കുവൈറ്റിൽ 24 മണിക്കൂറിനിടെ 156 ഇന്ത്യക്കാർക്ക് കൊറോണ; ഇതോടെ കോവിഡ് സ്ഥിരീകരിച്ച ഇന്ത്യക്കാരുടെ എണ്ണം 8446 ആയി
കുവൈറ്റിൽ കഴിഞ്ഞ 24 മണിക്കൂറിനുള്ളിൽ 3664 പേർക്കാണ് കൊവിഡ് ടെസ്റ്റ് നടത്തിയത്. എന്നാൽ ഇതിൽ719 പേർക്കാണ് രോഗം സ്ഥിരീകരിച്ചത്. ഇതോടെ രാജ്യത്തെ കോവിഡ് കേസുകളുടെ ആകെ എണ്ണം 27762 ആയി ഉയരുകയുണ്ടായി. പുതിയ രോഗികളിൽ 156 പേർ ഇന്ത്യക്കാർ ആണ് എന്നാണ് ലഭ്യമാകുന്ന വിവരം. ഇതോടെ കുവൈത്തിൽ കോവിഡ് സ്ഥിരീകരിച്ച ഇന്ത്യക്കാരുടെ എണ്ണം 8446 ആയി ഉയർന്നത് പ്രവാസികളിൽ ആശങ്കയ്ക്ക് ഇടയാക്കി.
അതേസമയം 24 മണിക്കൂറിനിടെ 8 പേരാണ് കുവൈത്തിൽ കോവിഡ് ബാധിച്ചു മരിച്ചത്. ഇതോടെ രാജ്യത്ത് കോവിഡ് മൂലം മരിച്ചവരുടെ എണ്ണം 220 ആയി ഉയർന്നു. തുടർന്ന് ഇന്ന് രോഗം സ്ഥിരീകരിച്ച മുഴുവൻ പേർക്കും സമ്പർക്കത്തെ തുടർന്നാണ് വൈറസ് ബാധിച്ചത് എന്നാണ് ആരോഗ്യപ്രവർത്തകർ നൽകുന്ന വിവരം. ഇതേതുടർന്ന് പുതിയ രോഗികളിൽ 209 പേർ ഫർവാനിയ ഗവർണറേറ്റിലെ താമസക്കാരാണ്. ഹവല്ലി ഗവർണറേറ്റ് പരിധിയിൽ താമസിക്കുന്ന 101 പേർക്കും അഹമ്മദിയിൽ നിന്നുള്ള 184 പേർക്കും, കാപിറ്റൽ ഗവർണറേറ്റിൽ 55 പേർക്കും ജഹറയിൽ നിന്നുള്ള 170പേർക്കും ഇന്ന് കൊറോണ വൈറസ് സ്ഥിരീകരിക്കുകയുണ്ടായി.
റസിഡൻഷ്യൽ ഏരിയ അടിസ്ഥാനമാക്കിയുള്ള കണക്കുകൾ ഇങ്ങനെ:-
ഫർവാനിയ: 57
അബ്ദലി: 39
മെഹ്ബൂല: 42
സാൽമിയ : 37
ജലീബ് അൽ ശുയൂഖ്: 45
https://www.facebook.com/Malayalivartha