന് കടത്താൻ ശ്രമിച്ച ജയിൽ ജീവനക്കാരി പിടിയിലായതായി റിപ്പോർട്ടുകൾ. ഇവരുടെ പത്തു വയസ്സുകാരി മകളെയും തടഞ്ഞുവെച്ചിട്ടുണ്ട്.
ആഭ്യന്തര മന്ത്രാലയത്തിലെ റിഫോം ഇൻസ്റ്റിറ്റ്യൂഷൻസ് അസി. അണ്ടർ സെക്രട്ടറി മേജർ ജനറൽ ഫറാജ് അൽ സൂബിയാണ് ഇക്കാര്യം വ്യക്തമാക്കിയത്.
ജയിൽ ജീവനക്കാരിയുടെ പത്തു വയസ്സുകാരി മകളുടെ കൈയിൽനിന്നാണ് ഹെറോയിൻ കണ്ടെത്തിയത്. മകളെ മയക്കുമരുന്ന് കടത്താൻ നിയോഗിക്കുകയായിരുന്നുവെന്നാണ് പറയുന്നത്. തടവുകാരനായ മകന് മയക്കുമരുന്ന് കടത്താൻ ശ്രമിക്കുന്നതിനിടെയാണ് പിടികൂടിയതെന്ന് അധികൃതർ പറഞ്ഞു.
https://www.facebook.com/Malayalivartha