തന്റെ സുഹൃത്തുക്കളോടൊപ്പം ആഴക്കടലിൽ നീന്തുകയും മത്സ്യബന്ധനം നടത്തുകയും ചെയ്യുന്ന ദുബായ് കിരീടാവകാശിയും എക്സിക്യുട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിൻ്റെ വിഡിയോ സാമൂഹ്യമാധ്യമങ്ങളിൽ ഇതിനോടകം തന്നെ വൈറലായി മാറിയിരിക്കുകയാണ്. ഷെയ്ഖ് ഹംദാൻ തന്നെയാണ് തന്റെ ഇൻസ്റ്റാഗ്രാം പേജിൽ ആഴക്കടലിൽ സ്കൂബ ഡൈവിംഗ് ചെയ്യുന്ന വീഡിയോ പങ്കുവച്ചത്.

അതോടൊപ്പം തന്നെ വെള്ളിയാഴ്ച രാവിലെ സുഹൃത്തുക്കളോടൊപ്പം കടലിൽ നീന്തുന്നതും മീൻ പിടിക്കുന്നതുമാണ് വിഡിയോയിൽ മനോഹമരമായി പകർത്തിയിട്ടുള്ളത്. അദ്ദേഹം ആഴക്കടലിൽ നീന്തിത്തുടിക്കുന്നതും വലിയ മത്സ്യങ്ങൾ പിടിച്ചുനിൽക്കുന്നതുമായ ചിത്രങ്ങളും ഇതിനോടൊപ്പം തന്നെ പങ്കുവച്ചിട്ടുണ്ട്. പ്രവാസികളുടെ പ്രിയപ്പെട്ട അധികാരിയുടെ വീഡിയോ പ്രവാസികൾ നിമിഷങ്ങൾക്കകം തന്നെ നെഞ്ചിലേറ്റിക്കഴിഞ്ഞു.