കൊവിഡ് 19 രോഗബാധമൂലം ഗള്‍ഫ് നാടുകളെ ഏറ്റവും കൂടുതല്‍ ആശങ്കയിലാക്കുന്നത് സാമ്ബത്തിക മേഖലയില്‍ ഉണ്ടാകാന്‍ പോകുന്ന ഭീമന്‍ ആഘാതങ്ങളെ കുറിച്ചുള്ള റിപ്പോര്‍ട്ടുകളാണ്. ടൂറിസം, റിയല്‍ എസ്റ്റേറ്റ്, വ്യോമയാനം, വിദേശനിക്ഷേപം തുടങ്ങി ഗള്‍ഫ് നാടുകളിലെ നിരവധി മേഖലകളെയാകും സാമ്ബത്തിക പ്രതിസന്ധി ബാധിക്കുക എന്നാണ് റിപ്പോര്‍ട്ടില്‍ പറയുന്നത്. ഇതിനോടകം തന്നെ നിരവധി പേര്‍ ശമ്ബളമില്ലാതെ നിര്‍ബന്ധിത അവധിയില്‍ പ്രവേശിക്കാന്‍ പോലും പലകമ്പനികള്‍ ആവശ്യപ്പെട്ടിട്ടുണ്ടെന്നാണ് വിവരം.

ഇതിന് ഒരു പ്രതിവിധി മാത്രമേ കമ്പനികള്‍ കാണുന്നുള്ളൂ. നിലവിലെ പ്രതിസന്ധിയെ മറികടക്കാന്‍ കമ്ബനികളെ സഹായിക്കുന്നതിനായി തൊഴിലാളികള്‍ക്ക് ശമ്ബളമില്ലാത്ത അവധി നല്‍കുകയോ പിരിച്ചുവിടുകയോ ചെയ്യുക എന്നതാണ്. തൊഴില്‍ മന്ത്രാലയങ്ങളും ഇത്തരത്തിലുള്ള നിര്‍ദേശങ്ങള്‍ നല്‍കിക്കഴിഞ്ഞു. എന്നാല്‍ ഇതുമൂലം ആയിരങ്ങള്‍ക്കാണ് തൊഴില്‍ നഷ്ടമാകുകയെന്നാണ് സാമ്ബത്തിക വിദഗ്ദര്‍ വിലയിരുത്തുന്നത്. ഈ പ്രതിസന്ധി കേരളത്തില്‍ നിന്നുമുള്ള പ്രവാസികളെയും കാര്യമായി ബാധിക്കുകയും തുടര്‍ന്ന് അതിന്റെ ഭീമമായ സാമ്ബത്തിക ആഘാതം കേരളത്തില്‍ ഉണ്ടാകുമെന്നും ഇവര്‍ വ്യക്തമാക്കുന്നു.

മാത്രമല്ല കൊവിഡിന്റെ തുടക്കത്തില്‍ തന്നെ കമ്ബനികള്‍ തൊഴിലാളികളോട് നീണ്ട, ശമ്ബളമില്ലാതെ അവധിയില്‍ പോകാന്‍ ആവശ്യപ്പെട്ടിരുന്നു. ഗള്‍ഫിലെ ബാങ്കുകളുടെ കടംകൊടുക്കല്‍ ശേഷിയെയും ധപ്രതിസന്ധി ബാധിച്ച് തുടങ്ങിയിട്ടുണ്ട്. സര്‍ക്കാര്‍ പദ്ധതികള്‍ മിക്കതും നിലവില്‍ കരുതല്‍ ധനമുപയോഗിച്ചാണ് മുന്നോട്ട് നീങ്ങുന്നത്. ഗള്‍ഫ് നാടുകളിലെ ആഭ്യന്തരോദ്പാദനം 0.6 ശതമാനത്തിലേക്ക് താഴുമെന്നും അനുമാനമുണ്ട്. എണ്ണ കയറ്റുമതിയിലും ഭീമമായ ഇടിവുണ്ടാകുമെന്നും പറയപ്പെടുന്നു.