യുഎഇയിൽ കൊറോണ പടരുന്ന സാഹചര്യത്തിൽ കരുതലിന്റെ മുന്നൊരുക്കമായി നോമ്പെടുക്കേണ്ടതില്ലെന്ന് ഫത്‍വ. ആയതിനാൽ തന്നെ കൊറോണ ​ ബാധിതരും ആരോഗ്യ പ്രവർത്തകരും നോമ്പെടുക്കേണ്ടതില്ലെന്ന്​ യു.എ.ഇ ഫത്‍വ കൗൺസിൽ മതനിയമം പുറപ്പെടുവിക്കുകയുണ്ടായി. കൊറോണ മൂലം യുഎഇയിൽ തുടരുന്ന സ്ഥിതിക്ക്​ മാറ്റമില്ലെങ്കിൽ പള്ളികളിലെ പെരുന്നാൾ നമസ്കാരവും ഒഴിവാക്കാമെന്നും ഫത്‍വയിൽ നിർദേശം നൽകിയിരിക്കുകയാണ്. അതോടൊപ്പം തന്നെ ഇതുൾപെടെ അഞ്ച്​ നിർദേശങ്ങളാണ്​ ഉത്തരവിലുടെ പുറപ്പെടുവിച്ചിരിക്കുക്കുന്നത്​.

ഫത്‍വയിലെ നിർദേശങ്ങൾ ഇങ്ങനെയാണ്:

1.കൊവിഡ്​ ബാധിതരെ ശിശ്രൂഷിക്കുന്ന ആരോഗ്യ പ്രവർത്തകരും അതോടൊപ്പം തന്നെ കോവിഡ്​ ബാധിതരും നോമ്പെടുക്കേണ്ടതില്ല. രോഗലക്ഷണങ്ങളുള്ളവരുടെ നില വഷളാവാൻ സാധ്യതയുള്ളതായി​​ ഡോക്ടർമാർ മുൻകരുതൽ നിർദേശം നൽകിയിട്ടുണ്ടെങ്കിൽ അവരും നോമ്പെടുക്കരുത്​. റമദാൻ മാസത്തിലെ രാത്രി നമസ്​കാരമായ തറാവീഹ്​ നമസ്​കാരം പള്ളികളിൽ തന്നെ നിർവഹിക്കാതെ വീടുകളിൽ നമസ്​കരിക്കാം.

2. എന്നാൽ നിലവിലെ അവസ്​ഥക്ക്​ മാറ്റമുണ്ടാകാതെ തന്നെ തുടർന്നാൽ ഈദുൽ ഫിത്വർ നമസ്കാരം ഉണ്ടാവുന്നതല്ല. തുടർന്ന് വീടുകളിൽ സുബഹി നമസ്​കാരത്തിന്​ ശേഷം പെരുന്നാൾ നമസ്​കരിക്കാവുന്നതാണ്. ഒരേ വീട്ടിൽ താമസിക്കുന്നവർക്ക്​ ഒരുമിച്ച്​ നമസ്​കരിക്കാവുന്നതാണെങ്കിലും ജീവന്​ ഭീഷണിയാവുന്ന തരത്തിലാവരുത്​ ഒരുമിച്ചുള്ള നമസ്​കാരം എന്നാണ് വ്യക്തമാക്കുന്നത്.

3. കൊറോണ ഭീതി നിലനിൽക്കുന്ന സാഹചര്യത്തിൽ വെള്ളിയാഴ്​ചകളികലെ ജുമുഅ നമസ്​കാരങ്ങൾ അനുവദിനീയമാകുന്നതല്ല. ഈ സമയങ്ങളിൽ വീടുകളിൽ ളുഹർ നമസ്​കരിച്ചിരിക്കണം.

4.സക്കാത്ത്​ നൽകുന്നത്​ പരമാവധി നേരത്തെ തന്നെ ആക്കണം. എന്തെന്നാൽ ഈ സാഹചയം സക്കാത്ത്​ ആവശ്യമായതാണ്​. സക്കാത്ത്​ നൽകാൻ പ്രത്യേക സമയം നിശ്​ചയിക്കേണ്ട കാര്യം ഒന്നും തന്നെയില്ല. ഒപ്പം സാധരണ ജനങ്ങൾ ബുദ്ധിമുട്ടുന്ന സാഹചര്യങ്ങൾക്കനുസൃതമായി സക്കാത്ത്​ നൽകാൻ പ്രവാചകൻ ഉണർത്തിയിട്ടുള്ളതാണ്​. ഒപ്പം രാജ്യത്തിനുള്ളിലുള്ളവർക്ക്​ പരമാവധി സക്കാത്ത്​ നൽകാൻ ശ്രമിച്ചിരിക്കണം. ഇതിനായി എമിറേറ്റ്​സ്​ റെഡ്​ ക്രസന്റ്​ പോലുള്ളവയെയും സന്നദ്ധ സംഘടനകളെയും സർക്കാർ അധികൃതരെയും പൊതുപ്രവർത്തകരെയും സമീപിക്കുന്നതാവും നല്ലതെന്ന് ഫത്​വയിൽ നിർദേശം നൽകിയിരിക്കുകയാണ്.

5.കൊവിഡ്​ വൈറസ്​ വ്യാപിക്കുന്ന പശ്ചാത്തലത്തിൽ ഓൺലൈൻ യോഗം ചേർന്നാണ്​ തീരുമാനങ്ങൾ കൈകൊണ്ടത്​. പുണ്യമാസത്തിന്റെ മാസത്തിന്റെ പരിശുദ്ധി ഉൾകൊണ്ട്​ ആവശ്യമുള്ളവർക്ക്​ സഹായം എത്തിക്കണമെന്ന്​ മെമ്പർമാർ രേഖപ്പെടുത്തുകയുണ്ടായി.