ഗള്‍ഫ് രാജ്യങ്ങളിലും പ്രതിരോധ പ്രവര്‍ത്തനങ്ങള്‍ കൂടുതല്‍ ശക്തമാക്കുമ്പോഴും കോവിഡിനെ പിടിച്ചുകെട്ടാന്‍ കഴിയാത്ത അവസ്ഥ... രോഗികള്‍ക്ക് വീടുകളില്‍ മരുന്ന് എത്തിച്ചു നല്‍കുന്ന പദ്ധതിക്ക് ആരോഗ്യ മന്ത്രാലയവും സൗദി പോസ്റ്റും ധാരണാപത്രം ഒപ്പുവെച്ചു
ഗള്‍ഫ് രാജ്യങ്ങളിലും കോവിഡ് പിടിമുറുക്കിയിരിക്കുകയാണ്. പ്രതിരോധ പ്രവര്‍ത്തനങ്ങള്‍ കൂടുതല്‍ ശക്തമാക്കുമ്പോഴും കോവിഡിനെ പിടിച്ചുകെട്ടാന്‍ കഴിയാത്ത അവസ്ഥയാണ്. രോഗികള്‍ക്ക് വീടുകളില്‍ മരുന്ന് എത്തിച്ചു നല്‍കുന്ന പദ്ധതിക്ക് ആരോഗ്യ മന്ത്രാലയവും സൗദി പോസ്റ്റും ധാരണാപത്രം ഒപ്പുവെച്ചു. ആരോഗ്യമന്ത്രാലയത്തിന് കീഴിലെ നാലു ആശുപത്രികളില്‍ ചികിത്സ തേടുന്ന രോഗികള്‍ക്കാണ് വീടുകളില്‍ മരുന്ന് എത്തിച്ചു നല്‍കുന്നത്. അതെ സമയം കോവിഡ് മുന്‍കരുതലുകളുടെ ഭാഗമായി സൗദിയില്‍ ലേബര്‍ ക്യാമ്ബുകളില്‍ കഴിയുന്ന രണ്ടരലക്ഷത്തോളം തൊഴിലാളികളെ മാറ്റി പാര്‍പ്പിക്കുന്നു.
തൊഴിലാളികളെ മാറ്റിപ്പാര്‍ക്കുന്നതിനുള്ള പ്രക്രിയ പുരോഗമിക്കുകയാണ്. സ്‌കൂളുകളും മറ്റ് സ്ഥാപനങ്ങളുമാണ് ഇതിനായി കണ്ടെത്തിയിരിക്കുന്നത്. ഇതിനോടകം തന്നെ അറുപതിനായിരത്തോളം സ്‌കൂള്‍ മുറികളാണ് രാജ്യത്ത് സജ്ജീകരിച്ചിട്ടുള്ളത്. കോവിഡ് വ്യാപനത്തെ തുടര്‍ന്ന് രാജ്യം സ്വീകരിക്കുന്ന കര്‍ശന നടപടികളുടെ ഭാഗമായാണ് തൊഴിലാളികളെ മാറ്റിപ്പാര്‍പ്പിക്കുന്നത്.
നിരവധി പേര്‍ ഒന്നിച്ചു കഴിയുന്ന ലേബര്‍ ക്യാമ്ബുകളിലെ തൊഴിലാളികളെയാണ് മാറ്റിപാര്‍പ്പിക്കാന്‍ തീരുമാനിച്ചത്. രണ്ടരലക്ഷം തൊഴിലാളികളെ അടിയന്തിരമായി മാറ്റിപാര്‍പ്പിക്കാനാണ് പദ്ധതി. ഇതിനായി രാജ്യത്തിന്റെ വിവിധ പ്രവിശ്യകളിലായി അറുപതിനായിരം സ്‌കൂള്‍ മുറികള്‍ സജ്ജീകരിച്ചതായി മുന്‍സിപ്പല്‍ ഗ്രാമകാര്യ വകുപ്പ് മന്ത്രി ഡോ. അഹമ്മദ് അല്‍ഖത്താന്‍ പറഞ്ഞു.
3345 സ്‌കൂളുകള്‍ ഇതിനായി ഏറ്റെടുത്ത് നല്‍കിയതായി വിദ്യാഭ്യാസ മന്ത്രാലയവും അറിയിച്ചു. ഇതോടെ രോഗവ്യാപനം പ്രതീക്ഷിച്ച മേഖല സുരക്ഷിതമായ അവസ്ഥയിലേക്ക് നീങ്ങുകയാണ്.ഭാവിയില്‍ തൊഴിലാളികളെ തിരിച്ചെത്തിക്കുന്നതിന് മുന്നോടിയായി ലേബര്‍ ക്യാമ്ബുകളില്‍ ആവശ്യമായ ക്രമീകരണം നടത്തുമെന്നും അധികൃതര്‍ വ്യക്തമാക്കിയിട്ടുണ്ട്.
റിയാദ് കിംഗ് സല്‍മാന്‍ ആശുപത്രി, ദമ്മാം മെറ്റേണിറ്റി ആന്‍ഡ് ചില്‍ഡ്രന്‍സ് ആശുപത്രി, ബുറൈദ കിംഗ് ഫഹദ് സ്‌പെഷ്യലിസ്റ്റ് ആശുപത്രി, അല്‍ഹസ മെറ്റേണിറ്റി ആന്‍ഡ് ചില്‍ഡ്രന്‍സ് ആശുപത്രി എന്നിവിടങ്ങളില്‍ ചികിത്സ തേടുന്ന രോഗികള്‍ക്കാണ് മരുന്ന് വീടുകളില്‍ എത്തിച്ചു നല്‍കുന്നത്.
ഈ ആശുപത്രികളിലെ ഫാര്‍മാസികള്‍ ഓരോ രോഗികള്‍ക്കുമുള്ള മരുന്നുകള്‍ പ്രത്യേകം പാക്ക് ചെയ്ത് താമസസ്ഥലത്തെ വിലാസത്തില്‍ അയക്കും. മരുന്ന് അയച്ച കാര്യം രോഗികളെ ആശുപത്രിയില്‍ നിന്ന് ഫോണിലൂടെ അറിയിക്കും. ആരോഗ്യ മന്ത്രാലയവുമായുള്ള കരാറിന്റെ അടിസ്ഥാനത്തില്‍ സൗദി പോസ്റ്റാണ് മരുന്നു വീടുകളില്‍ എത്തിച്ചു നല്‍കുന്നത്. നിശ്ചിത സമയത്തിനുള്ളില്‍ മരുന്ന് രോഗികള്‍ക്ക് വീട്ടിലെത്തി കൈമാറും. മരുന്ന് സ്വീകരിക്കുന്നതിന് രോഗികള്‍ക്ക് എസ്.എം.എസ് വഴി വെരിഫിക്കേഷന്‍ നമ്പറും കൈമാറും.
തൊഴിലാളികളുടെ താമസ സ്ഥലങ്ങള്‍ മുനിസിപ്പല്‍, ബലദിയ്യ നിബന്ധനകള്‍ പാലിച്ചിരിക്കണമെന്നും താഴെ പറയുന്ന നടപടികള്‍ പൂര്‍ത്തിയായിരിക്കെണമെന്നും സര്‍ക്കാര്‍ അറിയിച്ചു.
മുനിസിപ്പല്‍ ബലദിയ്യക്കനുസൃതമായി തൊഴിലാളികളുടെ താമസ സ്ഥലങ്ങള്‍ സജ്ജീകരിക്കുന്നതോടപ്പം എല്ലാദിവസവും തൊഴിലാളികളെ പരിശോധിച്ചിരിക്കണം. കൊവിഡ് ലക്ഷണമുള്ളവരെ പാര്‍പിക്കുന്നതിനു താമസ സ്ഥലത്ത് പ്രതേകം മുറി സജ്ജീകരിച്ചിരിക്കണം. ഏതെങ്കിലും തൊഴിലാളിക്കു കൊവിഡ് 19 ലക്ഷണം കണ്ടാല്‍ ഉടനെ 937 എന്ന നമ്പറില്‍ വിളിച്ചറിയിക്കണം.
എല്ലാ ദിവസവും രണ്ട് പ്രാവശ്യം ടോയ്‌ലറ്റുകളും മറ്റു സ്ഥലങ്ങളും ഉപരിതലങ്ങളും രണ്ട് പ്രാവശ്യം കഴുകണം. ആഴ്ചയിലൊരിക്കല്‍ കഴുകി വൃത്തിയാക്കുന്നതോടൊപ്പം അണുവിമുക്തമാക്കുകയും വേണം. നിര്‍ബന്ധമായും സൗദി ഫുഡ് ആന്റ് ഡ്രഗ്‌സ് അതോറിറ്റി അംഗീകരിച്ച അണുനാശിനികളും ശുദ്ധീകരണ വസ്തുക്കളുമാണ് താമസ കേന്ദ്രങ്ങള്‍ ശുദ്ദീകരിക്കുന്നതിനു ഉപയോഗിക്കേണ്ടത്.
നിര്‍ബന്ധമായും കൈകള്‍കള്‍ക്ക് വേണ്ടി അണുവിമുക്ത ലായനി മുറികളികളില്‍ ഒരുക്കുന്നതോടപ്പം കവാടങ്ങളിലും ഇടനാഴികകളിലും മറ്റു പ്രാധാന സ്ഥലങ്ങളിലും സ്ഥാപിച്ചിരിക്കണം. എയര്‍ കണ്ടീഷണറുകളുടെ ഫില്‍റ്ററും അടുക്കളയിലെ എക്‌സസ്സ് ഫാനും വൃത്തിയാക്കുകയും അവ പ്രതേകം രജിസ്റ്ററില്‍ രേഖപ്പെടുത്തുകയും വേണം.
https://www.facebook.com/Malayalivartha
