കൊറോണ വൈറസ് ബാധിച്ച് മണിക്കൂറുകൾക്കിടയിൽ ഗൾഫിൽ മൂന്നു മലയാളികൾ കൂടി മരിച്ചു. കടലുണ്ടി നാലകത്ത് സ്വദേശി അബ്ദുൾ ഹമീദ് റിയാദില്ലാണ് മരിച്ചു. ഇദ്ദേഹത്തിന് 50 വയസ്സായിരുന്നു. മഞ്ചേരി തൃക്കലങ്ങോട് സ്വദേശി അബ്ദുൽ ലത്തീഫ് ദമാമിൽ മരിക്കുകയുണ്ടായി. മലപ്പുറം ഈസ്റ്റ് കോഡൂർ സൈദലവി കുവൈത്തിലാണ് മരിച്ചത്. ഇതോടെ കൊവിഡ് ബാധിച്ച് ഗൾഫിൽ മരിച്ച മലയാളികളുടെ എണ്ണം 207 ആയി ഉയർന്നു.

അതോടൊപ്പം ഇന്നലെ വിവിധ ഗൾഫ് രാജ്യങ്ങളിലായി നാല് പേരാണ് മരിച്ചത്. കോവിഡ് ബാധിച്ച് ഗൾഫിൽ മരിച്ചവരിൽ നാല് ആരോഗ്യ പ്രവർത്തകരും ഉൾപ്പെടുന്നു. എന്നാൽ ഗൾഫിലെ കോവിഡ് ബാധിച്ച് ഏറ്റവും കൂടുതല്‍ മലയാളികള്‍ മരിച്ചത് യുഎഇയിലാണ്. 97 പേരാണ് ദുബൈ ഉൾപ്പെടെ വിവിധ എമിറേറ്റുകളിലായി കൊറോണ ബാധിച്ച് മരിച്ചത്. 57 മലയാളികൾ മരിച്ച സൗദി അറേബ്യയാണ് രണ്ടാമത് നിൽക്കുന്നത്. കുവൈത്തിൽ 38 മലയാളികളാണ് മരിച്ചത്. ഖത്തറിൽ അഞ്ചും ഒമാനിൽ ആറുമാണ് മരണ സംഖ്യ രേഖപ്പെടുത്തിയത്. ർത്തുവരെ മരണം രേഖപ്പെടുത്താത്ത ബഹ്റൈനിൽ ഒരു മലയാളിയും ഇതിനകം കോവിഡ് ബാധിച്ച് മരിച്ചു.

അതേസമയം മലയാളികളുടെ മരണ സംഖ്യ ഉയരുമ്പോൾ പ്രവാസ ലോകത്ത് ആശങ്ക വർധിക്കുകയാണ്. നിരവധി മലയാളികൾ ഗൾഫിലെ വിവിധ ആശുപത്രികളിലായി കോവിഡ് ബാധിതരായി അത്യാസന്ന നിലയിലുണ്ടെന്ന് സാമൂഹ്യ പ്രവർത്തകർ അറിയിക്കുകയുണ്ടായി..