യു.എ.ഇയില് സിഗററ്റുകള്ക്ക് ഡിജിറ്റല് സ്റ്റാമ്പ്; അടുത്തവര്ഷം മുതല് പുതിയ സംവിധാനം നിലവില് വരും; പുകയില ഉല്പന്നങ്ങളില് ഡിജിറ്റല് സ്റ്റാമ്പ് ഏര്പ്പെടുത്തുന്ന മേഖലയിലെ ആദ്യ രാജ്യമായി യുഎഇ
അടുത്തവര്ഷം മുതല് യു.എ.ഇയില് സിഗററ്റുകള്ക്ക് ഡിജിറ്റല് സ്റ്റാമ്പ് പതിക്കും. നികുതി വെട്ടിപ്പ് തടയാനുള്ള സര്ക്കാര് പ്രവര്ത്തനങ്ങളുടെ ഭാഗമായാണ് പുതിയ നടപടി. പുകയില ഉല്പന്നങ്ങളുടെ കള്ളക്കടത്ത് തടയുന്നതിനും വരുമാന നഷ്ടം ഇല്ലാതാക്കുന്നതിനും ഈ സംവിധാനം ഉപകരിക്കുമെന്നാണ് ഭരണകൂടത്തിന്റെ വിലയിരുത്തല്
നികുതി വെട്ടിപ്പ് തടയാനുള്ള സര്ക്കാര് പ്രവര്ത്തനങ്ങളുടെ ഭാഗമായി അടുത്ത വര്ഷം മുതല് യു.എ.ഇയില് സിഗററ്റുകള്ക്ക് ഡിജിറ്റല് സ്റ്റാമ്പ് പതിക്കും. യു.എ.ഇയിലെ പുകയില ഉല്പന്ന വില്പനയില് 30 ശതമാനം അനധികൃതമായി ഇറക്കുമതി ചെയ്തവയാണെന്നാണ് വിലയിരുത്തല്. പോയ വര്ഷം പുകയില ഉല്പന്നങ്ങളുടെ വില ഇരട്ടിപ്പിച്ചതോടെ അനധികൃത ഇറക്കുമതി വര്ധിക്കുകയും ചെയ്തു. ഇറാഖ്, സിറിയ, ഇറാന് രാജ്യങ്ങളില്നിന്നാണ് കൂടുതലും പുകയില ഉല്പന്നങ്ങളുടെ അനധികൃത ഇറക്കുമതി നടത്തുന്നത്.
ഈ സാഹചര്യത്തില് സിഗററ്റ് ബണ്ടിലുകള്ക്കാവും ഇപ്പോള് ഡിജിറ്റല് സ്റ്റാമ്പ് നിര്ബന്ധമാക്കുക. ഭാവിയില് യു.എ.ഇയില് വില്ക്കുന്ന ഓരോ ഉല്പന്നത്തിലും ബാധകമാക്കും. ഇറക്കുമതി ചെയ്യുന്ന വ്യക്തി, ഉല്പാദകന് തുടങ്ങിയവരുടെ വിവരങ്ങള് ഉള്ക്കൊള്ളുന്നതാകണം സ്റ്റാമ്പ്. ഇങ്ങനെ സ്റ്റാമ്പ് പതിച്ചിട്ടുണ്ടെന്ന് ഉറപ്പുവരുത്തുന്നതിന് കസ്റ്റംസ് ജീവനക്കാര്ക്ക് പ്രത്യേക സ്കാനറുകള് ലഭ്യമാക്കും. സ്റ്റാമ്പില്ലാത്ത ഉല്പന്നങ്ങള് കൈ വശം വെക്കുന്നവരും വില്ക്കാന് തങ്ങളുടെ സംവിധാനം അനുവദിക്കുന്നവരും ശിക്ഷക്ക് വിധേയരാകും. സ്റ്റാമ്പ് കേടുവരുത്തിയതായി ബോധ്യപ്പെട്ടാലും പിഴ വിധിക്കും. പുകയില ഉല്പന്നങ്ങളില് ഡിജിറ്റല് സ്റ്റാമ്പ് ഏര്പ്പെടുത്തുന്ന മേഖലയിലെ ആദ്യ രാജ്യമായിരിക്കും യു.എ.ഇ. ഇതുമൂലം പുകയില ഉല്പന്നങ്ങളുടെ കള്ളക്കടത്ത് തടയുന്നതിനും വരുമാന നഷ്ടം ഇല്ലാതാക്കുന്നതിനും ഈ സംവിധാനം ഉപകരിക്കുമെന്നാണ് ഭരണകൂടത്തിന്റെ പ്രതീക്ഷ.
https://www.facebook.com/Malayalivartha
