വിവിധ തരം ഓഫറുകളുമായി സൗദി കമ്പനികള്‍ രംഗത്ത് ... കബളിപ്പിക്കുന്ന തരത്തില്‍ ഓഫറുകള്‍ പ്രഖ്യാപിച്ചാല്‍ പത്ത് ലക്ഷം വരെ പിഴ ഈടാക്കുമെന്ന് വാണിജ്യ നിക്ഷേപ മന്ത്രാലയം മുന്നറിയിപ്പ്
സൗദി അറേബ്യയിലെ ദേശീയ ദിനത്തോടനുബന്ധിച്ച് വിവിധ കമ്പനികള്‍ വമ്പിച്ച ഓഫറുകളുമായി രംഗത്ത്്. വിലക്കിഴിവ് മാത്രമല്ല വിവിധതരം സമ്മാനങ്ങളും ഓഫറിന്റെ ഭാഗമായുണ്ട്. ദേശീയ ദിനം പ്രമാണിച്ച് സെപ്തംബര്‍ 23 മുതല്‍ 25 വരെയുള്ള ദിവസങ്ങളില്‍ പ്രത്യേക ഓഫറുകള്‍ പ്രഖ്യാപിക്കാം. ഇതിന് വാണിജ്യ, നിക്ഷേപ മന്ത്രാലയം ഓണ്‍ലൈന്‍ വഴി ലൈസന്‍സ് അനുവദിക്കുന്നുണ്ട് സൗദിയിലെ കമ്പനികളും വ്യാപാര സ്ഥാപനങ്ങളും പ്രഖ്യാപിക്കുന്ന മുഴുവന്‍ ഓഫറുകളും അറിയാന്‍ വാണിജ്യ, നിക്ഷേപ മന്ത്രാലയം ആപ്ലിക്കേഷന്‍ തുടങ്ങിയിട്ടുണ്ട്.
അതേസമയം, കബളിപ്പിക്കുന്ന തരത്തില്‍ ഓഫറുകള്‍ പ്രഖ്യാപിച്ചാല്‍ പത്ത് ലക്ഷം വരെ പിഴ ഈടാക്കുമെന്ന് വാണിജ്യ നിക്ഷേപ മന്ത്രാലയം മുന്നറിയിപ്പ് നല്‍കിയിട്ടുണ്ട്. നിയമ ലംഘിക്കുന്നവര്‍ക്ക് മൂന്നു വര്‍ഷം തടവും ലഭിക്കും. വാണിജ്യ, നിക്ഷേപ മന്ത്രാലയത്തില്‍ നിന്ന് ലൈസന്‍സ് നേടി മാത്രമേ ഓഫറുകള്‍ പ്രഖ്യാപിക്കാവൂ. വിപണിയിലെ വിശ്വാസ്യത നിലനിര്‍ത്തുന്നതിന്റെ ഭാഗമായാണിത്.
https://www.facebook.com/Malayalivartha
